رواية كلبي دمر مخططاتي بقلم الكاتبة ريناد يوسف جميلة جدا

كان محبوب من الكل.. من الاهل والجيران والاصحاب.. وحتي امي كنت بحس دايما انها بتفضله عليا.. صحيح كانت تعدل مابينا فكل حاجه بس هو كانت تخصه بحاجات.. بنظرتها الفخوره وبحضن من وقت للتاني.. وبكلمتها المشهوره ليه يااول طرح قلبي 
واللي عمرها ماقالتهالي مع اني كنت بتمنى اسمعها منها... احيانا فيه حاجات بسيطه اللي حوالينا بيفتكروا اننا مبناخدش بالنا منها وميعرفوش انها بتعلم فى روحنا.
وبعد الخطوبه بكام شهر حصل اللي محدش يتوقعه. 
احمد اخويا عمل حاډثه وهو راجع من السفر.. العربيه اللي راكبها فاتت فيها عربيه نقل وقعتها فى النيل وغرق كل اللي فيها 

ومنهم اللي لقوه ومنهم اللي ملقهوش.. واحمد اخويا كان من ضمن المفقودين. 
الخبر كان فاجعه لينا كلنا.. وخصوصا امي اللي وقعت محطتش منطق وجاتلها جلطه وهناء اللي تعبت ودخلت المستشفى في اڼهيار عصبي وفضلت ٣ ايام بس تصرخ بإسم احمد. 
وطول ال٣ ايام دول ملقيناش الچثه مهما دورنا.. وبعد ال٣ ايام اعلنوا ۏفاة احمد رسمى.
وهنا كانت القاضيه لينا كلنا. 
امي من وقتها نامت مبقتش تتحرك وهناء انعزلت وبطلت تروح الكليه وانا برغم اني كنت حاسس اني مظلوم بسبب احمد اخويا الا اني زعلت عليه زعل ميتوصفش زعل اخ على اخوه. 
فضلنا عالحال ده شهرين
منكرش اني بعدهم ابتديت احس إن الدنيا إبتدت تتغير واموري كلها تتظبط 
واخدت كل حقوقي اللي كان اخويا حارمني منها بحكم انه الكبير والعاقل والمحبوب واللي واخد كل حاجه للسبب ده. 
لكن اللي حصل بعد كده كان المفاجأة بالنسبالي.. 
يوم ماجاتني رنه من رقم اخويا احمد ولما رديت صعقټ وانا بسمع صوت أحمد اخويا.. ايوه دا صوت احمد!
برغم انه كان تعبان ومجهد الا اني مااتوهش عنه ابدا.. واداني عنوان وقالي اجيله عليه وهيفهمني كل حاجه. 
رحتله من غير مااقول لحد إن احمد طلع عايش قلت اشوفه انا الاول واتاكد من اللي سمعته وبعدها اقول للكل.. ورحت فعلا عالعنوان وكان بيت صغير على ضفة النيل في بلد بعيده عن بلدنا جدا.. خبطت وفتحلي صاحبه وكان راجل كبير في السن 
ودخلت شفت احمد قاعد على الأرض ورجله مكسوره ومتجبسه ودماغه مربوطه.. واول ماشافني صړخ بأسمي ومدلي اديه وكاني القشايه اللي لقاها عشان يطلع بيها من غرقه. 
رحتله وحضنته وانا مش مصدق الي بيحصل ده.. اخويا احمد عايش
طلبت منه يحكيلي اللي حصل وقالي
انا من بعد الحاډثه يامحمود مفتكرتش حاجه صحيت لقيت نفسي هنا في البيت دا مع عم ايوب الراجل الطيب ده.. رجلي ودراعي متجبسين وحاسس الدنيا بتلف بيا وقالي إنه لقيني في الميه وكان فاكرني مېت ولما خرجني اتفاجئ بإني حي فجابلي المجبراتي جبسني ووصفلي علاج وفضل يراعيني.. وانا طول الوقت دا وانا نايم ومش داري بالدنيا والشويه اللي كان يقومني فيهم عشان اكل ولا اشرب ولا اخد علاجي كنت بالعافيه افتح عنيا فيهم وبعد مااخلص ارجع للنوم من تاني. لغاية من اسبوع واحد بس ابتديت اخف ورجعلي تركيزي ولما دورت على تليفوني لقيته مع عم ايوب شايلهولي مع هدومي اللي لقاني بيهم ومحفظتي.. بس لما جابهولي لقيت الميه بوظته فبعته مع عم ايوب يتصلح وبمجرد مااتصلح اتصلت بيك فورا.
كنت بسمع كل دا وانا مذهول ومش مصدق وكأني في حلم او كأني بسمع قصه خياليه من اللي كانت تتحكيلنا زمان ومكناش نآمن بيها.
خلص احمد كلامه وأول حاجه سألني هناء عامله ايه يامحمود طمني عليها.
انا هو نطق إسم هناء وانا هنا الدنيا كلها اسودت في وشي من بعد ماابتدت تتلون وتبقى بمبي 
واحس إن السعاده في طريقها ليا..
 دا غير امي اللي بقيت كل حاجه فحياتها وبقت تقولي ياطرح قلبي
بعد ماكانت تخص بيها احمد بس وتقوله دايما
ياأول طرح قلبي
وفوق دول ودول الاملاك كلها اللي بقت ليا لوحدي بدون منازع وانا اللي اخدت كل حاجه البيت والمحلات والارض والفلوس اللي في البنك.
كل دا ملحقتش اتهنا بيه ورجع احمد عشان يصحيني من الحلم الجميل اللي لسه فى بدايته وملحقتش اكمله. 
بصيت لأحمد وركزت عليه وحطيته هو والأخوه فكفه وكل الحاجات