عروسة جديدة

السلام عليكم انا عروسه جديده بقالي أقل من شهر اهو و الفتره الأولي دي بيجوا اهلي و اهل جوزي دايما يطمنوا علينا و في ناس بتيجي تبارك لنا و كدا المهم ف يوم لقيت جوزي بيقولي انهارده بلليل عمتي و بناتها جاين يباركولنا وانا اساسا معرفهمش اوي بس لازم طبعا اقابلهم و اتعرف عليهم و كدا المهم اول م جم حطيتلهم جاتوه و حاجه ساقعه و كدا و كان تعاملي معاهم حلو جدا ولله قبل م يمشوا بت عمته الكبيره قالت إنها عاوزه تدخل الحمام ف انا سيبتها تدخل المهم بعد م مشوا قلت ادخل اغسل ايدي ف الحمام و اول م دخلت الحمام ات صد م ت من اللي شفته شفت علي القاعده بتاعه الحمام .. علي غطا القاعده كدا لقيت كتابه غريبه جدا بقلم روج احمر ف خفت بس انا كنت غبيه ورحت مسحتها بمنديل وقلت يمكن مش قصدها بس من بعدها وانا حالي انا وجوزي
اتشقلب وبقوله دلوقتي ع الموضوع ده مش مصدقني خالص أنا ايامها مرضتش اقوله وخبيت عليه دلوقتي هو مش مصدق وحاساه مش طبيعي معايا خالص ومش عارفه
اعم ايه بجد يا ريت لو حد مر ب تجربه من الحاجات دي يقولي اعمل ايه