الميراث من تركة ابي حكايتى بأختصار

قبل ما نتفاجئ بكارثة قلش عنها في أي حاجة.. سحر كانت مشنو* قة في أوضتها بنفس الطريقة، وماسكة وصيتها في إيدها بنفس الطريقة اللي حسام كان ماسك وصيته بيها، لكن منظرها كان أب* شع بكتير …
بعد كل الألغاز والمصايب دي كان لازم آخد موقف.. كان لازم أعرف اللي بيحصل، واللي تقريبًا كلهم كانوا فاهمينه إلا أنا، خاصةً وإن إخواتي كانوا بدأوا يروحوا واحد ورا التاني ومن قبلهم والدي، وماكانش فاضل غيري أنا وأيمن ووالدتي.

لما شفت سحر بالمنظر ده جريت على الورقة اللي في إيدها قبل ما أفكر في مو تها، وقبل ما والدتي تاخدها زي ورقة حسام وتخفي عننا اللي موجود فيها.. كان مكتوب فيها جملة غريبة مافهمتهاش..

” نصيب سالم لسحر، وأيمن الضحية ”، وفي ضهر الورقة كلمة واحدة بس، أو بالمعنى الأصح اسم مكتوب بالد* م.. كان اسم أيمن أخويا.

لما شفتها اتجمدت في مكاني.. كنت متأكد إنه هو اللي عليه الدور، واتأكدت أكتر لما لاقيت والدتي بتبصله وهي بتردد:
– دي ضريبة إختيارك.. لازم تت العواقب.

في نفس الليلة دي بعد د* فنة سحر والدتي جتلي أوضتي ووشها أصفر، وقبل ما أسألها عن حقيقة كل المصايب اللي بتلاحقنا من يوم وفاة والدي اتكلِّمِت هي..

سألتني عن مكان وصية والدي ليا بإلحاح شديد رغم إنها مجرد ورقة فاضية.