رواية جديدة شيقة جدا بقلم ولاء يحيي
رواية جديدة شيقة جدا بقلم ولاء يحيي
پتخوني... شوفتها وهي بټموت تاني بين ايدنا ... ماحسيتش بنفسي... اغمى عليا... ولما فوقت كانوا مشيوا... فخرجت بسرعه قبل ما يرجعوا البيت... خرجت قبل ما يشوفوني ... وجيت لخالته... واتصلت بيك...انا هربت من الفيلا خۏفت... يعرفوا اني عرفت وېقتلني وتحط أيدها على بطنها بنتي... بس هربت قبل ما اعرف اخويا فين... اغمى عليا قبل ما اسمع واعرف منهم هو فين.. .. اخونا عايش يا كمال عايش عنده دلوقتي 10سنين واحنا مانعرفش عنه حاجة مانعرفش انه عايش مانعرفش مكانه.... ماما مش هتسامحني يا كمال مش هتسامحني... ماما كانت بتوصينا علي اخونا على أليف يا كمال اخونا الصغير ..وقامت وقفت و بتكلم بهستريا واڼهيار وصړيخ . انا اصلا ماكنتش مصدقه انها بتوصينا على محمود... قولت ازاي توصينا عليه بعد كل اللي عمله فيها... وتبص لكمال باڼهيار احنا ازاي فكرنا انها بتتكلم عن محمود .... محمود خاېن خاېن... خاېن وقتل هو اللي قتل ماما .... قټلها... وخطڤ اخونا اخونا يا كمال قالت ناديه كلامها ووقعت على الأرض مغمى عليها...
اتفتح باب الشقة.. ودخلت خالتهم وابنها الصغير عمران ... شافوا ناديه وقعه على الأرض وكمال جمبها.. جريت عليهم
مني ناديه... مالها يا كمال... هي فيها ايه من إمبارح حصل لها ايه
كمال پخوف بسرعه يا خالتو اتصلي بالمستشفى.. ناديه پتنزف تقوم مني تجري على التلفون
عمران پخوف ابله ناديه...اصحى يا ابله ناديه
بك
يرن التليفون.. ويرجع كمال للواقع على صوته ويروح يرد.. وهو ماسك صورة أليف
كمال Yea
OK ... Ill come now ...
Equip the operating rooms
يقفل التلفون ويحط الصورة.. مكانها.. وينزل
حكمت وفاطمة والبنات قعدين سوا
فاطمة بابتسامه النهارده يا ندا جالي يجي 5 ستات عاوزينك
ندا باستغراب عاوزين انا ... مين دول يا تيتا.. وعاوزين ايه
فاطمة بضحك عاوزينك تعملي ليهم فساتين لافرحهم... لا وايه كل واحده فيهم... رحت اشترت فستان قديم بسعر ... وجايه عاوزاكي تغييره ليها وتعملي منه فستان جديد ...وهيدوكي اللي انتي عاوزه .. بس تكوني حنينه عليهم في السعر
حكمت باستغراب يعني عاوزين يدفعوا فلوس... طب ما يشتروا فساتين جديد... أو يأجروا.. طالما هيدفعوا
فاطمة بضحك طلعتي خايبه زي ستك يا حكمت... انا كمان قولتلهم كده.. بس طلعوا ناس واعيه.. اشتروا الفستان القديم ب 200 ج.. وقالوا ندا ممكن تاخد على تفصيل الفستان الواحد 1000ج
فاطمة بابتسامة هيوفروا كتير.. وهيستفيدوا كمان... هما لو أجروا هيأجروا بأغلى من كده بكتير... ولو جابوا الفستان بسعر دا مش هيبقى
حلو... ومش هيبقى بتاعهم... وهيبقي اتلبس قبلهم كتير
لكن لما ندا تعملهم الفستان هيبقى زي الجديد اتعمل لهم مخصوص ومحدش لبسه قبلهم... وبعد الفرح هيستفيدوا انهم هيأجروه... أو يبعوه ويرجعوا فلوسهم... وممكن يكسبوا فيه كمان
ندا بابتسامة فكره حلوه جدا... والله برافو عليهم... وتفكر شويه المشروع دا لو اتعمل... هينجح وناس كتير هتستفيد
ندا ببتسامة ياريت عارفه لو عندي مكان.. كنت عملت مشغل... وجيبت بنات وستات يشتغلوا فيه... وجيبت كمان البنات اللي بيخرجوا من الملجأ...يشتغلوا بدل ما يخرجوا ويضيعوا أو حد يستغلهم وهما لوحدهم... وكنا اشتغلنا... وممكن بعد كده نكبر ونفتح محل لينا... ونبيع احنا الفساتين بأسعار مخفضة لناس... والمشغل ممكن يبقى مصنع ويشتغل فيه ناس اكتر
أميرة بضحك ايه يا بنتي حيلك حيلك... انتي بتحلمي
ندا بضحك ياشيخه انتي حتى الحلم وقفلي فيه... ما تسبيني احلم
حكمت بابتسامة أحلمي بس الأهم انك تحققي أحلامك... وانتي حلمك دا سهل يتحقق
ندا باستغراب سهل ازاي يا ابله
حكمت تعقد جمبها انت عاوزه مكان للمشغل ... والمكان موجود... محل بابا اللي تحت بدل ما هو مقفول كده نفتحوا... وعندنا ماكينه تيتا... وممكن نجيب تلاته اربع ماكينات كمان بالقسط.. على المرتب بتاعي... ومن المكسب نسدد تمنهم... والبنات اللي هيشتغلوا كتير ومش لقيين مكان ولا شغل... وتبص لندا المهم انتي هتقدري توفقي بين الدراسة والتصميم... وانك تعلمي البنات وتعريفهم هيعملوا ايه
ندا بفرحه اقدر يا ابله
فاطمة بابتسامة والله فكره حلوه... وانا هساعدها بدل ما انا بقعد لوحدي طول اليوم استناكم ترجعوا امسك انا إدارة المشغل والاتفاق مع الناس... وهو اساعد ندا عشان كليتها
أميرة بضحك وتبقى سيده اعمال يا تيتا... ونحطلك مكتب في النص وخزنه جمبك...تحطي فيها الفلوس.... الله فكره حلوه وانا موافقه
حكمت بضحك وانتي مالك اصلا... هتشتغلي معاهم
اميرة طبعا يا ابله.... هشتغل أهم شغل هشجعكم وادعي ليكم... هو حضرتك فكره ان من غير تشجيعي ليكم... ودعواتي هتنجحوا... طبعا لا
الكل يضحك واتفقوا انهم هيبدوأ في تجهيز المشروع
وتاني يوم في المستشفى... كل استف التعليمي متجمعين ومستنين الدكاترة علشان كل واحد يعرف هيدرب الشهر دا مع مين... داخل دكتور
