رواية يوسف وروز كاملة جميع الاجزاء الشيقة
رواية تسميته يوسف كاملة جميع الاجزاء الشيقة بقلم شهد محمد
المحتويات
_يوسف انا عايزه اطلق
بص ليا وهو واقف بيلبس ساعته قبل ما ينزل وقال
_تمام هروح اخلص المهمه دي واجي اطقلك بس ياريت تعملي على الغدا صنية بطاطس ب الفراخ ف الفورن
_يوسف انا مبهزرش انا فعلآ عايزه اطلق انا زهقت
اتعصب حدف إزازة البرفيوم على الأرض كسرها وقال بزعيق
_انا اللي زهقت انتي بدال ما تخففي عني بتزوديها بدال ما بهرب ليكي بهرب منك شايل حمل كبير فوق كتافي بدال ما تشيليه معايا وتخفيه عني بتزوديه مخليه الحمل اتنين
_عدي يومك يا روز
_لاء هطلق يعني هطلق عشان احنا كنا اختياري غلط لبعض
بص ليا وفضل ساكت شويه بعدين قال
_عندك حق انتي صح.. انتي طالق
عيطت كتير ب الساعات تقريبآ!
كنا واخدين بعض عن حب ولاكن الحب ده بدأ يختفي ب التدريج من اول ما رجعنا من شهر العسل عشان مكنش فيه مهمه في حياته غير شغله عشان مكنتش بشوفه غير كل فين وفين عشان باب بيتي كان بيخبط اربعه الفجر ومكنش معايا راجل يقوم يفتح ويشوف مين الي جاي في وقت زاي ده عشان مكالمة التيلفون مكناش بنعرف نتكلمها كل دي اسباب ضيعت الحب الي مبينا
خدت الشنط ونزلت خدت عربيتي واتجهت ل بيت اهلي دخلت عليهم وانا بقول
_انا أطلقت
اتكلمت ماما وقالت
_المفروض كان يحصل من تاني يوم جواز مش عارفه اتأخرتي ليه
قام بابا وقف وهو بيقول
_وهي بنتك حد يعشارها المهم قوليلي طلقك ليه فتحتي دماغو ولا حطيتي في قفاه تلج ولا جيه من شغلو لقى الغدا إندومي
_انا اللي طلبت الطلاق يا ماما مبقتش طايقه العيشه معاه وده قراري محدش يقعد يتكلم معايا ويحاول يغير رأيي ولا انتي ولا بابا ولا عبد الرحمن اخويا
_تعالي يا روز شوفي امك الي مخها طار عايزه تضربني ب إيد الهون
_حصل اي يا ماما
_مسك الحله ب الطرحه الجديده حرقهالي
_حقك عليا انا خدي واحده من عندي
_انتي اي دخلك انتي واحده وجوزها انتي مالك
رد بابا وقال
_صح انتي مالك واحد ومراته
متابعة القراءة
