قصة فلا@حة فالجامعة الأمريكية كاملة ستعجبكم
فيكم يسامحني بحق كل لحظه حلوه عيشناها سوا.. فى النهايه أنا بحبكم كلكم وهت-وحشونى قوى.. ابقو زورونى كتير وازرعو ورد التوليب الأبيض على قبرى علشان بحبه.. بس بحبكم انتم أكتر من أى حاجه فى الدنيا .. ماما المخلصه لعيونكم ليلى.
لقيت فارس دخل عليا الأوضه وأنا بعيط.. خدنى بالحضن وقعد يطبطب عليا.. خلاص بقه يا دان علشان خاطرى إدعيلها بالرحمه والجنه أحسن من العياط ده.
- ماما اتبهدل@ت قوى يا فارس وما كانتش بتحسس حد فينا ب حاجه من ده كله.
- ادعيلها يا حبيبتى.. وبعدين دى المره ال 10 إللى تقرأى فيها مذكرات ماما وتعيطى بالشكل ده.
- بحس إنى بكلمها لما بقراهم.. كانت بتحبه قوى بس هو ما كانش يستاهل الحب ده للأسف.
- معلش يا دانا بس احنا لازم ننفذ الوصيه ونروحله.
- لو شوفته أنا ممكن أض-ربه بكل الحزن والكره إللى جوايا بسببه.. لو عايزين تروحو روحو انتو أنا مش رايحه ل الشخص ده.
- ما يستاهلش.
- بس هى تستاهل إننا ننفذ كلامها حتى بعد م@ماتها.
- هى لسه حيه.. ورفعت ف وشه المذكرات.
- جوا قلوبنا كلنا.. وبعدين لازم نجمد علشان يونس وبحر.. إنتى مكان ماما دلوقتي يا دانا بالنسبه ليهم.
- خلاص بقه علشان خاطرى.. ماما لما بابا مشى ما قصرتش معانا ف هى دلوقتي سابت أمانه ف رقبتنا كلنا.. يبقى زى ما أكرمتنا لحد ما كبرنا نكرمهم هما كمان صح ولا إيه.
- اترميت فى حض-نه وقعدت أعيط وقولتله.. المهمه من غير ماما صعبه قوى يا فارس صعبه قوى.. قعد يعي-ط معايا وقالى.
- تانى يوم سيبنا يونس وبحر فى البيت وروحنا إحنا التلاته ل تَيم.. طبعآ لما روحنا عرفنا هو ساب ماما واستغنى عنها وعننا ليه.. بس على قد إللى عنده كانت ماما مشبعانا مش بس فلوس ده حب وحنان وقناعه وكرم وصفات كده واحد زيه ما يسمعش عنها.
- روحنا ودخلنا ليه بصعوبه طبعآ لأن الأمن ما كانوش مصدقين إننا أولاده.. ما صدقوش غير لما شافو بطايقنا.. دخلنا ليه وأول ما جه حسيت إنى شايفه فارس أخويا بس كبير فى السن.. ما كانش عارفنا وأول ما دخل فضلنا باصين ليه كلنا من غير كلام.. ولما سأل إحنا مين فارس رد عليه وقال.
- أنا الرائد فارس تَيم الجندى.. وده الدكتور أوس تَيم الجندى.. ودى البشمهندسه دانا تَيم الجندى.
- أنا هنا عرفت ليه فارس استخدم ألقابنا مع إن ماما معودانا إننا ما نستخدمش ألقابنا غير فى أضيق الحدود " علشان فيه ناس بتفكر إنك كده بتتكبرى عليهم يا دانا ف تجنبا للأفكار دى بلاش الألقاب يا حبيبتى ".. بس فارس استخدمها وهو بيعرفنا ل بابا علشان يوصله رساله بسيطه واللى هى تعب ليلى ما راحش هدر وبيك ومن غيرك أديك شايف بقينا إيه.
