رواية جديدة شيقة كامله بقلم اماني عنان

المهم حماتي خدت احمد وسلمت عليا قعدت شويه تحت سلمت علي سمر بس شكلها متغير كنها مهدوده شويه ومش متكبرة زي الاول
فوزية .. عله اتصلحت
صفية .. بقول أكده دي اعتذرت لي وحقت نفسها كمان قالتلي اللي بيحصلي ده بذنبك
فوزية .. زين أكده الرجعه حلوه ومافيهاش خلافات ان شاء الله
صفية .. يارب نفسي اربي ولدي وارتاح بقي بعد تعبي الطويل اللي انتي عارفاه
فوزية. . ايوا خابره طبعا وجوزك جه علي اكده 
صفية .. لا هياجي كمان سبوعين
فوزية .. علي خير اتوحشتيه عاد 
سكتت صفية لحظات وبعدين ابتسمت بس ردت بالنفي .. لا علي ايه يعني لما اوحشه انا بالاول ماعيزاش اترمي عليه ويكون ناسي
فوزية .. لساكي مافتحتيش صفحة جديدة صح !
صفية .. ومين يتعمل فيه اللي اتعمل فيا وينسي بسرعة أكده دا يبقي جبلة ويستاهل يتبهدل الف مره
فوزية .. علي قولك ربنا يسعدك ويهديهولك
صفية ..يارب ايه عامله انتي وعيالك
فوزية .. زينين والحمد لله سعد بقي بيشتغل في الإجازة والدنيا ماشيه
صفية .. الحمد لله سلميلي عليهم اكتير
فوزية .. ماشي هقفل عشان احضر لهم الغدا
صفية .. ماشي وانا هقوم اسبح احمد وانزل تحت اشوف حماتي ومرت نوح وبتها
فوزية .. سلام
سلام 
قعدت صفية شوية علي كرسي في الصالة وشافت اثر العروسة اللي اتجوزها جعفر عليها
دخلت اوضة بابها بايظ وموارب لقت فيه عباية وكام بيجاما علي الارض .. فكرت شويه معقول هدومي كانت مرميه هنا وقبل ماجي حماتي رجعتهم الدولاب تاني !!
للاسف هي دي الحقيقة ماعرفتش تاخد حاجتها ولما جت امينه اتجوزت علي عزال صفية يدوب شالوا هدومها من الدولاب وحطوا هدوم الجديدة صفية شايفه كل حاجة وكأنها بتحصل قدامها لما بتبص في اوضة نومها پتتوجع اووي وتحس أن حد بيعصر قلبها بأيده هنا جعفر شال امينه
وهنا ضحك معاها
وهناك اكلها بايده ماهو كان عريس وبيتدلع
بصت علي السرير وغمضت عينيها جامد وهزت رأسها لا لا لو فضلتي تفكري كدا مش هتعمري ي صفية انسي كانت وقت وعدي وانتي الأولي والأخيرة أن شاء الله
دخلت الحمام وملت البانيو ميه ومستنيه احمد يصحي من النوم عشان تحميه وتنزل تحت لحماتها افتكرت كلام المحامي لما اتصلت بيه قبل ماتغير رأيها وتطلع لعمار ودار بينهم حوار 
صفية .. استاذ رائف اسفه لو كنت قلقتك
رائف .. ولا يهمك ي صفية ايه في حاجة 
صفية .. جعفر عايز يرجعني 
رائف .. جوزك رجع من السفر 
صفية .. لا دا اخوه اللي هنا اعمل ايه انا مستحيل اسامحه بالسرعة دي !
رائف راجل حكيم رد .. بصي ي بنتي رجعتك في الوقت الحالي أصلح لك مادام ظروفك صعبة ومافيش حد بيساعدك علي تربية ابنك ومعني انك مش عايزا تصالحي جوزك بسرعة يبقي في نية للصلح جواكي فرايي ترجعي وتتوكلي علي الله اهم حاجة تبعدي عن المشاكل وتقعدي مع ابنك لوحدكم من غير لا اخوه ولا أمه
صفية .. تمام تشكر ي أستاذ
ربنا يكرمك ومايحوجلك ولايا أبدا
رائف عفوا انا تحت امرك في اي وقت
صفية ياصفية
انتبهت لصوت حماتها اللي بتنادي من تحت ففتحت الباب وردت 
نعم .. ايوا في حاجة
حماتها .. انزلي حالا عايزاكي
صفية باستغراب .. هحمي احمد طيب وانزل
حماتها .. لا لاول
صفية .. وه في ايه ياتري ..
يتبع..
نزلت صفية مترددة وبتسأل نفسها
هي حماتي عايزا مني ايه دا انا لسه راجعه امبارح ومتفقه اني عازله وهعيش لوحدي !!
احمد وقف علي السلم وبيدعك في عيونه 
يامه
صفية .. تعالي ي حبيبي قلب امك انت
احمد .. رايحه فين وهملاني وحدي
صفية .. ماقدرش ي واد انت اللي كنت نايم وجدتك ندهتني
جري عليها وقال .. مانا حسيت بيكي مشيتي فجيتك
صفية فرحت اووي .. هتفضل تحس بامك اكده علي طول ياحمد ولا الزمن هيغيرك !
احمد .. باسها علي خدها وماعرفش يرد لسه طفل صغير برضو
خدته ونزلت شافت حماتها ومعاها بنتها سمر وواحده تانية بعيالها وجوزها 
صفية .. السلام عليكم
حماتها .. وعليكم السلام ورحمة الله قربي ياصفية سلمي علي حنان اخت جعفر كانت امسافرة ماشوفتهاش قبل أكده
صفية .. ي مرحب ي مرحب بس اكيد سمعت عنك
حنان .. ربنا يخليكي تعالي ياحبيبي ايه عامل 
احمد قعد علي رجل عمته.. الحمد لله
سمر قاعده ساكته مش بتشارك في حاجة كلمتها صفية كيفك ي سمر 
سمر .. الحمد لله بخير
بتقول بنفس طويل وحړقة في صدرها قطعت الحالة دي كلام حماتها اللي قاعده علي كرسي في نص الصالة والباقي علي كنب مفروش زي الركنة كدا وقالت 
حنان هتسافر بس هتسيب بتها شهد عندينا هتاخد الاعدادية من مصر
صفية مستغربة .. اهلا وسهلا
حماتها .. البت صغيرة زي مانتي شايفه وعايزا حد يهتم بيها ويرعاها ومافيش احسن منك ي صفية يقوم بالمهمة دي
صفية .. مش فاهمه
حماتها ..
شهد هتقعد معاكي
صفية .. بتردد .. مافيش مشكلة هتكون زي احمد بالظبط
حماتها .. في البيات بس وباقي اليوم مسؤوله مننا ماتقلقيش
صفية .. مافيش قلق ولا حاجة علي راسي شهد وامها
حنان