رواية "في الخامسه وربع صباحآً" جميع الفصول كاملة
رواية "في الخامسه وربع صباحآً" جميع الفصول كاملة
_حضرتك صاحب الموبيل ده عمل حادثه ومفيش اي أرقام على موبايلو غير الرقم ده
_يوسف!!!
يتبع..
_حضرتك صاحب الموبيل ده عمل حادثه ومفيش اي أرقام على موبايلو غير الرقم ده
_يوسف!!!
رد وقال:
_اه البطاقه بتاعتو مكتوب فيها ان اسمو يوسف
عرفت منو عنوان المستشفى ونزلت جريت على تحت خدت تاكسي واتجهنا ل مكان المستشفى
طول الطريق حاسه ب الذنب مسمعتوش للأخر ليه؟
سيبتو ف وقت هو محتاجني فيه ليه؟
في ف دماغي مليون ليه وليه لحد ما وصلت المستشفى جريت على موظفة الاستقبال وسألتها عن الحاله اللي جت في حادثه
وبعد شويه من الاستفسار قالتلي انه الدور الرابع غرفه رقم ٤٤٠
طلعت ونا إيدي على قلبي مش عارفه كان احساس بالذنب ولا احساس ب خوف عليه!
وصلت الدور الرابع وفضلت ادور على رقم الاوضه ب عيني لحد ما لمحتها ولسه لقيت دكتور خارج منها
جمعت الكلام وانا متوتره وقولت بصوت متقطع:
_هو.. هو كويس؟
بص ليا وقال:
_حضرتك قريبته؟
فضلت ساكته خوفت اقولو اخته يقولي وريني البطاقه وخوفت اقولو صاحبته ميراضش يقولي اي حالته فا رديت وقولت:
_اه انا خطيبته!
قلع نضارته وقال:
_هو للأسف الحادثه اللي عملها قصرت جامد على ضلوع في العمود الفقري فا هو بكل اسف مش هيقدر يتحرك تاني وفيه شوية خدوش سطحي ده مع الوقت هيخف
فضلت ساكته شويه مش عارفه افهم كلامو ولا معنى كلامو اي رديت وقولت:
_يعني اي مش هيقدر يتحرك تاني ممكن توضح اكتر؟
_يعني من الصعب انه يرجع يتحرك زاينا تاني مع الوقت ممكن يبقا على كرسي ب عجل وقدر الله ماشاء فعل الحمدلله انها جت على قد كدا
فضلت ساكته شويه بعدين رجعت قولت:
_ايوا يعني مش هيتحرك ليه حضرتك ده ضهره مش رجليه؟
_حضرتك الكسر في العمود الفقري معناه انه صعب يحرك ضهره وضهره ده اللي هو المسؤول عن الجسم كله اصلآ رجليه مفيهاش حاجه لاكن جرح ضهره صعب يلتحم
مفهمتش حاجه برضو انا اصلآ عبيطه اوي في الجروح وحاجات الطب دي اخري في التعب شوية صداع وعشان يخف بشرب شاي حاسه انه بيقول كلام مهم بس انا مش فاهمه رديت وقولت:
_طب هو انا ينفع اشوفه؟
