رواية حكاية سجدة جميع الفصول كاملة بقلم الكاتبة هاجر العفيفي

نرمين بسخريه :

لاء مش انا بس كنت ناويه اعمل كده اهي جت من عند ربنا
مصطفى سابها وهو بيستوعب ال بيحصل حواليه وقال : ط طب مين ال قالها
نيرمين بشماته : معرفش مين بس الظاهر حبايبها كتير

مصطفى بغضب :

طب جيتى لأمى ليه افهم

نيرمين ببرود :

والله انا حره ده بيتى واقعد فيه ال انا عايزاه وامشي برضوا ال انا عايزاه
مصطفى بصلها بغضب وخرج من البيت قبل مايو”لع فيها

سجده دخلت المستشفى

وهي بتعيط وسألت على أوضة كريمه وراحت عندها ودخلت
سجده بدموع : مالك ياماما مالك ياحبيبتى الف سلامه عليكي

سجده :

انتى ملكيش ذنب ياماما فى حاجه
كريمه بقهر : انا معرفش ابنى عمل كده ليه تخيلى يابنتي انا مليش مكان فى بيتى دلوقتي
سجده بعدم فهم : ازاى

كريمه حكت ليها كل ال حصل

سجده بصدمه : ازاى يطلع بالوقاحه دي كلها
كريمه بدموع : مش عارفه والله ياخساره تربيتى فيه انا مش عارفه هروح فين بعد لما أخرج
سجده بدون تفكير : طبعا عندنا مفيش كلام انا مش هسيبك

كريمه :

بعد ده كله برضوا قلبك أبيض

سجده لسه هترد

دخل مصطفى
مصطفى بلهفه : سجده انتي جيتى انتي كنتى فين
سجده وقفت قدامه بقوه وقالت : تخيلت انك ممكن تطلع ندل معايا لكن مع والدتك جديده دي

قاطعته سجده بصراخ :

انت حيوووان بعت اقرب الناس ليك عشان مزاجك طلعت واطى فعلا وده كله عشان بنت عمك ال سابتك زمان ورفضتك انا دلوقتي هاخد ماما كريمه تعيش معايا وانت هطلقنى بالذوق أو بالعافيه
مصطفى بغضب : سجده أنا ساكتلك بس أقسم بربى لو مسكتيش هيكون ليا تصرف تاني معاكي وطلاق مش هطلق
سجده : يبقا بينا المحاكم