رواية حكاية سجدة جميع الفصول كاملة بقلم الكاتبة هاجر العفيفي

سجده :

ملوش مبرر حقوقه واخدها على أكمل وجه ما أهملتش فيه ولا فى والدته ولا فى بيته الحمل أتأخر شويه بس الدكتور كان قايلنا فيه أمل كبير وبالفعل حصل حمل بس بعد ايه بعد ماعرفت حقيقته
مريم بصدمه : انتى حامل ؟؟

سجده بدموع :

ايوه عرفت امبارح وكنت طايره من الفرحه وكنت هبلغه جاتلى الرساله وعرفت وروحت واجهته وهو ماأنكرش

مريم :

طب وانتي ناويه تقوليله على الحمل حقه يعرف ياسجده ده ابنه
سجده بشرود : مش ده لو كمل
مريم بعدم فهم : قصدك ايه

سجده بقوه :

قصدى أن الطفل هينزل

مصطفى بتعب :

ملقتهاش
كريمه بعصبيه : انا عايزه افهم ايه ال حصل خلاها تمشى
مصطفى بضيق : خناقه بسيطه بينى وبينها

كريمه بشك : والله !!

خناقه بسيطه يخليها تسيب البيت سجده بنت أصول وانا عارفه كده كويس هي متعملش كده من فراغ أبدا عملتلها ايه يامصطفى
مصطفى بعصبية : يعني هي ال ملاك وانا شيطان
كريمه بغضب : لاء يابن بطنى بس انا عايزه افهم سابتك ليه عملت ايه يامصطفى انطق

مصطفى بعصبية وعدم وعى :

اتجوزت فيها ايه يعني الشرع حللى اربعه مغلطش انا
كريمه بصدمه : اتجوزت !!!؟
مصطفى اتوتر واستوعب ال قاله وقال : امي انا

قاطعه صفعه قويه

من والدته وهو اتصدم

كريمه بغضب :

وأقطع رقبتك كمان ومين بقا السنيوره خرابت البيوت
: انا ياطنط
مصطفى بص0دمه : نيرمين !!!

كريمه :

انتى ايه ال جابك هنا
نيرمين بخبث : انا السنيوره ال ابنك متجوزها
كريمه اتصدمت ومصطفى اتعصب

مصطفى بحده :

ايه ال جابك هنا يانيرمين امشى داوقتى
نيرمين ببرود : جايه بيتى
كريمه بصدمه : بيتك !!! ايه ال بتقوله ده يامصطفى

نيرمين :

ايوه بيتى وبيت أبنى ال فى بطنى ولا ابنك مقالكيش أن كتبلى البيت ده كله باسمى انا
كريمه اتصدمت وفجأه مسكت قلبها ووقعت على الأرض
مصطفى بصدمه : ماااااماااا