رواية التحدي المستحيل (جميع الفصول كاملة) بقلم الكاتبة اسراء هاني

رحمة بتوتر وخجل: علي 

علي وهو يقب.ل كتفها: قلب علي وروح علي

رحمة وقد اوشكت على الإغماء: كدة غلط 

علي: لا انتي مراتي وحبيبتي.. ربنا يسامح حماتي قولتلها اسبوع اصرت شهر 

ادارت وجهها نظرت له بابتسامه وهمست: هانت ا.. 

وقبل ان تكمل كانت شفت.تيه عرفت طريقها وقب.لها بحنان شديد كأنها جوهرة يخشى عليها الخدش 

وضع جبهته على جبهتها وهمس: ان شاء الله العمر كله معايا لو تعرفي بقيتي عندي ايه 

كانت ما زالت مغمضة عينيها همست: انت عملت ايه

علي: لسة ما عملتش مستني اتجوز عشان حعمل كتير

رحمة بصد@مة: انت قليل.. الادب 

علي بضحك: اوي اوي بس نتجوز الاول 

تركته وعادت مكانها بخجل وهمست: كمل اكلك 

علي: تؤ اللي كلته من شويا طعمه أجمل 

رحمة بتوتر: علي عشان خاطري بلاش تتكلم كدة اعصابي بتتوتر وببقى مش بجمع نفسي اعرف ازاي دكتور 

ضحك بقوة وهمس: هو الدكتور يعني مش بيحب ومش بيتجوز الحاجات دي كل الناس بتعرفها 

رحمة: ماشي حاروح عليا محاضرة

علي: رحمة ينفع بس ما تتكلميش كتير مع الشباب 

رحمة بعدم فهم: مش فاهمة 

علي بحنان: انا بغير عليكي في رجالة بتعمل نفسها بتسأل عشان تقرب منك.. زي ما في بنات بتعمل معايا كدة عشان خاطري حاولي اللي يجي يسألك قوليلوا خلي السؤال للمحاضرة اصلي امبارح مسكت نفسي بالعافيه 

رحمة بابتسامه: حاضر يا علي اوعدك حاتعامل بجدية جدا وحاعمل حدود مع الكل بس انت تكون مبسوط 

اقترب منها وضمها بحب وهمس: طول ما انتي معايا انا مبسوط اوي 

بعد انتهاء دوامهم ذهبت رحمة الى البيت بلهفة كانت هناء بالصالون امسكت يدها وادخلتها الغرفة فتحت هاتفها وأعطته لها 

" القبض على زين الشريف بسبب عدم التزامه بالعقد " 

" زين الشريف بين القضبان بسبب عدم اكمال فيلمه الجديد "   

" كم مدة حبس زين الشريف بعد ان قدم به عادل عاصم بلاغ "

والكثير من الاخبار والصور على ذلك 

جلست هناء مرة واحدة على السرير بانهيار وبكت بشدة 

هناء ببكاء شديد: اكيد انا السبب ياربي ما هو اللي خسرني اعمل ايه 

رحمة بحزن: قابلي اقنعي يكمل الفيلم انتي قولتي فاضل كام مشهد خلي يخلصهم 

هناء: مش سهل عليا بعد اللي عمله اسامحه 

رحمة: ما تسامحهوش قوليله خلص الفيلم بعدها نتفاهم وابقوا اتفقوا 

هناء: وحقابله ازاي...

رحمة: حخلي علي يطلب من عمر يجيب اذن بالزيارة 

هناء: ياريت بكت وهمست: ربنا يستر

كان يجلس في غرفة المكتب يفكر بها بملامحها ابتسامتها كل شئ بها

_ في زيارة عشانك 

زين: مش عايز اا... ليركض ناحية الباب حين رؤية هناء 

دخلت هناء بدموع وخرج العسكري ضمها بقوة رغما عنها طال حضنه لم تستطيع ان تدفعه كانت تشتاقه هيا الاخرى كان يشتمها 

زين بدموع: وحشتيني وحشتيني اوي ياريتني تسجنت من بدري عشان اشوفك 

نظرت لعينيه وحجم الاشتياق والألم وهمست: زين احنا لازم نتكلم 

هز رأسه بالنفي وهمس: عايز افضل ابصلك وبس بعدك هدني.. 

هناء: ما تخليش حاجة تأثر على شغلك حاول تفصل 

زين: هناء انا اكيد مش عجبني وجع قلبي ولو قادر اعيش من غيرك واكمل حعمل كدة بس انا بحبك اوي.. هناء صدقيني انا مثلت مع شهد ٣ مرات عمروش حصل بينا كدة والله العظيم مش فاكر حاجة 

هناء: انا مش جاية اتكلم بالموضوع انا.. 

زين: هناء انا كنت ااقدر اخرج بكفالة او محامي شاطر يخرجني بس انا طلبت اتسجن

نظرت له بصد@مة ليجلس على ركبتيه امامها وينظر لها باشتياق واكمل: ولو حيعطوني اعدام بس اشوفك واببررلك موافق 

هناء: انت تسجنت عشان تشوفني 

زين: ايوة المحامي قالي نخرج كفالة والصحافة ما تعرفش انا اللي قولتلهم ينشروا الخبر كان عندي امل تيجي والحمد لله جيتي كنتي وحشاني بجنون 

بكت بشدة مسح دموعها بحنان وهمس: ما استهلش دموعك.. دموعك اغلى من الدنيا كلها

هناء: طيب لو بتحبني فعلا تخلص الفيلم عشان مش عايزاك تتأذي

زين برجاء: وتفضلي معايا

هناء: مش حاقدر بس اوعدك حنتفاهم ونوصل لحل 

زين: وتختفي ومعرفش اشوفك مش كدة.. ما اقدرش

هناء: حنتقابل بالجامعة عادي مش زي اول بس حتشوفني بس كمل شغلك واكيد في حل 

قبل يدها وهمس: طيب خليني بس اوصل للي خلاني عملت كدة انا متأكد شهد ليها يد.. اثبتلك براءتي 

هزت راسها وهمست: خلاص الكام مشهد اللي فاضلين بعدها اكيد حتلاقي حل

هز رأسه وقبل جبينها وهمس: متشكر انك جيتي. 

ذهبت ناحية الخارج وهمست: حاول تخرج النهاردة 

زين بابتسامه: كنت هنا عشان اشوفك دلوقتي ااقدر اخرج خلي بالك من نفسك 

تركته وخرجت لكن شئ داخلها اخبرها انه مظلوم

في المستشفى يضمد جرح يده بعد ان تعرض لاطلاق نار

فلاش باااك 

سار أمامها لتتفاجأ بأحد مصوب سلاحه تجاه عمر 

صرخت بأعلى صوتها عمررررر 

عاد قليلا لها عندما قلق عليها ليتلقى الرصا'صة بيده لكنه خرجت كان مجرد خدش عميق قليلا

وركض من على الدراجة

ركضت ناحيته برعب شديد وضمته بكل خوف وهمست ببكاء شديد: عمر عمر انت كويس صح مش حتموت مش كدة

عمر بابتسامه: ايوة ما تخافيش عمر الشقي بقي 

زادت من ضمه وهو في عالم اخر من قربها وقالت ببكاء: ايدك بتنز.ف نروح المستشفى عشان خاطري 

عمر: يا حبيبتي ما تقلقيش الجرح صغير 

نفين: كنت حموت لو حصلك حاجة والله العظيم 

ابتسم قلبه بسعادة وهمس: ياريتني تضربت نار من زمان 

نفين بخجل: امشي نروح المستشفى كفاية دلع 

بااااك 

نفين: حاسس بايه 

عمر بتمثيل: اني تعبان اوي

رفعت حاجبها تنظر له وهمست بسخرية: طيب خود دورة في التمثيل الاول اتعلم من زين الشريف 

عمر بغيرة: مين زين الشريف ده 

نفين باستفزاز: ده واد كدة بيمثل بس ايه مززز 

عمر بغيظ: ايه رايك انزلك صف اسنانك 

نفين بضحك: لا بجد حاسس بايه

عمر: اني بحبك اوي اوي

لتصلها رسالة على هاتفها: دي البداية بس وان فضلتي جمبه ابقى اقريلوا الفاتحة 

&&&

دخلت رحمة مكتب علي تصنع له الشاي حتى ينهي محاضرته 

بعد قليل دخل علي المكتب كانت تريد ان تفاجئه لكنها توقفت عندما دخل وائل له المكتب 

وائل: علوة الجامد 

علي بضحك: ازيك مختفي فين

احتضنه وجلسا سويا 

وائل: معلم بجد معلم انا ما صدقتش

كان علي قد نسي رهانه معه نظر له بعدم فهم: ما صدقتش ايه

وائل: انا جيت اعطيك الموتسكيل انت كبست الرهان 

نظر له علي بعدم فهم ليكمل وائل: الرهان كان انك تجيبها البيت بسريرك ما صدقتش اما قالولي انك خطبتها قدرت توقعها ازاي يا ابني بس انت وعدتني انا حدوق بعدك 

هل كانت مجرد رهان.. أيعقل 

وائل: بجد معلم ما صدقتش 

علي بعدم فهم: ما صدقتش ايه

وائل: يا ابني الايه الاتفاق كان على انك تاخدها السرير لا انت كمان خطبتها.. معلم الموتسكيل حلال عليك بس انت وعدتني انا حادوق بعدك 

وقبل ان يلكمه تعلقت يده في الهواء حين رؤية تلك التي على وشك المو.ت 

تنظر له غير مصدقة ما سمعت 

اخفض وائل رأسه بخزي وخرج.. وبقي علي يواجه مصيره لم يجد كلام يبرر نسي الكلمات ينظر لها بألم فشكلها يوحي انها على وشك الاغماء 

علي: رحمة انا.. 

رحمة بتماسك: حتاخدني السرير امتى 

علي بوجع: رحمة والله العظيم انتي فاهمة غلط 

رحمة: مبروك عليك الموتسكيل.. طلقني 

علي بانهيار: ط... ايه رحمة ايه اللي انتي بتقولي ده 

رحمة بحدة: حطلقني غصب عنك انت لا يمكن تكون بني آدم 

علي: طلاق ايه.. رحمة انا بحبك 

رحمة بصراخ: انت كدا.ب انا حامشي دلوقتي عند بابا لغاية ما ورقتي توصلني

مشت ناحية الباب ليجذبها لحض.نه يعتصرها همس بدموع: تعرفي كلمة طلقني دخلت بقلبي كأنها رصا.صة اطلقك عندي اتعدم ولا اعمل كدة 

رفعت عينيها الذي اصبحت كأغصان الزيتون من البكاء ونظرت له نظرة ألمته بشدة وهمست: لو كنت اعرف الحب بيوجع كدة ما كنتش عرفتك 

مسح دموعها بشفت.تيه وهمس: اسف والله اسف الكلام اللي سمعتي قبل ما احبك لما كنا بمشاكل رحمة انا ما قدرش اعيش من غيرك 

رحمة بألم: وانا مش حاقدر اكمل معاك بعد اللي سمعته 

زاد من ضمها لقلبه وهمس: حتقدري تبعدي عني حهون عليكي يا رحمة 

دفعته بتعب وهمست: ياريت ننهي كل حاجة بدون مشاكل 

خرجت وتركته يتنهد بك.سرة فالدنيا مصممة على ألم قلبه كأنها تستكتر عليه الفرحة...

بعد يومين قامت رحمة وقد قررت انها لن تنهار وستتظاهر بالقوة حتى تألمه كما ألمها 

دخلت القاعة والقت المحاضرة ببراعة وخرجت كان خارج من محاضرته حين شاهدها امسك يدها رغما عنها وصار بها الى مكتبه 

وما ان دخل حتى خبأها بين ضلوعه..