رواية اختبار القدر جميع الفصول كاملة

فى الصباح... 

: يعنى يا دكتور اي المطلوب نعمله الى حوالين قاسم يعنى علشان ميتعرضش للنوبه وكده 

هتفت بها حوريه بقلق وهى تجلس مع قاسم امام الدكتور 

ليهتف الدكتور بعمليه: انه يبعد عن اى ضغط عصبى او نفسى والى حواليه ميفكرهوش باى حاجه ممكن تعصبه او تضايقه لان النوع الى عند استاذ قاسم صرع عصبى بيجى من العصبيه الزايده وكده 

ليهتف قاسم بهدوؤ: طيب فى اى دوا او مهدأت تخفف الاعراض 

تنهد الدكتور بعمليه: ممكن اكتبلك بس هيكون حاجه مؤقته وممكن يبقا ليها اثار جانبيه كمان فعايزين نبعد عنه وعن الشبهات الى ممكن تاذى حضرتك فى المستقبل 

لتهتف حوريه بقلق:لا يا دكتور مش عايزين اى حاجه من دى احنا هنهتم بصحته النفسيه المهم وان شاء الله هيبقا كويس

نظر اليها قاسم بابتسامه هادئه على قلقها وخوفها الواضح واهتمامها به منذ الصباح ليتجهوا الى الدكتور سريعا لاخذ معاد معه واصرارها على المجئ معه حتى تطمأن عليه 

مسكت الروشته وهم بالسيارة وهى تتفحصها بدقه: الدوا فى فيتامينات كويسه كمان هتفيدك اوى 

نظر اليها: هو انتى بجد خريجه صيدله 

ابتسمت بخفوت: ااه تخيل بقا متحوز دكتوره قد الدنيا 

مسك يدها بخفوت وهو يقبلها:انا متجوز احلى واحده فى الدنيا 

لتبتسم بخجل، لتصمت قليلا وتهتف بحماس: اي رايك نخرج احنا والاولاد على الملاهى النهارده 

: عجبتنى الفكره هنروح ناخدهم ونخرج دلوقتى.. 

لتبتسم بحماس وهو يتابع ابتسامتها بفرحه

بعد اسبوع... 

: ممكن ادخل شويه

هتفت بها بغيظ طفولى وهى تدلف الى الغرفه التى يجلس بها قاسم وبجانبه سالى وسلمى وعلى رجله ساجد 

هتفت سالى بفرحه: تعالى يا ماما ادخلى 

نظر اليها قاسم وحوريه بأستغراب من نطقها لتلك اللكلمه، لتلاحظ سالى نظرات حوريه وقاسم عليها لتهتف بخوف: لو الكلمه وحشه مقولهاش تانى انا اسفه 

التقطتها حوريه بين احضانها بحنان ودموع: يروحى انتى قلب ماما تقولى الى انتى عايزاه والله انا بس مش عايزه ماما يمنى تزعل منك وانتى بتقوليها ليا مش اكتر