سكريبت انتي طالق ممتعة جدا كاملة

_انتي طالق
=سامر بطل هزار بقي الحاجات دي مفيهاش هزار
_انتي طالق ي الاء طالق بالتلاته
=انت بتقول اي انت، انت اتجننت

_انتي خلاص بقيتي زي الأرض البور ولا ينفعي تكوني زوجه ولا عمرك هتكوني ام انا مش عايز اكمل مابقتيش تنفعي انا لسه جاي من عند الدكتوره وقالت ان العلاج اللي اخدتيه مجابش نتيجة زي اللي قبله

انا خلاص مش عايز اكمل بقالي سنتين مستحملك ومستحمل تعبك وقرفك
=سامر لو ده مقلب انا هزعل منك ماتهزرش ي سامر بالله عليك انت بتحبني صح وعمرك ماهتعمل كده فيا انت عارف ان مليش حد غيرك
_قدامك ساعه تلمي هدومك وتكوني خرجتي من الشقه ومش عايز اشوف وشك هنا تاني

= عرفت تلعبها صح بعد ماخدت العماره اللي ورثتها من بابا ودهبي بترميني!!! منك لله ي سامر منك لله انت ندل وواطي زي ما بابا قالي فعلا اخيرا ظهرت ع حقيقتك
_ شدني من ايدي وطلعني بره الشقه وقفل الباب

اتسمرت مكاني وماكنتش عارفه اروح فين ولا اجي منين.
اتجمدت كنت حاسه اني ف كابوس كابوس وحش اووي ولازم افوق منه معقوله ده سامر اللي حبيته هو ده اللي وعدني انه هيخليني اسعد مخلوقه ف الكون هو ده اللي عصيت اهلي عشانه واتخطبتله وهما مش راضيين

انا مش عقيمه انا فرصه الإنجاب عندي ضعيفه بس ده مش معناه انه مفيش امل
فضلت ماشيه اعيط ف الشوارع لحد ماجيت قدام البحر وقعدت وفضلت اعيط اكتر
فوقت من سرحاني ع حد حاضني ومتبت فيا جامد
_انت مين؟
=انا حسن
_هو انت بتعمل اي وليه حاضني كده
بابي قالي سر اقولهولك؟

يتبع

ماشي
بابي قال إن الحضن بيودي الزعل قالي لما تلاقي حد زعلان او بيعيط احضنه هتلاقيه بيضحك ع طول اهو زي ماانتي ضحكتي بالضبط
متأكد من الكلام ده ي حسن؟
طبعا اومال
طنط تاخدي بنبوني؟ بابا جابهولي بس انا هدوهلك كله بشرط!

اشرط براحتك

اضحكي تاني وماتعيطيش
موافقه بشرط؟!
اي؟
هات حضن تاني بسرعه لطنط

بصوت عالي
حسن حسن انت روحت فين واي اللي نزلك من العربيه. انت ازاي تتحرك من مكانك من غير ماتقولي
سوري ي بابي ماكنش قصدي طنط كانت بتعيط عطيتها البنوبوني وكنت هرجع العربية ع طول
طنط طنط بتعيطي ليه تاني ي طنط مش معايا بنوبوني تاني ادهولك.
_انا اسف ماكنتش اقصد انا بس قلقت عليه انتي كويسه اقدر اساعدك ف حاجه؟
بصوت متقطع:ولا يهمك ايوه انا انا كويس….