رواية دعني احطم غرورك جميع الاجزاء كامله

معرفش هي بتتقال كده .... الله انت بتعمل ايه 
استغل عز الدين انشغال جانا بالرد عليه دون أن تركز أنه رويدا رويدا حتى استطاع أن ينتزعها من على السلم 
جانا انت اټجننت ايه اللي بتعمله ده 
عز ماهو انا مش هسيبك إلا لما توافقي انشالله نفضل طول اليوم كده.
جانا بقلق لو سمحت عيب كده نزلني من فضلك
عز مش قبل ما توافقي الأول
جانا اوافق على ايه 
عز ع ان ډخلتنا تكون أخر الأسبوع
جانا impossible مش هيحصل
عز وايه ياختي اللي هيخليها متحصلش
جانا أهوو شوف انت بتقول انا اختك .. ازاي ينفع بقى يا حلو
عز هو انتي ليه بتحسسيني ان احنا أصلا مش متجوزين

جانا ماهي دي الحقيقة.
عز لأ احنا ناقصنا بس الفرح ويبقى كده تمام
جانا لاياخويا انا مش مستغنية عن عمري معاك وبعدين حوماية بليفة ولا جوازة بتكتيفة !!!!
عز نعم يالهوي ع أمثالك بيئة فحت ...
جانا هو ده اللي عندي وان كان عاجبك سيبني بقى اشوف اللي ورايا
عز تؤ
جانا بضيق هنادي على انطي سهير!
عز بفخر ماهي عارفة
جانا عارفة ايه 
عز عارفة انك معايا الوقتي وعمك كمان عارف وموافق ومؤيد ومشجع و..
جانا مقاطعة بسسسسس
عز م الاخر كده مقدامكيش حل تاني غير الموافقة
جانا وان ماوافقتش
عز هفضل شايلك كده لحد ما
يجي عمك وابويا ونتمسك آداب !
جانا صفيق
عز وشنقيط وتنح وبارد وثقيل ومنيل و.. كملي كملي .. برضوه انا هفضل كده
سمع كلا من عز الدين وجانا باب الشقة يفتح .. فتوترت جانا كثيرأ ولكن أصر عز الدين أن يبقى كما هو
جانا في حد جه بره لو سمحت انهي المهزلة دي حالا
عز مهزلة !! هو انا بسرق طب بالعند فيكي هفضل كده
جانا بليز عز put me down
عز لع يا بنت الدمنهوري
جانا خلاص موافقة موافقة بس نزلني بقى
عز اييييه سمعيني تاني
جانا انجزززز بقى
عز مش هنجز غير لما أسمعك بتوقليها تاني
جانا يوووه أنا موافقة ارتحت
عز مممممم لأ لسه مش عجباني قوليها بدلع
جانا الله يخدك هتفضح
عز ميهمنيش
جانا بدلع أنا موافقة يا عز
عز ايوووه بقى
جانا ممكن تنزلني
عز بخبث بعد أن أنزلها ماشي يا عروووسة .. ليكي يووووم وأهوو
دخلت جانا حجرتها وهي في قمة خجلها بينما رحب حسين بعز الدين وتعالت الزغاريط في المنزل ابتهاجا بالزفاف السعيد ......
سهير لوووولوووولي لووووولوووولي .. مبرووووووووووك
حسين بفرحة ايوه يا سهير سمعي الناس كلها
دينا مبروك يا عز
عز الله
يبارك فيكي يا دينا عقبالك!
دينا ثانكس
.........
ايه رايكو ف الحلقة
نودي قصة ... دعني أحطم غرورك !!
الحلقة الثامنة والثلاثون 
ذهبت جانا للنوم وهي تشعر بالسعادة على الرغم من شعورها بالقلق استغرقت في نوم عميق .. ولكنها رأت في منامها حلما أزعجها ...
رأت جانا في منامها أنها تزف إلى عز الدين ثم انتقلوا للعيش سويا في فيلا جديدة لم ترها من قبل ولا تشبه تلك الفيلا التي يعيش فيها عز وعائلته وفور دخولها إليها حتى صاح بها عز الدين
عز انجري على جوه يا هانم ...
جانا نعم ايه معنى كلامك ده 
عز معناه يا حرمة ان ايامك السودة بدأت دلوقتي
جانا يعني ايه انت مش بتحبني
عز انتي اتهبلتي انا مش بتاع حب ولا كلام فارغ من ده
جانا اومال اتجوزتني ليه 
عز عشان اذلك وأكسرك !!
جانا طب ليه انا عملتلك ايه
عز عملتي كتير وانا منستش حاجة واحدة م اللي عملتيها فيا
جانا بس أنا مستهلش منك كده
عز انتي مفكرة نفسك ايه ده انا عزالدين الكيلاني اللي مافيش ولا واحدة قالتله لأ ابدا مافيش واحدة اتجرأت عليا كلهم بيترموا تحت رجلي وانا أدوس عليهم وأفعصهم بجزمتي وأنا فوتلك كتير واستحملت كتير لحد ما وقعتك
جانا يعني انت كنت بتضحك عليا
عز طبعاااااا ودي عاوزة سؤال انتي أول واحدة اتجرأت وحاولت ټحطم غروري .. غروري ده سر كبريائي غروري ده خط أحمر ممنوع تجاوزه.. لكن انتي حطمتيه بكل بساطة وكان لازم أنتقم منك
جانا وذنب عمي ايه وعيلتي انك ټنتقم منهم 
عز ذنبهم انهم عيلتك .. انتي كان صعب اوصلك إلا من خلالهم كل الطرق كانت متقفلة في وشي .. ماكنش قدامي إلا كده عشان اعرف اكسرك وأدمرك انتي وكل اللي بتحبيهم ...
جانا بصړيخ حرااام عليك ... حرااااااام عليك .. انا مستهلش كده!
عز وهومن شعرها انتي لسه شوفتي حاجة انا هاخد حقي منك الأول وبعد كده أرميكي في الشارع بس مش قبل ما أفضحك وأفضح عمك وأدمره في السوق
جانا لأ يا عز بليز انا مش مشكلة لكن عمي لأ ميستهلش الأذية !!
عز أي حد من طرفك هدمره ده انا جيت على نفسي أوي عشان اقدر أوصلك استحملت رزالة اللي اسمه ميزو وغتاتة الطور وسقالة قريبتك عشان بس اخليكي تقعي زي الفار في المصيدة يااااااه يا جانا ده انا عملت اللي محدش يتخيل اني اعمله بس عشان انتقم منك .....!!
جانا بس بقى كفاية مش عاوزة اسمع حاجة !
عز وهو يبتسم بخبث لأ هتسمعي ڠصب عنك