رواية جديدة ستعجبكم جدا كاملة بقلم عبير سليم

صفحه جديده
الداده اتاخرت اوى بابنى
أسعد خلاص ياداده ماعدش ليه لازمه الكلام انا فقت والله فقت من الوهم اللى كنت فيه انا رميتها بالهدوم اللى عليها رجعتها شحاته زى ماكانت والله ربنا رحمه منها ومن طمعها وجشعها هى لاحبت امجد ولا حبتنى هى كانت عاوزة الفلوس وبس
و عالعموم انا خلاص ماشي ماشي ومش راجع تانى
الداده ماشي رايح فين يااسعد
أسعد انا بعت الفيلا والشركه وحهاجر وحعيش برة ومش حرجع تانى خلاص
قولى لامجد يطمن خلاص مش حضايقه ولاحيسمع صوتى تانى وسلميلي عليه ياداده قوليله انى بحبه اوى ومعرفش اللى حصل ده حصل ازاى انا لو علية كان نفسي اعمل اى حاجه عشان يرضى بس يدينى فرصه اتكلم معاه بس خلاص مفيش فايده
الداده اعذره يااسعد اللى حصل مكنش شويه عليه الضربه كانت جامده اوى ده عاش ايام ربنا ميكتبهاش على حد
سيبها على الله يابنى وادعى ربنا ادعيه من قلبك ده ربك مفيش احن منه وقادر يبدل الحال وياعالم يمكن ييجى اليوم اللى يقدر يسامحك فيه
مرت الايام وولكنها تركت اثرها في امجد نعم فلم يعد أمجد الطيب المتسامح الذى يراعى مشاعر الجميع بل اصبح لايخاف على مشاعر احد ولا يتعاطف مع اى شخص
وخاصة النساء فلم يعد عنده ثقة فى اى فتاه وخاصة اذا كانت فقيرة يرى صورة سوزان امامه تتجسد فى هذه الفتاه
يفيق امجد من هذه الذكريات على صوت ارتطام الامواج العاليه فى الصخور بشده
كيف لهذه الامواج ان تتحمل كل هذه الصدمات طوال هذا الزمن كيف لها الا تنهدم او تصرخ من شدة الاصطدام بها
يفيق امجد على تلك الدموع التى ملات وجهه يمسح وجهه بيده كالاطفال ويقرر ان يقوم من مكانه
ولكنه يجد من يضع يده على كتفه
يلتفت امجد ليجده اسر
اسر طلعت كل اللى جواك واللا لسه ياامجد
أمجد ايه اللى جابك ورايا يااسر
اسر مكنش ينفع ياصاحبي اسيبك لوحدك انا كنت متاكد انك حتيجى هنا وتشتكى للبحر همك
أمجد انا مش بستهين باللى انت فيه ياامجد بس جه الاوان اللى لازم تنسى وتعيش حياتك خلاص ياامجد كفايه هم واحزان لازم تفرح وتعيش مع اللى اختارها قلبك وصدقنى المرة دى قلبك اختار صح البنت طيبه ومحترمه واديك اختبرتها فى مواقف كتير واتاكدت بنفسك ياعم ده انت كنت ماشي وراها فى كل مكان بتراقبها ارحم نفسك وارحمها بقى يااخى كفايه عليك وعليها كده بقى
حرام تاخدها بذنب واحده تانيه مش كل البنات سوزان ياامجد
ربنا بيقول ولا تزر وازرة وزر اخرى
حرام عليك كفايه بقى البنت كرهتك ياامجد كرهتك خلاص مبسوط كده
امجد والدموع فى عينيه ايوة مبسوط يااسر انا مكنش لازم اخللى قلبي يضعف لاى واحده تانيه كفايه اللى جرالى والحمد لله انها كرهتنى
اسر والله العظيم انت بتضحك علية واللا بتضحك على نفسك امجد متبقاش مچنون اعقل بقى فوق ياامجد فوق قبل ماالعمر يسرقك فوق بقى فوق
أمجد ايوة انا مچنون يااسر وهو اللى حصللى ده ميجننش حد
اسر ومين فينا متعبش فى حياته مين فينا الدنيا مدوقتهوش مرها امال لو مكنتش كنت معايا وشفتنى كنت عامل ازاى وحالتى كان شكلها ايه لما مراتى ماټت وعشت وكملت اه مانستهاش ولاعمرى حنساها ويعلم ربنا انهالسه جوة قلبي لكن الحمد لله ربنا عوضنى باللى ملت علية حياتى ودنيتى
خلاص ياامجد كفايه عليك احزان الحق البنت ياامجد اسلام حيروح يتقدملها رسمى
أمجد اسلام ده مين ده كمان اللى عاوز يتقدملها طب يورينى حيروح يخطبها ازاى عشان ارنه علقھ اجيبله فيها عاهه مستديمه
اسر بتحبها اوى كده
امجد وهو يبتسم من بين دموعه بحبها يااسر بحبها اوى
اسر ايوة بقى هو ده الكلام قشطه عليك
أمجد قشطه عليك
اسر الواد فارس يخرببيت فقره نشر عدوته فى المكان كله ده حتى الشيخ مازن بقى بيتكلم زيه
أمجد هههههههه
يحتضنه اسر بحب هو ده امجد صاحبي اللى انا عارفه
أمجد بس تفتكر حتوافق يااسر انا بهدلتها اوى وخليتها تكرهنى ومتطيقش تبص فى وشي
اسر هدير طيبه واللى زيها قلبها بيبقى كبير وبتقدر تسامح
بس اللى نفسي اعرفه ازاى وامتى حبيتها
امجد وهو يبتسم ابتسامته الجميله ويمسح الدموع عن وجهه صدقنى لو قلتلك من اول مرة شفتها معرفش وقت مااصرت انها تنزل من العربيه ولما هينتها وشفت الدموع وهى نازله من عينها مش عارف حسيت بنغزة فى قلبي
ليلتها منمتش والله يااسر طول الليل وانا بانب نفسي ازاى هينتها كده وجرحتها بالشكل ده
ولما رجعت شفتها بالصدفه وحاولت اعتذرلها وعرضت عليها انها تركب معايا ورفضت كبرت فى نظرى اوى واتاكدت انها فعلا محترمه بس ماكنتش عاوز اصدق الاحساس اللى جوايا ناحيتها كنت كل مابشوفها بتعمد اهينها عشان اثبت لنفسي انى مبحبهاش وان زيها زي سوزان متختلفش عنها حاجه
بس الحقيقه ان الفرق بينهم كان واضح اوى بس انا اللى كنت اعمى البصر والبصيرة
عارف يااسر فى حاجات لما كنت بفتكرها وانا قاعد مع نفسي كنت بتاكد انها كانت وحشه من الأول بس انا اللى مكنتش عاوز اشوف ده
كنت عاوز اشوفها طول الوقت كويسه
كنت بلتمس لها العذر دايما فى اى تصرف بتتصرفه
اسر معقوله مع ان اللى زى دى بتبقى حساباتها موزونه عشان تقدر تخدع ضحيتها كويس
أمجد لايااسر طمعها وجشعها كان واضح زى الشمس بس انا اللى كنت اعمى أمجد انا تقريبا كنت بصرف مرتبى على فسحها ولبسها والاكل اللى كل يوم كنت باكلها فى المطاعم
وهى عمرها ماقالتلى لاء على حاجه بجيبهالها عمرها ماقالتلي كفايه انت جبتلى ياما
بعكس هدير يوم ماركبت معايا العربيه اول مرة صممت تنزل ولما عرضت عليها تانى وتالت مرة بردو تركب معايا رفضت كبرياءها وعزة نفسها ورضاها باللى هى فيه علاها فى نظرى اوى بس انا مكنتش عاوز اضعف تانى يااسر
اسر خلاص نفوق بقى لنفسنا ونتمسك بالحب ياامجد حاول تتمسك بيها وبحبك ليها صدقنى هدير تستاهل الحب ده
وتستاهل انك متفرطش فيها
امجد وهو يضع يده على خده اه بس انا كنت مستحلفلها اردلها القلم

اللى ضربتهولى
اسر هههههههه احسن تستاهل والله حلال فيك وبعدين انت ممكن تبقى تردلها القلم بطريقتك انت بقى يامجود
بس حيبقى احلى قلم فى الدنيا قلم يخليها تغيب عن الواقع وتنسى كل الدنيا ومتشوفش فيها غيرك وانت وشطارتك بقى
أمجد انت متاكد انك اسر التهامى لا انا شكك فيك ياصاحبي
اسر منك لله يافارس
تخرج هدير وحياة من الجامعه بعد الانتهاء من الامتحان
حياة انا قلقانه اوى من الماده دى انا حسه انى عكيت فيها
هدير سيبيها على الله وان شاء الله خير
حياة مروحه عالبيت واللا حتروحى المكتب عند اسر
هدير حروح المكتب ارتب بس شوية قضايا وبعد كده اروح
حياة بتفكرينى بنفسي يابت ياهدير كنت زيك كده بالظبط بس تعرفى ان المكتب ده وشه حلو على البنات اللى بيشتغلوا فيه انا اتجوزت اسر وفرح اتجوزت يسري وان شاء الله نفرح بيكي انتى كمان ياحبيبتى قريب
هدير ربنا يخليكى يا حياة انا كل اللي عاوزاه انى اخلص الكليه واشتغل واحقق ذاتى
حياة يعنى منفسكيش تتجوزى يابت ياهدير
هدير اكيد طبعا يا حياة نفسي اتجوز وافرح زى كل