رواية اختبار القدر جميع الفصول كاملة

نظر اليها بابتسامه حزينه: انتى اول واحده مقولتيش انى قاتل زيهم علشان انا فعلًا مش كده 

نظرت اليه بدموع وهنالك شئ بداخلها يدفعها للاتجاه اليه ومعانقته على نظره الانكسار التى بعيونه، لتهز راسها بهدوؤ ودموع وتبعد يدها منه وهتفت بهدوؤ: مبقاش يفرق معايا يا قاسم صدقنى 

لتتركه وتغادر من امامه بدموع بينما هو يتابعها بحزن وانكسار ولا يعلم متى سينتهى ذالك الكابوس بينهم... 

تنهدت بدموع وتهتف بداخلها: نفسى اصدقك يا قاسم نفسى تطلع بريئ بس خايفه عليك منى والله! خايفه انجرح تانى خايفه احبك واتعلق بيك وتسيبنى زى ما هو سابنى لازم اقنع نفسى انك وحش علشان مقربش منك مينفعش نظلم نفسنا ولا نظلم ولادنا بعلاقه ممكن تبوظ فى اى وقت 

لتبكى بخفوت وحزن لتقع عيناها على الجواب، لتتنهد بحزن وهى تقوم بفتح الجواب وتقرا كلماته بدموع لا تجف 

"اختى حوريه، عارفه ان عملت كل حاجه تخلينى اتكسف اقولك اختى تانى او انتى تقبلى تكونى اختى اصلا بس انا خايفه اوى يا حوريه اول مره ابقا خايفه ومش عارفه اجرى على حضنك استخبى واطمن فيه زى ما انا متعوده واحنا صغيرين، انا عارفه ان العمليه دى هتبقا نهايتى فى الدنيا دى جوايا احساس انها هتبقا النهايه خلاص انا بكتبلك الجواب وانا خلاص فاضل ساعه وادخل العمليات،

 عارفه مبسوطه انى جربت احساس الامومه قبل ما اموت طلع احساس حلو اوى يا حوريه، انا اسفه عارفه الكلمه دى مش هتعمل حاجه وخصوصا انى خلاص هقابل رب كريم بس عايزاكى تسامحينى قبل ما امشى انا دمرت حياتك شيطان الغيره كان عامينى يا حوريه انا اختك الصغيره الى بتغلط وانتى بتسامحى سامحينى لاخر مره فى حياتى انا خسرتك وخسرت بابا وخسرت نفسى بكل الى عملته ضيعت عيلتى علشان اي ولا حاجه، قولى لبابا يسامحنى وانى مقصدش ازعله منى وانى ممكن لما امشى تعرفوا تعيشوا طبيعى جوزك كويس يا حوريه وطيب وانه احسن من سيف انتى تستاهلى كل الخير الى فى الدنيا والوقت هيثبتلك ان طلاقك من سيف احسن حاجه عملتيها فى حياتك حافظى على بيتك وجوزك يا حوريه وسامحينى انا بحبك والله" 

وضعت يدها على فمها وهى تشهق بعنف وصدم#مه من كلمات اختها وكلامها لتصرخ بوجع وانهيار: مسمحاكى يا شهد بس ارجعيلى يا حبيبتى ارجعيلى 

لينتفض قاسم من الجهه ااخرى عند سماع صوت صراخ حوريه ليتجه سريعا الى غرفتها ليدلف وهو يراها جالسه بانهيار وتصرخ باسم شهد، ليقترب منها سريعا بقلق: حوريه اهدى 

نظرت اليه بدموع: مشيت وسابتنى يا قاسم عايزانى اسامحها انا مسمحاها بس عايزاها انا عايزه اختى يا قاسم

ليضمها داخل احضانه بهدوؤ: استغفرى ربنا يا حوريه كده حرام يحبيبتى لازم نرضى بقضاء ربنا كده 

لتهتف بدموع وضعف: لا اله الا الله ربنا يرحمها يارب