رواية رفقا بالقوارير جميع الاجزاء بقلم مياده مأمون

محاضرة 
لاه دا مش حل هاتسافري كل شويه كيف و انتي حامل اكده 
متعقدهاش بقى يا ديب لو مش عايزني اسافر كل شوية عادي هاقعد اهنه وابجي اسافر على الامتحان 
حاضر يا عيون الديب الكبير و ام الديب الصغير مابقتش اقدر اجولك لاه يا وعدي
طب ايه رأيك اني كنت عايزة كمان اا 
لاه خلاص خلص الكلام و دلوك وقت العمل بجي
حملتها بين ايديا و هي عمالة تضحك و متعلقة في رقبتي 
عملتلها المشروع اللي كانت عايزاه و حولت كل الارض بتاعتنا لمزرعة خضار و فاكهه اورجانيك و كلها بتتصدر للخارج
و كان ربحها وفير مشاء الله يعني

و عملت كمان مشغل ملابس و سجاد يدوي كبير شغلت فيه بنات كتير و انتاجهم كان جميل قوي كأنهم متمكنين من شغلهم 
و اللي عرفته من وعد بعد اكده انهم كانو بيشتغلو السجاد ده في بيوتهم و بيجي واحد من بره الكفر يشتريه منهم بتراب الفلوس و يصدره لبره 
و الغريبه اني من وجت رجوعي و قعدتي في الكفر اكتشفت ان الناس هناك بتحبها
او بمعني اصح وعد كانت محببه الناس كلها فيها و دايما بتحكي ليهم عني بحب 
خلصت بني الجامع الكبير و فرح اهل البلد بيه جوي و نقلو الصلاة فيه
و الشيخ حسن العمودية و كانت مراته الحجة كريمة سعيدة بيه جدا 
بدأت مشاريعي تكسب و الحياه بينا تستقر و جولت لازم افرحها و اعملها فرح كبير
بس وعد رفضت يتعمل ليها فرح قبل ما تولد و قالت هاتستني لما تقوم بالسلامة و تعمل ليلة الفرح للمولود 
وجفت البس واحضر نفسي قدام المريا عشان اسافر تاني اشوف شغلي في القاهرة و اطمن على حالي هناك و هي كانت قاعدة على السرير متبعاني بعنيها الجميلة 
ضاربة بوز ليه على الصبح اكده يا بت 
لفت وشها بعيد عني
و ردت عليا پغضب 
لاه و اني هاضرب بوز ليه جوزي مسافر و سايبني لحالي و اني تعبانه اكده المفروض اتحزم و ارقص
حطيت ازازة عطري اللي كنت من يديمن ايديها وقفتها قدامي 
من وجت ما صحيتي من النوم و اني شايفك زعلانة و عارف ان سفري هيزعلك بس احنا متفقين على كده من ساعة ما طلبتي انك تجعدي اهنه 
حنت رأسها بخجل و حزن و خبت وشها في صدري 
عارفه بس مش جادرة افوتك تبعد عني اني في بعادك ببجي كيف اليتيمة 
لفيت يدي حاوليها و لصدري جامد 
و انا ببجي زيك و اكتر يا جلبي بس اعمل ايه انتي اللي عايزة اكده 
طب خدني معاك و نرجع سوي 
مش هينفع يا حبيبتي طريج
السفر بالعربية طويل و انتي لساكي راجعه من هناك جريب اخاڤ عليكي تسافري الطريج ده كله من تاني 
يوووه يعني مصمم على البعاد 
مش هتأخر عليكي كلها كام يوم اظبط شغلي و اجيلك على طول 
حاسه اني هاولد و انت بعيد عني المره دي 
هههههه تولدي ايه يا مخبله انتي لساكي في السابع و الديب الصغير لسه فاضل على قدومه شهرين بحالهم 
بعدت عن بقلة حيلة عطتني ظهرها 
اني عارفه بجي و الله شكله عنيد كيف ابوه و ناوي يعملها و يجي للدنيا بدري دا تعبني جوي يا قاسم 
وقفت وراها لصدري تاني و مشيت يدي على بطنها المنفوخه بحب 
وعد
نعم يا حبيبي
انتي تعبانه صحيح و لا بتجولي اكده بس عشان ماسافرش 
لاه و الله دا حتى اني بجالي كام يوم اكده في خبط جامد في ظهري و ماكنتش رايدة اقولك عشان مش تقلق عليا 
حملتها بين ايديا و انا مړعوپ عليها و نيمتها في سريرها 
مش عايزة تقلقيني ايه دانتى عايزة تجننيني يا شيخة خليكي اهنه اوعاكي تتحركي لحد ما اشيع اجيب الدكتوره ليكي 
برغم خۏفي و قلقي عليها لكني شوفت الفرحه في عنيها و حاولت تقوم تتنطط ليا بسرعه 
ههههههه يعني مش هتسافر 
واه جاك بو يا بت جولتلك ماتتحركيش من مكانك تقومي تعملي اكده 
طب هنام اهه بس خليك معاي مش عايزك تسافر 
و بعدهالك اومال بطلي دلعك الماسخ ده و فوتيني بجي اشيع اجيب الدكتورة 
لاه خلاص ماتجبش حد و روح سافر اني كويسة و معايزاش حاجه من حد 
يا بوي على عندك و دلعك الماسخ يا بنت عزوز اكتمي بجي و خليكي مطرحك لحد ما تاجي الدكتورة 
جات الدكتورة و بدئت تكشف عليها و اني واجف هاتجنن من القلق عليها مع اني عارف ان كلامي زعلها مني بس اعمل ايه هي عارفة ان دي طريجتي و مش هاقدر اغيرها
ها يا دكتوره طمنينا الله يرضى عليكي
اطمن حضرتك الهانم
كويسة جوي 
و الجنين اللي في بطنها 
حسيت بدهشة عنيها من سؤالي بس ماعطيتش ليها اهتمام و استمعت للدكتورة 
زي الفل الحمدلله هي بس تبطل توتر و تحاول ماتبذلش اي مجهود الفترة دي 
جوليلها أصلها عنيدة و ما بتسمعش الكلام و غاوية تتعب الكل معاها 
بصت لها بهدوء و وجهت كلامها ليها 
لاه الشهرين دول بيبقو اهم شهرين في الحمل كله لازم تحافظي على نفسك عشان تقومي بالسلامه انتي والبيبي بتاعك 
فضلت