رواية اختبار القدر جميع الفصول كاملة

هتفت سالى: طنط حوريه احنا محتاجين فستان لحفله عيد ميلادنا ممكن تيجى معانا وتختارى معانا 

كادت ان ترد حوريه لكن هبت الجد بجمود: مامتكم جايه من السفر النهارده هى المسؤوله عن لبسكم يا بنات علشان تجيب ليكم فستانين من اعلى مستوى مش اى مستوى اى حد يجيبه 

لترمق حوريه بنظرات ساخره مستخفه 

لتتنهد حوريه بهدوؤ فهى اعتادت على رمى كلام الجده عليها منذ دخولها المنزل ولكن اوقات وجود قاسم هو يرد على جدته حتى تصمت لا تعلم ايضا كيف ستواجهه زوجته اذا جاءت هى الاخرى من السفر 

هتف قاسم بهدوؤ لبناته: خلوا طنط حوريه تختار معاكم عادى كده كده انا الى كنت بختارهم معاكم كل سنه والست الوالده تبقا مشغوله فى فستانها وتعزم مين ومتعزمش مين 

لينظر الى جدته بحده: معلش يا تيته انتى بقالك سنين مش عايشه معانا ولا عارفه اي الى بيحصل فى عيد ميلاد البنات ولا دراستهم يعنى مثلا فى ام تسيب بناتها وهما داخلين على فتره امتحنات، ليكمل بسخريه: دى لو عارفه بناتها فى سنه كام اصلا 

هتفت الجده للبنات بهدوؤ: اجهزوا للحضانه يلا يا بنات 

لتهب الفتيات وتقوم معهم حوريه حتى تجهزهم للمغادره 

بينما هتفت الجده بحده: انتى ازاى تتكلم الكلام دا يا قاسم قدام البنات انت بتقوى قلبهم على امهم اكتر 

تنهد قاسم بجمود: بناتى مشافوش الحنيه من امهم اصلا علشان قلبهم يقسوا عليه حفيدتك يا تيته عايشه على اساس انها لسه لا اتجوزت ولا خلفت ولا اى حاجه عايزانى اقولك على الكبيره بقا 

اكمل بسخريه: انا ملمستش حفيدتك بقالى تلات سنين علشان خايفه على جسمها يبوظ وتحمل تانى وانا معارضتهاش مع انه حقى بس هى كده كده متلزمنيش والى بينا بناتنا وانها للاسف بنت عمتى وبس 

نظرت الجده امامها بشرود وهى تفكر فى حديث قاسم لينهض قاسم من امامها بهدوؤ ويغادر بينما ظلت هى فى شرودها وتفكيرها 

كاد ان يخرج من الفيلا وجد حوريه تقف على باب الفيلا وهى تتابع خروج البنات وركوبهم السياره وانطلاقها لتلتفت خلفها لتجد قاسم يقف وعلامات الغضب باديه على وجهه 

هتفت بقلق وتوتر: انت كويس 

نظر اليها بحزن وتنهد بضيق وهو يهز رأسه برفض، لتقترب منه بهدوؤ ومدت يدها على كتفه كنوع من المواساه: متقلقش كل حاجه هتعدى وهيبقا كل تمام