رواية انت@هك طفولتي جميع الفصول كاملة

ضحك ريان وبص لجده ورجع همسلها تاني: عشان انتي عقابك هنا انا جايبك لقدرك الحقيقي 

الجد بصرامه: العشاء انتهى ريان تعالى ورايا انت واللي معاك 

ابتسم ريان وبصلها لقاها عايزة تعيط 

قام الجد وقام ريان وراه ونوران وسعاد كانت هتروح وراهم بصلها الجد خلاها تقعد مكانها 

دخل المكتب بتاعه وقفل ريان الباب عليهم 

الجد: مين دي 

ريان: مراتي 

- تطلقها دلوقتي 

نور بفرحه: ياريت قوله يا جدو 

ضحك الجد وبص لحفيدة: انت متجوزها غصب عنها 

ضحك ريان لجده: اه يا جدي 

الجد: يبقى مفيش طلاق 

ضحك ريان اكتر: حتى لو كنت عايزني أطلقها انا مش هطلقها غصب عن أي حد حتى غصب عنك انت يا جدي انا جيت اعيش هنا مع مراتي عشان تتعلم تقاليدنا 

ابتسم الجد اكتر: العند فيا مش هينفعك بس انا بحبك كده بتفكرني بنفسي 

ريان: انا مش شبهك انا ريان 

كانت نور قاعدة بتبص عليهم هما الاتنين وهي خايفة من نظراتهم لبعض وحاسه ان كل واحد هيجيب مس،ـدس يقتل بيه التاني 

- انتي اسمك ايه ؟؟ 

قطع تفكيرها الجد بسؤاله 

نوران: انا نور...

الجد بصدم#مه: نور ؟؟

نوران: قصدي نوران 

بصلها الجد كتير خلاها تتوتر اكتر: انتي بنت مين 

نوران: بن...بنت... مش عارفة...اقصد..انا...

قطع ريان كلامهم وهو بيشدها من ايديها: معلش يا جدي محتاج استمتع بمراتي شويه نكمل كلام بكره 

خرج ريان ووقف الجد يدور على حاجه وطلع صورة بنته نور وهي صغيرة لسا طفله رضيعه وحضنها: وحشتيني يا بنتي........دخل ريان بيها اوضته اللي كانت كبيرة وفي سرير كبير 

نور: ممكن اعرف جبتني هنا ليه

راح ريان قعد على السرير وضحك بخبث: تعالى اقعدي على حجري وانا اقولك ليه  

نور وهي بتبصله بقرف وبترجع لورا حجرك اه انت شكلك متأثر بقرأة الروايات اوي عشق الزين كلت دماغك فاكر نفسك زين ولا ايه لا فوق انت ريان ها ريان المفتري 

ريان بعدم فهم: نعم ؟؟

قام وراح ناحيتها قرب منها لحد ما بقت أنفاسه على عظمتي الترقوة البارزين عندها بكل جمال: عودي نفسك لما اقولك حاجه تقولي حاضر 

نوران بتوهان: ها.. اقول ايه 

ابتسم ريان على طفولتها وقرب عندك شفايفها وقال بصوت ضعيف: حاضر..تقولي حاضر 

داخت نور من كلامه وكانت هتقع لولا مسكها بأيدة من خصرها واتبادلوا النظرات لحد ما الباب خبط واتعدلوا 

بصت نوران عليه وابتسمت لا إراديا خلته يبصلها ويبتسم لها 

دخل عُمران ومعاه وليد وعبدالله اخوات سعاد 

ريان وهو بيشدها عليه اكتر: في حاجه ؟

وليد: انت ازاي تتجوز من غير ما تقولنا أو حتى تفسخ خطوبتك من اختي 

عبدالله: اتجوز ايه بس ده تلاقيه بيمتع نفسه يومين بالعروسه اللي معاه انت مش شايفها جامدة ازاي دي قشطه بالعسل او فراولة باللبن 

اتعصب ريان وهجم على عبدالله وقعد يضر"ب فيه: لا يا روح امك دي تين شوكي 

و أي حد بيقرب منه كان بيتضر"ب 

استغل عُمران الفرصه وراح عند نور واتكلم بصوت واطي: تعالي معايا 

مسكها من ايديها وكان هيخرج بيها وقف ريان قدامه وأيده كلها د"م من عبدالله وبصله بنظرات توعد لما شافه ماسكها من ايديها وضر"به هو كمان جامد كذا لكمه ورا بعض خلاه وقع على الأرض 

و مسك ريان تليفونه واتصل على الحارس اللي تحت خلاه طلعله وخرجهم كلهم برا الاوضه وأكد عليه يرميهم في الاسطبل ويربطهم لحد ما يروحلهم