رواية اختبار القدر جميع الفصول كاملة

تنهدت حوريه بهدوؤ: عايزه اعرف مين الى كان مع اختى اليوم دا باى طريقه واوعدك لما تجبيلى اسمه وقتها هاامن حياتك انتى واخواتك كلهم بس ساعدينى اريح دم اختى 

هتفت الممرضه بخوف: بس دكتور اسامه لو عرف 

قاطعتها حوريه بهدوؤ: متخافيش مش هيعرف انا هخلص كل حاجه بره عنك صدقينى 

نظرت الممرضه حولها بتفكير لتهتف بتوتر: حاضر هعرف مين الى كان معاها يومها 

ابتسمت لها حوريه بامتنان: بجد شكرًا اوى... 

نظر حوله بضيق: يعنى اي متعرفوش هى فين مقالتش لحد وهى طالعه 

هزت سلمى راسها برفض: لا يا بابى قالتلنا ساجد نايم نخلى بالنا منه وهى هتروح مشوار صغير وهترجع 

زفر قاسم بضيق: طيب روحى شوفى اخواتك يلا 

مسك هاتفهها مره اخرى ليتصل بها ولكن للمره المليون لا يوجد رد منها ليسك على اسنانه بغضب: ماشى يا حوريه حسابنا لما ترجعى 

رفع انظاره ليجدها تدلف الى الداخل بهدوؤ، ليهتف بضيق: ممكن اعرف كنتى فين يا حوريه هانم 

نظرت اليه بجمود: كنت فى مشوار خير فى حاجه 

اقترب منها بهدوؤ: انا جوزك يا حوريه ومن حقى اعرف كنتى فين ومع مين بالظبط 

نظرت اليه بشراسه: جوزى مؤقت يا استاذ قاسم ولا نسيت طلاقنا الى هيقرب متقلقش ولحد ما نتطلق كل واحد فى حاله 

لتغادر من امامه ولكنه قاطعها ومسك. يدها بغضب: وانا مش هطلق يا حوريه من حقى تسمعينى وتفهمينى 

ابعدت يده عنها بغضب: انا مش عايزه اسمع عارف يمكن الى مضايقنى انك بجد خبيت عليا انت كنت معتبرنى اداه بس علشان تنفى غليلك من مراتك الأولى علشان كده خبيت عليا تعبك وماضيك وانك زى ما بيقولوا اذيت اهلك كان نفسى اعرف كل دا منك انت لكن كل حاجه بكتشفها بالصدفه يا قاسم ولوحدى