ابن ليل اميره اسامه

فا انا قولت بقي انت داخل علي جواز ومش محتاج تكون متعصب واللاب مجننك ومعاك اصلا واحده مجنونه فا قولت نرأف بحالك ضحكت دره وقدمتله لاب توب احدث موديل مبروك يا عريس
عمرو حط ايده علي جبهته بٱحراج وابتسم لا لا بجد كتير اوي انا مش عارف نقول ايه
دره ولا اي حاجه دي هديه جوازي لاخويا هتعترض
عمرو بإبتسامه منقدرش تسلم ايدك وتسلم ايدك يا كرم مش عارف نقول ايه والله
كرم مبروك عليك يا صاحبي 
دره خلصنا من عيلة دكتور عمرو نروح بقي علي أصغر أسره في عيلة الجمال حسن وسماح 
الاتنين بصوا لبعض وأبتسموا وبعدين بصوا لدره 

دره شوف بقي يا أستاذ حسن
حسن قولي يا عمتي
دره بغيظ رفعت حاجبها
وكلهم ضحكوا عليها عمتي في عينك يا واطي تصدق يا ولا خساره فيك اللي هنقوله
مها سمعيه ربع هو ناقص ويستاهل
حسن لا خلاص بلاش ارباع متضيعوش اللحظه الحلوه دي قولي يا احلي دودو حلو كده
كرم نتلم ها
حسن اهو قابلي بقي ما كانت عمتي وخلصنا
كرم ما تخلصي الولا ده بقي بدل ما نيجي نضربه
دره بضحك طيب خلاص اسمع بقي يا سيدي انت وسماح انا مش معايا حاجه اديهالكم بس هقولكم اللي هنعمله بمناسبه جوازكم
حسن هي جات علينا ومش هتدينا طب حتي كنتي جبتيلي كوره زي ياسو والغلبانه دي باربي زي مريم
ضحكت دره وضحكوا كلهم عليه 
هيما طمعان في كورتك يا ياسو
ياسين خلاص هنلعبك معانا
دعاء ياولا هو حد بيطلب هديته
حسن اه انا بنطلب هديتي ياما وبعدين بتقولك هديه جوازي هنقول لا
كرم بسخريه كوره وباربي ما انت لو تتقل علي رزقك هتكسب بس نقول ايه ناقص علي رأي مها
حسن بضحك عارف انت كل حاجه ها طب خلاص قولي يا دره
دره بإبتسامه حب اولا خلينا في سماح طبعا انا عارفه ان سونه مش مخلباكي محتاجه حاجه وعارفه انها زي اي ام بتجهزك وفي نفس الوقت بتشيلك فلوس
بس جهاز سونه ليكي حاجه وجهازي ليكي انا حاجه تانيه وزي ما هنعمل مع سونه هنعمل معاكي من بكره هتنزلي تشتري كل اللي يخطر في بالك لبس وميك اب برفيوم اي حاجه تخص العروسه في دولابها واوضه نومها دي هديه مني ليكي مش عايزه اي حاجه نفسك فيها متجبيهاش اتفقنا
سماح بإحراج وأبتسامه واسعه بس ده كتير يا دره
دره مفيش حاجه تكتر عليكي ده كفايه انك هتستحملي الواطي ده
بكر في دي دره معاها حق الله يكون في عونك ده عيل مصېبه
ضحكت سماح وبصتله وهو ضحك
حسن بقي كده بتتفقوا عليا خالي وعمتي يلا 
سماح بطل رغي بقي انا عايزه بوسه
حسن مني
ضحكوا كلهم عليه
سماح اتلم من دره طبعا
دره بحب فتحت دراعها تعالي 
سماح بجد شكرا يا دره مش عارفه والله اقولك ايه
دره ولا اي حاجه وعلي فكره مها ودعاء هيتعبوا معايا شويه
مها انا معاكي
دعاء وانا كمان قولي عايزه ايه
دره هتكتبولي كل حاجه العروسه بتحتاجها عشان انا عارفه ان سونه وسماح هيتحرجوا يختاروا كل اللي محتاجينه عايزين نقعد مع بعض وتعرفوني العروسه بتحتاج ايه انا مجربتش الحكايه دي بقي معلش 
ابتسموا كلهم لكن
ابتاسمتهم كانت فيها حزن لان دره متعملش معاها كده واتجوزت وسافرت من غير ما تختار زي اي بنت جهازها 
مها اطمني متقلقيش انا ودعاء معاكي 
دره نروح بقي للاستاذ ابو لسان طويل 
ابتسم زكريا بحزن ومخدتش بالها دره من نظرته ولا نظره نبيله اللي كلها ۏجع 
دره بص بقي يا أستاذ انت شقتك موجوده وفلوسك حاضره عشان الجهاز وتشطيب الشقه بس كل ده انا مليش فيه فلوسك هتفضل معاك انت داخل علي جواز ومسؤوليه كبيره ولسه بتبدأ حياتك انت وسماح وبيتهيألي لما تبدأها وانت معاك فلوس تتسند عليها احسن ما تكسفنا وتتجوز وانت فاضي عشان كده تبدأ علي طول من بكره او بعده بالكتير تجيب كل الصنايعيه اللي هتحتاجهم يشطبولك الشقه وتبدأ تنزل انت وسماح وتختارو كل العفش اللي هتحتاجوا ودي هديه بسيطه مني ليك يا احلي عريس
حسن لا استني انا كنت بنهزر علي فكره وفكرت الهديه هترسي علي حاجه بسيطه إنما كده كتير بصي يا دره انا الحمد لله معايا فلوس كل حاجه ومتقلقيش جيبي مش هيفضي ومش هنكسفك
دره وانا قولت كلمتي واكيد مش هتكسرهالي يا ولا تشطيب شقتك وعفش بيتك كله هديه مني ليك انت وسماح وكمان عشان يبقي روحي موجوده معاكم في البيت ولا ايه 
دعاء ربنا يسعدك يادره علي قد نضافه قلبك وعلي قد الحب اللي جواكي لينا 
عبدالله كتير يا اختي كده
دره متقولوش كده مفيش حاجه كتير عليكم انتوا حته مني سيبوني نفرح ونعمل معاكم اي حاجه تعوضكم عن اللي فات
حسن طب تعالي بقي عشان هنعيط وشكلي هيبقي وحش
ضحكت دره بحب
حسن بضحك في واحد باصص علينا عايز يفجرني
دره بضحك لا متقلقش مبروك ياولا مش عيزاك تتكسف مني جيب كل اللي نفسك فيه انت مش كل يوم هتتجوز واسمع مني فرحتك ببيتك لاول مره مش هتبقي زي فرحتك بعد كذا سنه جواز لما تحب تجدد فاهمني جيبوا اللي انتوا عايزينه كله 
حسن ربنا ما يحرمنا يا احلي دره في الكون كله 
دره ويخليكم ليا يا حبيبي ممكن بقي تاخد جنب انت وعيلتك الصغيره دوركم خلص
حسن بضحك بص
لسماح تعالي يا عيلتي الصغيره
دره نروح بقي لأهم فرع في عيلة الجمال
ابتسم عبدالله بحب لدره
دره الحقيقه انا فكرت في حاجه ليك انت ودعاء بس كنت محتاره وخلينا نقول ان الهديه دي بكر ومها كمان هيشتركوا فيها تعالوا كده 
مها هديه ايه يا دره بس
دره اسمعي مني متقطعيش برزقك زي الولا حسن 
بص يا بكر الهديه اللي اخترتهالك
او اللي كرم اخترهالك بمعني أصح ملهاش علاقه بالهديه دي خالص هديتك هتاخد وقت شويه وبصراحه انا مش حابه اقولك عليها الوقت عشان تكون مفجأه حلوه ليك تشوفها وهي خلصانه
بكر طيب يبقي لزومه ايه الهديه دي بس كفايه هديه واحده
دره مش كفايه يا بكر انت تستاهل هير الدنيا كله وبعدين الهديه دي بالذات مشتركه بينك وبين مها ولا تقصد انك مش عايز هديه مشتركه 
بكر بضحك ااااايوه ولعيها ماهي ناقصه
دره بضحك لا يا سيدي بصوا بقي انتوا الاربعه ديما شايلين هم غيركم انت وعبدالله مقضيين حياتكم في الشغل ومعا ودعاء دافنين روحهم في البيت غير تعب عيالكم وطلباتهم والمسؤوليه اللي مش بتخلص عشان كده انا فكرت نعمل حاجه تخليكم تتبسطوا وتفضوا دماغكم تماما من كل حاجه وتنسوا انكم ناس مسؤوله 
وقررت اني اخليكم تعملوا شهر عسل اسبوع كده ترتاحوا من كل حاجه وتجددوا طاقتكم مع بعض ليكم حريه الاختيار تسافروا مع بعض انتوا الاربعه او كل واحد يختار المكان اللي يعجبه ويقولي عليه 
كرم وانا عليا الحجز 
مها طب والعيال نسيبهم
محمد بضحك احيه علي طول تصوتي وتقولي نفسي اطفش ومحدس يعرفلي طريق اهي جاتلك الفرصه تختلي بالجو بتاعك وبعدين احنا مش صغيرين
دره اهو الولا قالك انسي بقي العيال اسبوع وبعدين ولادك ماشاء الله رجاله وكلنا هنا معاهم وانتي يا ست دعاء من بكره ابنك هيبدأ دق وشغل في الشقه وإزعاج يعني انا لو مكانك اهرب
دعاء بحب ربنا يسعد قلبك زي ما بتسعدي الكل يا دره
دره حبيبه قلبي يا دودو ويفرحكم يارب المهم قدامكم بومين تجهزوا فيهم بس تقرروا عايزين تعملوا شهر عسل بجد وكل واحد فيكم يسافر مكان ولا حابين تبقوا مع بعض 
دعاء مش هتفرق والله عادي
مها وانا كمان اكيد هبقي مبسوطه لو مع بعض 
بكر خلينا مع بعض احسن
دره طيب كويس موافق يا عبدالله
عبدالله طبعا موافق
حسن بضحك طب هيسافروا فين 
مها وانت مالك يا حشري
حسن لا اعرف بدل ما أبوظلكم السفريه
دره كرم اقترح دهب يعني هاديه فيها مناظر طبيعيه للجبال والدنيا هناك حلوه
كرم اسمعوا مني هتعجبكم في الجو اللي احنا فيه ده 
عبدالله خلاص يبقي دهب 
دره كرم هيحجزلكم علي بعد بكره تروحوا تقضوا الاسبوع وتفصلوا اتفقنا
ابتسمت مها وقربت منها هي ودعاء ضموها بحب وقرب منها عبدالله وضمھا مكانتش باينه في ايده
بكر بضحك دره اختفت 
كرم بإبتسامه هي علي طول مختفيه اصلا بس عبدالله بياكلها خالص
دره اتريقوا اوي انتوا الاتنين خلونا في المهم
كرم اه ياريت نخلص عشان انا عندي كلمتين حابب نقولهم
دره طيب خلاص قربت اهو خلينا نروح للشباب الاول هيما ومحمد واحمد 
ابتسموا التلاته لدره
دره نبدأ بهيما بص بقي انا من وقت ما جيت هنا وعرفت انك مچنون بالعربيه بتاعتك وبتحب العربيات عموما وعلي فكره هديتي ليك انا صممت عليها هاااا
ابتسم كرم وهز راسه شمال ويمين 
دره قربت من كرم خدت منه مفتاح عربيه وقربت من هيما
مبروك عليك عربيتك الجديده احدث من اللي معاك
هيما پصدمه اوووووف انتي بتهرجي لا لا مستحيل نقبلها يا دره
دره بنقولك ايه انت عايز تشمت كرم فيا العربيه بقت بتاعتك خلاص ولو قولت مستحيل دي هنسمعك ربع
هيما بأبتسامه وصدمه ايوه بس يعني بص لكرم لقاه باصص عليه ابتسمله وهز راسه بمعني خدها
دره مفيش بس امسك مفتاحك وانت وسونه هتروحوا تخلصوا ورقكم كله بمعرفتكم وبالنسبه بقي لعربيتك القديمه معلش هناخدها منك
هيما بضحك ياستي خديها مش عايزها 
كرم واطي باع عربيته في لحظه
هيما بتقولك احدث من اللي معايا
دره بص بقي انا عارفه ان محمد واحمد معاهم عربيه واحده فا العربيه اللي معاهم واحد فيهم ياخدها تبقي بتاعته و عربيتك واحد تاني ياخدها 
احمد بسعاده اوبااااا اخيرا هنخلع من محمد
احمد بضحك من سكات بقي تاخد عربيتي وانا هناخد عربيه هيما 
احمد لا يا راجل الوقت هتاخد عربيه هيما 
دره بضحك اضربوا بعض بعدين خلينا في المهم الوقت
محمد هو لسه في مهم
دره ايوه هتبقوا سايقين عربيات من غير موبيلات جديده
احمد بضحك انا بنفكر بقي نهرب ومش عايزه حاجه تانيه
بكر اه يا ناقص زي ابن خالك بعتنا بموبايل وعربيه
ادتهم دره
الموبيلات
هيما دره والله العظيم مش كلام بس ده كتير اوي
دره تاني هنقول مفيش حاجه تكتر عليكم
هيما بضحك لا بس يعني انتي الفلوس محيراكي اوي كده
دره سعادتكم عندي اهم منها والله يا هيما ودي حاجه بسيطه اوي يلا امسك موبايلك 
هيما تسلم ايدك 
محمد شكرا يا دره والله
دره العفو حبايبي علي فكره ده ذوق كرم اللي مرمطه معايا امبارح 
احمد حبيبي يا خال بجد شكرا يا دره اوي 
دره العفو يا سيدي مبروك عليكم 
بصت دره لبناتها بحب كانوا وقفين باصين عليها ومبسوطين منها اوي 
دره طبعا منقدرش ننسي اهم حاجه في حياتي احلي بنات في الدنيا اللي تعبوا معايا الفتره اللي فاتت وكان من حقهم انهم يرتاحوا ويتبسطوا انا عارفه انكم اضغطوا كتير عارفه انكم حرمتوا نفسكم من حجات كتير اوي حتي لو بسيطه كنتوا لما بتضطروا تطلبوا حاجه كنتوا بتطلبوها وانتوا مترددين وقفتوا معايا وقفه انا نفسي اتفاجئت بيها يمكن فكرت كتير اعمل عشانكم ابه بس عقلي وقف عشان لو حطيت الدنيا تحت رجليكم بردوا هنحس اني مقصره معاكم انتوا طول عمركم زي اي بنت في سنكم بتحبوا اللبس والميك اب والشوبينج عموما ودي حجات بطلتوها بسبب الظروف اللي كنا فيها عشان كده اول حاجه هتعملوها هتنزلوا مع سماح بنات مع بعض تجيبوا كل اللي يخطر في بالكم عارفه انكم مش بتحبوا تسوقوا بس اي حد فيكم حابب يغير رأيه وعايز عربيه ينزل يختار اللي هو عايزه كمان الفلوس اللي رجعتلي دي انتوا ليكم فيها