كفر السلطان بقلم الكاتبه لوجي احمد

اععععععععع مش قادرة أصدق دا اجمل خبر سمعته ...كده أدم هيخلص من حبيبة الزفت دي
ميرنا .....يا بنتي دا انهاردة الشركة كانت اخر كأبة تقولش ماتلهم حد الكل كان مضايق
رنا...ب شړ..كده احسن عشان أدم يرجعلي تاني ويترجاني اني اسامحه 
في شقة أدم 
بقلمي ايزيس بنت الصعيد 
حبيبة .....ليه يا آدم هاروح فين
أدم ....بصي يا حبيبة أنا هبقي مشغول جدا الفترة اللي جاية والاكيد اني هبات ف
الشركة أنا وكل المهندسين 
لذلك مش هطمن عليكي غير وانتي عند اهلي في الفيلا ادخلي جهزي شنطتك ويلا عشان هوصلك فيلة بابا 
حبيبة ...حاضر بس انت هتقعد كتير في الشركة 
أدم ...لا اسبوع بس 
حبيبة ....اوكي .أنا هدخل اجهز الشنطة 
وفعلا حبيبة جهزت شنطتها واخدها وصلها بيت أهله وطلع ع الشركة لقي المهندسين مستنينه وبدأ رحلة العمل الجاد
الموضوع عند حبيبة مختلف تماما 
كارما طايرة من الفرحة عشان حبيبة عندهم ..وقالت لها أنهم لازم يسهروا لغاية الصبح
دخلوا المطبخ وعكوا فيه وعملوا اكل ونسكافيه 
ودخلوا التراث كان الجو جميل جدا
حبيبة كانت سرحانة ...ياتري يا آدم عامل ايه دلوقتي أكلمه في الفون ولا هعطله
فاقت علي صوت كارما
كارما.....حبيبة انتي عمرك حبيتي 
حبيبة ....اممم حبيت . كارما ......كان سنك اد ايه
حبيبة .....كان سني ٢٤سنة يعني السنة دي 
كارما ......قصدك أدم اخويا انتي عمرك ما حبيتي غيره
حبيبة ....بصي يا كارما الحب دا مشاعر حلوة اوي بتخلي الواحد طاير في السما بس لازم تعرفي انك مش مسموح لك انك تظهري مشاعرك دي غير للشخص اللي من حقه انك تظهريها يعني ماينفعش تحبي شخص غريب وتصارحيه بحبك ليه وتتمادوا في الحړام
كارما سكتت وعينيها اتملت بالدموع
حبيبة ....كارما افتحي لي قلبك أنا ديما حاسة انك مش مبسوطة وفي حاجة مخبياها نفسك تقوليها لي 
كارما اتنهدت ....حبيبة انا بحب مروان صاحب أدم
حبيبة ....طب وقلتيله 
كارما ......في موقف حصل قبل ما يسافر مروان لندن الموقف دا جارحني منه وهو اصلا مش بيحبني بس ماكانش المفروض يجرحني بالطريقة دي ويخوفني
حبيبة .....هو ايه اللي حصل يومها
فلاش باااااااااااااك 
من اربع سنين فاتت 
كارما كانت في أولي ثانوية عامة
مروان كان مسافر ف جه يودع عيلة أدم اللي بيعتبرهم زي عيلته بالظبط 
ودعهم كلهم بس كارما كانت بتذاكر ف أوضتها
دخل مروان اوضتها لانه عندهم مروان زي أدم 
مروان ...كرملة أنا هسافر هتوحشيني يا اروبة شدي حيلك وذاكري
كارما......اڼفجرت من العياط ....مروان ما تسافرش أنا مش هقدر اعيش من غيرك أنا بحبك يا مروان عشان خاطري خليك ما تسافرش
مروان اڼصدم من اعتراف كارما الجرئ دا قام مسكها من قفاها كأنه قافش حرامي غسيل وقال بنبرة حادة
مروان......بقا انتي يا مفعوصة يطلع منك دا كله وديني يا كارما لو قلتي الكلام دا لاي ولد تاني لأكون قايل لادم واخليه 
ولعلمك هامشي وراكي واحد عشان لو شافك بتكلمي اي ولد يبلغني 
كارما ..بدأت ټعيط جامد .....خلاص يا مروان أنا آسفة اعتبرني ماقولتش حاجة بس ما تقولش لادم عشان خاطري.
بقلمي_ايزيس_بنت_الصعيد
باااااااك
حبيبة ......اهدي يا كارما اهدي يا حبيبتي .....تعرفي أنه مروان كبر اوي في نظري لما اتصرف كده ..هو اتصرف كده لانه خاېف عليكي مش قصده يجرحك ابدا...طب انتي عارفة لو كان سايرك وقالك أنه بيحبك كان هيبقا ف نظري خاېن لصاحبه ....صديقني يا كارما اللي عمله مروان دا هو الصح 
بقلمي_ايزيس_بنت_الثعيد
كارما ....تفتكري كده يا حبيبة ...بس انا كل ما بشوفه بتعصب ڠصب عني رغم اني لسة بحبه 
عند أدم في
الشركة 
أثناء ما الكل علي علي أعصابه والثانية لها قيمتها عندهم 
أدم سمع اذان الفجر وقف وقال للمهندسين
أدم .....يا جماعة ناخد بريك بقا عشان نصلي الفجر
الكل في الشركة عارفين أدم الالفي بتاع بنات ومش بيصلي 
كلهم بصوا لبعضهم وعلامات الدهشة علي وشوشهم
أدم باصلهم ..
عند أدم في الشركة 
أثناء ما الكل علي علي أعصابه والثانية لها قيمتها عندهم 
أدم سمع اذان الفجر وقف وقال للمهندسين
أدم .....يا جماعة ناخد بريك بقا عشان نصلي الفجر
الكل في الشركة عارفين أدم الالفي بتاع بنات ومش بيصلي 
كلهم بصوا لبعضهم وعلامات الدهشة علي وشوشهم
ادم باصلهم وهما خافوا يهزأهم بس المفجأة بقا
ادم.....انا عارف انتوا بتفكروا ف ايه دلوقتى..ايوا انا ادم الالفي الهلاس اللي كان خاربها بس ربنا هداني
الحمدلله هه هتيجوا معايا ولا اصلي لوحدي
كلهم وقفوا وصقفوا لادم وقالولوا معاك يا بوصمدير 
كانوا اربع شباب زي الورد ومعاهم مروان هو فعلا محاسب بس جه يقف جمب صاحبه
بقلمي ايزيس بنت الصعيد 
قاموا وصلوا الفجر وبعدها رجعوا تاني يشتغلول بجد لغاية ما الشمس طلعت وبدأ الموظفين يوصلوا ع الشركة 
الشباب تعبوا خلاص ناموا كل واحد في حتة ف مكتب ادم اللي ع الارض واللي ع كنبة ما عدا ادم كان ھيموت وينام بس فضل يكمل تصميمه....بس مروان ضغط عليه جامد وخلاه ينام ساعتين 
وبعد ساعتين وصلت حبيبة وكارما ومعهم اكل كتير ولوحات ومسامير وأدوات كتير بالعافية شايلنها
دخلوا مكتب ادم لقوا الشباب صحيوا وبيشتغلوا تاني وتقريبا لسة ما فطروش
حبيبة....السلام عليكم يا بشمهندسين 
ادم رفع وشه يتأكد بس انه اللي سمعه صح وابتسم لما لقي حبيبة 
كلهم ردوا السلام
حبيبة ...طبعا شكلكوا كده مافطرتوش انا جبتلكوا اكل كتير بس تسمحوا بقا تخرجوا برا عشان عايزين نعمل حاجة في المكتب
طبعا هما ماصدقوا خرجوا عشان يفطروا 
وبدأت حبيبة كركبة وخبط في مكتب ادم وهو الفضول عايز يعرف هي بتعمل ايه جوه
اكل ادم بسرعة قبل الكل عشان يراقب حبيبة واللي بتعلمه
فتح الباب بالراحة وبدأ يراقب حبيبة اللي عمالة تتشقلب يمين وشمال وراكبة علي كرسي وبتعلق لوحات
ابتسم ادم علي حبيبة اللي عاملة زي الشمس اللي بظهورها الضلمة واليأس وتبعت الامل في قلوب الكل 
دخل ادم بالراحة من غير ما حبيبة تحس به وفجأء حرك الكرسي اللي هي كانت واقفة عليه 
بقلمي ايزيس بنت الصعيد
حبيبة صړخت ولقت نفسها علي ايدين ادم اللي ضحك بانتصار...بصوا لبعض وهو كان 
ادم....حبيبة مش قلتلك خلي بالك هتقعي هتقعي انتي ماسمعتيش الكلام كويس اني لحقتك قبل ما تقعي 
بقلمي إيزيس بنت الصعيد 
حبيبة ابتسمت بخجل وما اتكلمتش بص ادم علي اللوحات وبدأ يقرا اللي كان مكتوب كانت آيات قرأنية محفزة زي
وقل اعملوا فسيرى الله عملكم ورسوله والمؤمنون
إنا لا نضيع أجر من أحسن عملا .
وأن ليس للإنسان إلا ما سعى 
ولا تيأسوا من روح الله ۖ إنه لا ييأس من روح الله إلا القوم الكافرون .
وكمان حبيبة حبت تضيف التاتش بتاعها مهي دراستها انجلش بقا فكتبت عبارات تشجيعية علي لوحات بالانجلش زي
Go onاستمر
Go aheadتابع التقدم
You can do itانت تقدر تعملها
Adam you are the bestأدم انت الافضل
وقال....انتي اجمل هدية من ربنا ليا يا حورية قلبي
حبيبة سمعت الكلام دا وحست أنه هيطلعلها جناحات وتطير ..يااااااااه اخيرا يا آدم بدأت تحس بحبي ليك وتبادلني نفس الحب
في مكتب مروان 
كارما قاعدة علي المكتب بتراجع حسابات و مروان كل تركيزه عليها
مروان....كارما.. كارما ....نعم
مروان....أنا اسف
كارما .....علي ايه
مروان ....علي كل چرح سببتهولك زمان من غير ما اقصد 
كارما انتي كنتي صغيرة وحتي لو كنت معجب بيكي أو بحبك انا ما اقدرش أخون أدم ...أدم اكتر
من اخويا 
كمل بخبث بقا ....بس مافيش مانع دلوقتي اني اقول لاخويا اني عايز أخطب
كارما قلبها كان هيقف ياتري يقصدها هي ولا يقصد يخطب واحدة تانية
كارما ....تمالكت نفسها ....مبروك يا استاذ مروان فرحتلك
مروان حب يضايقها ....الله يبارك فيكي انتي طبعا اول المعازيم وغمز لها وخرج من المكتب قصف جبهة
بقلمي ايزيس بنت الصعيد 
عند أدم 
حبيبة .....أدم أنا لازم امشي دلوقتي عشان ما اعطلكش اكتر من كده
أدم .....شكرا يا حورية...انتي ادتيني طاقة كبيرة اني اقوم واحارب
حبيبة....أنا مش هسيبك ابدا يا آدم أنا جمبك انت مش
كده خليني اوصلك للعربية
حبيبة ....اتعودت علي افشاته ف مزعلتش
وفعلا وصلها لغاية العربية واطمن عليها وبعدين رجع الشركة تاني 
في مكتب أدم 
أدم رجع لتصاميمه وغرقان فيها مش دريان بأي حاجة حواليه
بقلمي ايزيس بنت الصعيد 
الباب انفتح علي طول 
رنا ....هاااااي دومي اقدر اعرف ليه مش بترد علي مكالماتي
أدم.....رنا ممكن تمشي
رنا ....ايه هي حصلت يا آدم بتطردني من شركتك
أدم ....رنا أنا مش فاضي لاي نقاش دلوقتي ممكن تمشي بجد
رنا ...أنا كنت جاية احاسبك علي كدبك عليا بقا تقولي أنه مراتك وحشة ويتخاف منها وتطلع صاروووخ اللي ما وريتك يا آدم.
في اللحظة دي أدم اتعصب ورمي القلم من أيده وقام وقف قدامها بالظبط 
أدم..بيهددها..عارفة لو ما اختفتيش من وشي حالا يا رنا هخليكي تطلعي علي نقالة 
رنا اټرعبت من طريقته دا مش أدم اللي اتعودت عليه بس هو معزور شغله وشركته ع المحك من حقه بتجنن
رنا اتسهوكت......أنا ماشية يا آدم بس الحق عليا لأنك وحشتني جيت اشوفك 
أدم .....اديكي شوفتيني امشي بقا
رنا مشيت وكانت هتفجر من الغيظ كانت متوقعة مقابلة تانية خالص واخبار حلوة زي أنه أدم مثلا يقلها أنه طلق حبيبة عشان والدها مارضيش يساعده
رنا خارجة مندفعة خبطت في مروان 
بقلميايزيس بنت الصعيد 
مروان....بصلها بقرف......هما بيطلعوا امتي دول 
بصتله هي من فوق لتحت وما اتكلمتش
مروان ......باشا...اخبار المبدع بتاعنا ايه
أدم ....اتنيل ...عايز ايه
مروان ....خاېف اكون بعطلك لو هتكلم معاك
أدم رفع حواجبه وقال ...دا كلامك ولا مستلفه ايه من امتي الاحترام دا
مروان قرب علي أدم وقاله ....أدم انا كنت عايز حاجة غالية اوي عندك
أدم بصله بنص فتحة عين .....العربية الفيراري بتاعتي
مروان ....فيراري ايه بس يا دومة ركز معايا يا بيبي
عايز حاجة غالية عندك انت وابوك
أدم .....برق وقاله الشركة بتاعتنا
مروان.....يادي النيلة...شركة ايه بس انتوا عايزين اللي يتبناكم ويصرف عليكم
أدم ....ماتتكلم علي طول يا ابني انت شايفني في وضع يسمح للالغاز
مروان قرب من أدم ومسك أيديه أدم اټجنن من تصرفه هو شارب حاجة ولا ايه دا مش طبيعي
مروان ....عايز حاجة بنحبها أنا وأنت ...وقام غامز لادم
أدم صلب أيديه علي صدره علامة اكس وقاله ....لااااااا مش معني اني سامحلك تقولي يا بيبي وتقولك يا قلب البيبي تسوق فيها...أنا راجل متجوز وماليش ف السكة دي
مروان پصدمة.....انت فهمت ايه الله ېخرب بيتك ..وبعدين ايه راجل متجوز دي هو لو ماكنتش متجوز كان عادي عندك
أدم پصدمة.....ينهار اسود شفتها فين دانا هخلي ليلتك سودة
مروان ....انت مچنون يا عم انت مانا متلقح ف بيتكم أربعة وعشرين ساعة قال شفتها فين شكله
فقد الذاكرة
أدم .....قصدي هي تعرف انت اتكلمت معاها
مروان.....لا متعرفش أنا جيت اخد رأيك الاول وبعدين عقولها
أدم ....لا انت متقولش أنا إلا اقول لأختي ..اياك يا مروان تكلم البنت طول ماهي ف مكتبك وديني اقټلك 
ولعلمك بقا أنا هروح اجيب كاميرات المراقبة هنا في مكتبي 
بقلمي ايزيس بنت الصعيد 
مروان ....ياعم اتلهي ..وخليك في تصاميمك هتودينا ف داهية باستهتارك دا... انت فاضي للكاميرات
عمتا اختك دي أنا اخاڤ عليها من نفسي ويا سيدي مش هفتح معاها اي حوار إلا بعد المناقصة أن شاء الله ..مرضي