حب من طرف واحد جميع الفصول كامله بقلم الكاتبة هويدا زغلول

_دخلو هما الاتنين جوه المطعم وقعدو، وبعدين سألتها الجده وقالت..

الجده_
هو فين يا بنتي كلميه عرفيه اننا وصلنا..

ليلي بضيق ـ
مش عارفه محرجه اكلمه يعني بيوترني يا تيته..

_وفجأه جه حازم وقعد معاهم علي الترابيزه وهو بيبص ليلي وكاتم ضحكته وهي وشها احمر جدا واتكسفت، قالت الجده..

الجده _
انت عرفت ازاي اننا هنا..

رد عليها حازم بهدوء وقال _
انا مكتبي فووق ومن مكتبي شايف المطعم كله تحت وانا بصراحه كده كنت مستنيكم..

ليلي بهدوء سألته _
هو انا هبدأ شغل امتي؟..

رد عليها حازم وقال _
وقت ما تحبي بس اسمحيلي الاول ارحب بتيته واوريها المطعم كله..

الجده بفرحه كبيره وهي بتقول ليلي _
شايفه الناس الذووق، تسلم يا حبيبي...

_فضلو ياكلمو وبعد شويه جه اسر ومعاه سيلا صاحبته وقعدو معاهم، وقال اسر وهو مستغرب..

اسر _
ايه ده انتو بتعملو ايه هنا؟

رد عليه حازم بجديه وقال _
انا عازمهم هنا وبعدين ليلي قصدي انسه ليلي هتشتغل معايا هنا وهيبقي المطبخ كله تحت اشرافها..

اتصد0مت ليلي وسألته _
ايييه انا، انت بتتكلم جد؟..

حازم بهدوء بصلها ورد عليها وقال _

_اتوترت جدا وبصت للارض واسر اللي كان قاعد معاهم اتغاظ، هو مش بيحب ليلي بس هو يعرفها قبل حازم وازاي حازم يحبها وهو لا قال لنفسه بحقد..

اسر _
اكيد فيها حاجه مميزه انا ما اخدتش بالي منها، عشان كده حازم بنفسه اعجب بيها، بس مش ههنيك بيها انا الاول..

سيلا _
هو انتي ازاي بتقفي في المطبخ وتعملي اكل وتبقي ريحتك بصل وتوم...