العريس
العريس
ال حصل أنا مكنش قصدي أزعله أو أرفض أنا بس كنت مخضۏضة ومش مستوعبة. طب هو أنا كدا خلاص مليش فرصة معاه!!
قعدت على السرير أعيط وأنا بلعڼ غبائي في كل مرة بعد شوية سمعت صوت حد بيزغرط عرفت إن غزل إتكتب كتابها قومت غسلت وشي وطلعت ليها.
_مبارك يا غزل مبارك يا نور عيني.
_لينا كلام سوا علفكرة.
حضنتني أوقات كنت بحس إنها أمي مش بنت خالي فيها كمية طيبة وحنية تكفي العالم وتفيض.
قعدت معاهم وهم بيغنوا وبيفرحوا حاولت أبان كويسة وأفرح معاهم علشان خاطرها.
_هو أنت بتعملي فينا كدا ليه
بعد ما غزل مشت والدنيا بدأت تهدى والكل نزل شقته غيرت هدومي ولبست إسدال وخرجت أقعد على السلم وبعد فترة سمعت صوته.
_أنا آسفة.
_وبعدها
أنا طلبتك مرتين يا آية.. مرتين وأنت رفضتيني برغم إني عارف إنك عايزاني ومتأكد من كدا.. يبقى ليه ليه بجد.
_أول مرة أنا كنت تالتة ثانوي كنت متوترة وخاېفة..
أنت عارف إن كتير كانوا مستنين فشلي وبيتنمروا عليا وأنا خۏفت.. خۏفت أفشل فعلا وأبقا مش لايقة بيك.
والنهاردة.. مكنتش مصدقة ال حصل أصلا والكلمة خرجت ڠصب عني.. بس أنا كنت متضايقة منك أنتم فجأة بتقولوا لي غيث طالب إيدك.
أنا آسفة يا غيث آسفة على غبائي في كل مرة.
_ونهايته يا آية
هنفضل كدا لحد ما العمر يعدي بينا
آية هو أنت حقيقي مش موافقة بيا!
_ساكتة ليه
_وأنت عايزاني أشتمه ليه إن شاء الله يكونش غبي زي ناس كدا!!
_بسم الله الرحمن الرحيم بتطلعي إمتى يا ورد
_خليك معايا يا آية.. موافقة عليا ولا لاء أنا مش هقدر أغصب نفسي عليك كتير.. لو رفضتي وكنت مش عايزاني أوعدك إنك مش هتشوفيني تاني.
_أنت عبيطة يا بت سيبتي كل الكلام وركزتي في دي
ما تخلصي تجاوبيه خلوني أنزل أنام منكم لله أنتم الاتنين.
_موافقة يا غيث.
نطقتها من هنا وورد زغرطت من هنا وډمرت ودني
حضنتني وهي مستمرة تزغرط جنب ودني.
_خلاص يا ورد البيت كله صحى.
_ودني يا ستي باظت إسكتي بقا.
_في إيه يا ولاد
_بجد
_أنتم كتب كتابكم بكرة خلونا نخلص من قرفكم بقا.
مش كنت وافقتي النهاردة كان زماننا نايمين!
_شكرا يا خالو الله يبارك فيك يا حبيبي.
_طب يلا كل واحد على شقته بقينا في نص الليل.
الساعة سبعة الكل يكون تحت وشوفوا هتجيبوا غزل إزاي.
_جماعة أنتم مصدقين
بعد كام ساعة هبقا على اسمه وهتودوني بيت حبيبي بجد.
_وربي أنا خاېفة تعملي أي حركة غباء وتبوظي الجوازة.
_أنا!! دا أنا هاين عليا أمشي أحضنكم كلكم.
_أنت عارفة يا آية لو زعلتي الولا في يوم أو نكدتي عليه أنا هعمل فيك إيه
_ولا!! بعدين دا غزل مش مهتمة بيه كدا إتهدي يا عسل بدل ما أحرمك منه أصلا.
_متقدريش.
_خلاص أنت وهي إعقلوا شوية.
بعدين أنا سمعتهم بيقولوا إن المأذون جاي في الطريق.
_إمضي يا آية هنا.
_جماعة هو أنا كدا إتسرعت أفكر شوية طيب
_ورب العزة بدل ما هتبقى شهادة زواجك هتبقى شهادة وفاتك ما تخلصي يا بت.
حتة عيلة أصغر مني محسساني إنها أمنا الغولة حسبي الله بجد.
مضيت وخرج بابا من الأوضة وكام دقيقة وسمعت زغاريط ماما وطنط نبيلة.
_مبارك يا آية
مبارك يا نور عيني.
_غزل أنا بقيت مرات أخوك كدا صح
_محتاجة تتخبطي على دماغك علشان تفوقي.
أنا كدا خلاص بقا ممكن أحضنه وأهزر وأتكلم معاه من غير خوف!
مش ههرب من التجمعات
العائلية تاني! عادي أبص في عيونه وأغرق فيهم! الحلو دا بقا صاحب دقات قلبي!
دا طلع إن الوصول له لذة جميلة بجد!
فوقت من سرحاني على لمسته لإيدي كانوا خرجوا كلهم من الأوضة وسابونا لوحدنا.
_أنا مش بحلم صح
_تعبتيني وغلبتيني ومرمطتيني.
_مستاهلش
_تستاهلي ورب الكعبة تستاهلي أفني عمري كله لأجل اللحظة دي.
_عارف أنا كنت غبية فعلا في كل مرة أخرت موضوعنا.
بس إتعلمت منها والله وعرفت.. عرفت إن عمري ما هقدر أوجعك أو أسيبك أو أزعلك هعيش لك عمري كله بسعى لرضاك يا غيث.
_غيث مغرم بيك والله وإتطمني.. مبقاش عندك حرية الإختيار إنك تسيبيني تاني.
_لقد كان الطريق مليئا بالصعاب... بس فداك ورب الكعبة.
_الله يجازي ال دماغها كانت السبب في الصعاب دي بقا.
ضحكت وضمني لحضنه آمان العالم كله في الكام لحظة دول مفيش مكان للخوف وأنا في حضنه.
