رواية التحدي المستحيل (جميع الفصول كاملة) بقلم الكاتبة اسراء هاني

&&&& 

طلب منها ان تمضي على احدى الاوراق تحت استغرابها أمسكت القلم وهي تقرأ 

علي بتوتر: مش لازم تقرأي يا روحي امضي وخلاص نختار باقي العفش   

حتى لمحت اسم المالك.. المركز باسمها 

رحمة بذهول: المالك رحمة مهدي... المركز باسمي 

علي بتوهان: لا لا.. انتي فاهمة غلط

رحمة: علي.. انا مش عبيطة ايه ده المركز ده باسمي انت بتهزر ازاي ده حصل انا عايزة اعرف.. ازاي تتضحي بحلم حياتك كدة 

رن هاتفه اجاب ونظر لها وهمس: الراجل بتاع الانتريه على باب الشقة تعالي نروح وبعدين افهمك

وصلوا البيت وكانوا سكوت طوال الطريق دخل الرجال العفش وخرجوا

علي بتتويه: جميل مش كدة الألوان متناسقة 

رحمة وهي تنظر لعلي فقط: حتتكلم ولا امشي وما فيش جواز

علي بضحك: انتي فاكرة بمزاجك حاتجوزك غصب يا روحي

رحمة بحدة: انا بتكلم بجد.. 

جلس على حافة السرير وهمس: عايزة تعرفي ايه 

رحمة: ليه تكتبه باسمي وازاي ومن امتى 

علي: عشان باباكي يوافق 

رحمة بصد@مة: بابا اشترط عليك كدة 

هز رأسه بالنفي وهمس: بعد اما رحت لباباكي منهار جدا وقولتله غلطتي باني رسبتك انهياري خلاه يساعدني هو وعمر وطلبت منه ايدك.. عمر قاله ما يردش دلوقتي يستنى يسأل عليا سأل عليا وكل حاجة 

فلاش باااك 

مصطفى: بس يا ابني انا شايف حبك لرحمة واللي بتعمله عشانها بس ايه يضمنلي انه ما تأذيهاش

علي بلهفة: اي حاجة 

مصطفى: انا سألت وعرفت انه عندك مركز كبير تقريبا اكبر مركز في البلد وانه حلم حياتك وحققته وغالي عندك 

علي: ايوة الحمد لله 

مصطفى: تكتبه باسمها 

عمر: بابا..ان..

علي بلهفة: موافق موافق 

نظر له مصطفى بصد@مة فلم يتوقع ذلك 

 في اليوم التالي بدؤوا كتب الكتاب وعلي يرجف من شدة سعادته 

علي: تفضل يا عم

مصطفى: ايه ده

علي: عقد ابتدائي باسم رحمة حنسجله بكرة ان شاء الله بس حاول تمضيها 

مصطفى بذهول وهو ينظر لعمر: انت بتهزر انا لما قولتلك كدة كنت بختبرك.. ان كنت فكرت بس كنت حرفضك لكن انا مش عايز المركز احنا كفاية علينا المهر 

علي بابتسامه: كنوز الدنيا ما تجيش حاجة جمبها انا حعطيها حياتي حبخل عليها بالمركز..

باااك 

كانت تستمع له غير مصدقة ما يقول هل يحبها لهذا الحد

رحمة: تضحي بتعب حياتك وحلمك عشاني

علي: واضحي بعمري عشانك 

رحمة باستغراب: بس عمري ما توقعت اني غالية عندك كدة

وقف واقترب منها ينظر لها بعشق وهمس: يعني انا بسجلك باسمي بأمنك على نفسي وشرفي واولادي في المستقبل حبخل عليكي بالمركز ولو كان طلب مني كل ما املك واكتب وصولات كنت حوافق 

لم تدري بنفسها الا وهي تتعلق برقبته وهو يقنص شفت.يها بقب.لة بدأت رقيقة تحولت لشغوفة سا.خنة قب.لة طالت وطالت ازال حجابها دون أدنى وعي منهما وبدأ بتق.بيل عن.قها وكل شئ يقابله دون ادراك لنفسه فعشقه وشغفه ذهب بعقله وعقلها وبدأت وقت طال من جنون حبهما اصبحت زوجته قولا وفعلا..

&&&

تجلس في غرفتها بعد ان منعت من الجامعه تتذكر كلام والدها 

فلاش باااك 

خرجت لوالدها وعينيها متورمة من البكاء نظر لها وهمس بحسرة: عمري ما توقعت اني اكون معرفتش اربي

هناء: بابا انا...

اشار لها بيده ان تسكت واكمل: عينيكي بتقول انه كان في حاجات كتيرة بينكوا وثقتي ما كانتش بمحلها الواد حليوة صح عشقتي ويا عالم كان في ايه غير الحب

اخفضت رأسها بخزي ليكمل بألم: ما ينفعكيش.. عيطي دلوقتي وانتي عالبر بالنسبة ليا احسن ما تيجي زي نفين تخا.نتي وتضربتي او تصيري زيهم انا مش حضربك ولا حعذبك بس ما فيش جامعة تاني

نظرت له بصد@مة ليكمل: مالك مستغربة بنتي جايبالي ممثل واقع في غرامها وهي مموتة نفسها عياط عشانه يا ترى كم مسكت ايد وكم حضن وكم... ومش عايز اعرف عشان ما ادفنكيش.. حتروحي عالامتحانات وانا اللي حوصلك وحكلم العميد تقدمي لوحدك وان حصل وتجوزتي وارتحت من همك هو حر يخليكي تكملي ولا لا 

كانت تستمع لوالدها غير مصدقة قسوته 

مصطفى بابتسامه الم: ما تستغربيش كلامي... بتحبي حتنسي وهو كمان انتي بالنسبة ليا وحدة يضمن انها تصونه وتربي عياله كويس لانه مش ضامن اللي يعرفهم يعني مش حيموت علشانك ماحدش بمoت علشان حد غوري من وشي دلوقتي وجبيلي تلفوتك

باااك

تورمت عينيها من شدة بكاءها يومين ودموعها لم تتوقف 

نفين بحزن: حتفضلي كدة لغاية امتى

هناء " معقول خلصت على كدة.. وحشني اوي اوي 

نفين: بابا راح يصلي امسكي كلمي   

امسكت هناء هاتف نفين بلهفة واتصلت به لم يجيب في البداية بعدها اجاب بضيق: الو 

ليسمع أجمل صوت ممكن ان يتمنى سماعه

هناء: وحشتني 

زين بعدم تصديق: هناء روح قلبي والله العظيم لا عارف اكل ولا اشرب ولا انام انا حياتي وقفت يا هناء وحشتيني اوي اوي قوليلي انك لقيتي حل

هناء ببكاء: مش عارفة قالي انه حيجوزني

زين: على جثتي انتي ليا والله العظيم ما حاسمح بده ياريتني ما تقدمت واكتفيت اني بس اشوفك 

هناء: ان شاء الله ربنا حيريح قلبنا 

زين: يارب يارب

اغلقت الهاتف واستمرت بالبكاء 

خرج مصطفى من المسجد ليجده امامه 

مصطفى بضيق: لا حول ولا قوة الا بالله يا ابني هيا البنات خلصت 

زين بألم: خلصوا والله خلصوا يا عمي مصطفى اكيد مش عاجبني اللي انا فيه بس مش قادر مش شايف غيرها وكان حياتي مافيهاش غير هيا.. اما كنت بمثل فيلم اني بحب حد اوي واتفرج عليه أضحك على نفسي اني بعمل الحاجات دي عشان حد.. بس لا مستعد اعمل اي حاجة عشان هناء تبقى مراتي 

مصطفى بتنهيدة: ربنا يكرمك باحسن منها.. ابعد عننا يا ابن الناس لا احنا من توبك ولا انت من توبنا

استدار يريد الذهاب ليقف امامه زين وهمس بدموع لم يستطيع امساكها اكثر من ذلك وهمس: وحياة حبيبك النبي ما تقفلها بوشي يا عم ربنا يخليك تقولي اعمل ايه عشان توافق اكيد في حل اطلب اي حاجة بس جوزهالي 

مصطفى بألم لحاله لكن بناته اغلى من اي شئ: وانا معنديش استعداد اجازف بحاجة زي دي.. ياريت ما اشوفكاش تاني 

زين بتحدي: حتجوزها... وانت اللي حتجوزهالي بنفسك اوعدك 

فتحت عينيها استغربت المكان نظرت حولها لتتفاجأ بعلي ينام... 

رحمة برعب: انا تجوزت اكيد... اكيد اللي حصل ده بعد الفرح مش مش...يا نهار اسود يا نهار اسود صر.خت ولط.مت وجهها 

فتح عينيه بفزع ليصعق مما شاهد كيف فعل هذا 

بدأت تلكمه بصد.ره وتصر.خ به: ليه عملت كدة ليه.. دي اخرة ثقتي وثقة اهلي بيك انت دمرتني

امسك يدها وهمس برجاء: اهدي بس اهدي.. انتي مراتي مراتي على سنة الله ورسوله اللي حصل ده بيحصل بين اي حد متجوز.. الفرح ده شكليات في ناس كتير بتتجوز بدون فرح 

رحمة بصر.اخ: انت بتبرر ايه بتضحك على نفسك ولا عليا هو اي حد مكتوب كتابه يعمل كدة 

علي: لا غلط وغلط كبير انا رافض فكرة اي وحدة تعمل كدة او تقعد مع خطيبها لوحدهم حتى لو مكتوب كتابهم اعرف ناس رفض خطيبها يكمل بعد اما عمل كدة وفي انكر يعني لو عندي بنت عمري ما حسيبها تقعد معاه لوحدها لانه ممكن يحصله حاجة وساعتها مش حتقدر تثبت انه عمل كدة ومهما كانت بتحبه ما تثقش بيه الثقة دي بس غصب عني والله ما عرف حصل ده كدة ازاي انا غلطتي اللي جبتك هنا وانا لوحدي بس عشقي ليكي جنوني معرفش امتى حبيتك اوي كدة لدرجة اني ما حسيتش بنفسي غير وانا في جنتك انا احلى يوم في حياتي النهاردة انتي لو مش عايزاني كنتي منعتيني بس انتي كمان ماكنتيش بوعيك... انا اسف والله اسف 

رحمة: يعني مش حتسيبني يا علي 

ضمها لصد.ره وهمس: اخر همي جس.مك يا رحمة انا صح عشت احلى لحظات عمري بس انا عايزك انتي انا بحبك اوي 

رحمة ببكاء: طيب تعال نقولهم مش عايزين فرح وافضل معاك..

علي: لا طبعا مش انتي اللي تتجوزي بدون فرح انتي يتعملك احلى فرح في الدنيا كلها.. كلها يومين بس يومين 

رحمة: انا خايفة اوي يا علي 

علي بحزن: شاكة في حبي يا رحمة 

خبأت وجهها بصد.ره وهمست: مش كان رهانك تاخدني سريرك 

اغمض عينيه بعنف وهبطت دموعه على ألمه لتلك البريئة وهمس: سامحيني يا رحمة مش حافضل عمري كله ادفع تمن كلمة قولتها بلحظة عصبية.. رهان ايه بس يعني المفروض دلوقتي ااقولك امشي مش عايزك.. انا ما اقدرش اتنفس بدونك 

رحمة بحب: وانا والله بحبك اوي اوي 

زاد من ضمها وهمس: اوعك تخافي مني ثقي فيا يا رحمة يومين بس ومش حتخرجي من حضني ابدا قومي البسي حنقولهم دوختي مني من كتر اللف ورحنا المستشفى وبكرة نكمل الجهاز.. انسي اللي حصل كأنه ما حصلش ماشي يا قلبي 

هزت راسها بالايجاب وقامت بعد ان اطمئنت قليلا فلم يكن غلطه وحده فهي ايضا قد اخطأت 

ارتدت ملابسها وهو ايضا اقترب منها وهمس: نفسي والله احطك بقلبي اطمنك عشان خاطري انسي اللي حصل وما تقلقيش 

ضمته من خصره وهمست: قلبي بيقولي انه مستحيل تعمل حاجة تأذيني 

علي: وانا بقولك ما تصدقيش غير قلبك... خليكي فاكرة المoت بس هو اللي حييعدني عنك المoت بس

رحمة بخوف: بعد الشر عنك ما تقولش كدة

قبل جانب شفت.يها وهمس " يلا بينا تأخرتي 

شبك يده بيدها يطمنها واوصلها للبيت وقف امام البيت وهمس: اوعديني ما تفكريش باللي حصل 

رحمة: اوعدك.. 

دخل البيت واخبرهم بانها كانت بالمشفى ثم خرج كم تمنى ان يأخذها معه.. 

اتصل بها بالليل واستمر بالكلام والضحك معها حتى الصباح ليثبت لها انه لم يتغير شئ 

وفي الصباح اتصل بها.. 

رحمة بصوت ناعس: صباح الخير 

علي بحب: صباح الحب وحشتيني 

رحمة: يا بكاش احنا نمنا الفجر 

علي: بتوحشيني وانتي معايا ايه عايزة تنامي شويا ولا اجي نفطر برة ونكمل تجهيز 

رحمة: نوم ايه انت اجمل من اي حاجة 

علي: ايه الكلام الجامد ده.. مسافة الطريق حكون عندك يا قمري 

وصل البيت واتصل بها ووقف على الباب من الداخل ينتظرها 

رحمة: حماتك حتعلقك عشان ما طلعتش

علي بضحك: اما نرجع بقى.. عايزين نخلص جهاز مش فاضل غير اليوم وبكرة 

رحمة: انا مستنية الخميس بفارغ الصبر