ابن ليل اميره اسامه

من سن ولادك
سونه مها عندها حق ماشاء الله يا دره اللي يشوفك بقول اختهم وكرم لسه شاب يعني كلما من حقنا نفرح بيكم
دره حتي انتي يا سونه يلا ما هي كملت عايز تقول حاجه يا دكتور انت وبكر بالمره قبل ما نسيبكم ونطلع
بكر بضحك اه عايز نفرح بصاحبي ونرقص في فرحه
عمرو صراحه وانا كمان عايز اشوفه بالبدله
دره بضحك حاجه تانيه مع الاوردر انا ماشيه خليكم انتوا هنا

مسكها كرم من ايدها قدام الكل وهو بيضحك
كرم راحه فين
دره هنطلع بيتي قيل ما العدوي توصلي انتوا بتهرجوا اكيد
نجوي عشان خاطري يا دره وافقي نفسي
اشوف ابني عريس في فرحه قبل ما ڼموت
البنات عشان خاطرنا يا مامي
مها نفسي اشوفك عروسه وامسكلك الفستان يادره
دره ياجماعه انا مش هقدر صعب البس فستان ازاي
كرم بحب هتلبسي يا دره احلي فستان في الدنيا كلها وهيتعملك احلي فرح
دره بهمس انت مچنون
كرم اه مچنون بس بحبك
برقتله دره وابتسمت ضحك عليها وبصلها
كرم قولي موافقه يلا 
دانه قولي يا مامي وحياتي
ديما عشان خاطرنا
دارين وعشان نبقي اول فرح مصري نحضره يكون فرحك انتي وكيرو
سكتت دره بقلة حيله وجريوا عليها البنات ضموها وفضلوا بتنططوا بفرحه 
ضم بكر كرم بحب وطبطب علي ضهره
بكر مبروك يا احلي عريس في الدنيا 
كرم الله يبارك فيك يا صاحبي
بعد كلام كتير وعصاير وجاتوه وقعده حلوه وسعاده 
مشي عمرو هو والولاد وسابهم بعد ما ودع سونه واتفقوا انهم يتقابلوا بعد بكره عشان يبدأوا تجهيز 
بصوا البنات لبعض وبعدين بصوا لكرم 
دارين مامي
بصت دره وهي مبتسمه علي دارين
دره ايوه يا روحي 
دارين بإرتباك ااااااا بصت لكرم وحست ان الكلام راح
كرم دره البنات حابين يقولولك حاجه ياريت تسمعيهم 
بصتله دره وحست ان في حاجه
دره في ايه حصل حاجه
كرم لا هما بس حابين يتكلموا اسمعيهم وافهمي وجهه نظرهم وياريت متعلقيش او تقاطعيهم خليهم يخلصوا كلامهم وبعدين ردي 
دره انت عارف حاجه انا منعرفهاش 
كرم واديكي هتعرفي الوقت يا دره 
الكل انتبه معاهم وبصتلهم دره
دره قولي يا دارين
دارين امبارح سمعنا حضرتك وانتي بتتكلمي مع بلبله و طنط دعاء عن بابي و الحاله اللي وصل ليها وانهارده الصبح اتصلنا بكرم واتأكدنا من الكلام اللي سمعناه 
دره اااا انتوا ازاي قبل متنطق و يبان عليها الڠضب كرم بصلها
كرم مش عايز ولا كلمه سبيها تقول هي واخواتها اللي جواهم مش عايز مقاطعه ليهم تمام
فضلت دره بصاله باين في عينها ڠضب بسيط وبعدين رجعت بصت لدارين 
دارين اولا احنا سمعناكم من غير قصد لما كنا في المطبخ مع بعض وسمعناكي واحنا خارجين ومش هنكدب عليكي يا مامي احنا اټصدمنا يعني اه كل اللي حصل في بابي احنا كنا عارفينه ومزعلناش عشان هو اللي وجعنا وهو اللي بدأ بس كمان يا مامي اننا نعرف انه الحال أتدهور بيه لدرجه انه يبيع ورد
دانه مامي لما بابي جه المستشفي محدش فينا سكت كلنا جينا عليه مش عشان احنا حد وحش بس عشان هو كان يستاهل ده مننا وانا نفسي وقفت قصاده وتقريبا طردته ولما خدتي حقك
منه صممت اجي مع كرم عشان اقوله كلام يوجعه اكتر ويخليه يندم احنا وقفنا في ضهرك ومرضيناش نخذلك وبيتهيألي جبنالك حقك بطريقتنا رديناله وجعك بۏجع اكبر بس ده ميمنعش اننا نضايق انه يوصل للحاله دي 
ديما احنا مش هنقولك سامحيه بالعكس متسامحيش في حقك وكلامنا ده مش معناه اننا نسامح احنا كمان مش هنقدر بس احنا كل اللي طالبينه من حضرتك أنك تبعتيله مبلغ يقدر يعيش بيه او حتي يقدر يبدأ بيه من الصفر حضرتك قولتي ان الفلوس اللي رجعت دي احنا لينا نصيب فيها واللي هو حق بابي لو حضرتك رافضه تديله من نصيبك اديله من نصيبنا اللي كنتي حابه تديهولنا
اكيد مش هنقولك رجعيله كل حقه كل الحكايه مبلغ بسيط يقدر يعيش بيه يقدر يشتغل بيه ويبدأ حياته من جديد وكملت بدموع يمكن يا مامي هو عمل معانا كل حاجه وحشه ومحدش فينا صعب عليه بس احنا مش زيه يا مامي احنا مش هنقبل عليه الذل والإهانة حتي لو كان هو أقسي اب في العالم
دانه احنا وقفنا معاكي يا مامي ونصرناكي عليه وقدرنا نوصله نفس الشعور اللي عيشنا فيه بس بعد ما كل ده حصل فيه بيتهيألي
كفايه يعني دينا سابته ومبقاش معاه ولا مليم خسر شغله وكل حاجه أتعاقب بما فيه الكفايه ومتهيألي اكبر عقاپ ليه اللي هو فيه الوقت
دارين حقك اللي خدتيه كان حقك وحتي نصيبه بردوا حقك محدش فينا يقدر يقول حاجه وانتي مش ظالمه بس المبلغ اللي هنبعته يادوب يعيشه او يخليه يبدأ بعيد عننا بس عشان منبقاش حاسين بالۏجع يا مامي او عشان منحسش في يوم اننا ظالمين يمكن هو خرج من حياتنا بس لاخر يوم في حياتنا هيفضل ابونا وصعب علينا نعرف انه وصل للحاله دي ونفضل مكملين في قساوه القلب زي ما هو عمل وزي ما كان لسه ناوي يعمل ويخطط
دانه مامي بيتهيألي احنا لو معملناش كده حضرتك لازم
تخافي مننا كنتي ديما تقولي ان مهما الاب والام يعملوا بيفضلوا اب وام لينا حتي لو الاب ده ظالم او كافر او اي حاجه وحشه مينفعش نعامله وحش احنا مش عايزين بينا اي تعامل ولا عايزينه في حياتنا بس عايزين واحنا عايشين حياتنا عادي منبقاش حاسين بتأنيب الضمير خليه ياخد مبلغ صغير ويخرج من حياتنا خالص بس نبقي مطمنين يا مامي انه عايش كويس ومش متبهدل
مسحت دره دموعها بضهر ايدها وبصت لكرم بۏجع بمعني اعمل ايه
كرم بأبتسامه اسمعي كلامهم يا دره ده ابوهم مهما كان واوعي تزعلي منهم انتي عندك بنات تاخد العقل واللي جواهم ده جزء من اللي انتي ربتيهم عليه مينفعش تكوني ربتيهم بالشكل ده واول ما يحبوا يطبقوا اللي انتي ربتيهم عليه تزعلي منهم انا عارف انك موجوعه بس صدقيني ده الصح
خرجت تنهيده طويله من دره بصت للسقف وفضلت ساكته ثواني وكلهم مستنين اقول اي حاجه 
بصتلهم وابتسمت بهدوء 
دره تأنيب الضمير والوجوع اللي جواكم ده ميختلفش عن اللي جوايا واللي حسيت بيه وقت ما عرفت من چاك مش عشانه بس عشان انا جربت نفس الاحساس جربت الخۏف والاحتياج والذل
اللي انا عملته ده حقي بس مش هننكر اني حسيت اني ظالمه وافتريت عليه اوي رغم انه يستاهل اكتر من كده
انا هعمل اللي انتوا عايزينه مش عشانه ولا هو فارق معايا الوضع اللي عايش فيه انا هعمل ده عشانكم انتوا عشان اللي ربيتكم عليه ميبقاش مجرد كلام وكملت بدموع هعمل ده عشان انا فخوره بيكم فوق مل تتخيلوا وققتوا في وشه عشاني وعملتوا فيه اللي فاجئني وانهارده بعد ما اطمنتوا ان حقي رجعلي قررتوا تقفوا معاه عشان مهانش عليكم تشوفوا مذلول وده لوحده يعرفني اني لما تعبت في تربيتكم ربنا وفقني بجد
وخلاني اطمن ان مهما يحصل مهما ازعلكم عمركم ما هتبيعوني او تقبلوا عليا اي حاجه
انا فخوره عشان انتوا عندكم احلي واجمل وانضف قلب في الدنيا وقلبكم الجميل ده خساره فيه
قامت من مكانها وراحت عليهم ضمتهم بكل قوتها
محدش كان عنده اي تعليق بس كلهم كانوا مبسوطين من البنات
مها لا بنقولكم ايه نفوق كده بقي خلاص مش ناقصين نكد احنا داخلين علي افراح كتير وعايزين نتبسط 
ابتسمت دره والبنات وقدروا يعدوا اخر موقف جات فيه سيرة يوسف
بصت دره بحب لكرم وقربت منه بهمس 
دره لو دخلت كل حروب الدنيا وقدرت انتصر هتفضل انت اعظم واهم انتصاراتي انت مفيش زيك يا كرم انا بجد بحبك وبنتمي لقلبك اللي مفيش قلب زيه في الدنيا 
كرم وانا بحبك يا احلي دره في الدنيا وصدقيني اللي حصل ده احسن عشانك وعشان البنات مش حابب حد فيكم يعيش في تأنيب ضمير البنات عرضوا اللي جواهم وانا وافقتهم عليه وشجعتهم بناتنا حلوين اوي يا دره لازم تكوني بجد فخوره بيهم 
دره فخوره بيهم وفخوره بيك انت اكتر ربنا يخليك لينا
كرم ويخليكم ليا يا بنت قلبي
وللحديث بقيه 
أبن ليل
صاحبة البطل الواحد
أميره اسامه
البارت السادس و الخمسين 
الروايه حصريه لمدونه ايام نيوز
الأيام كانت بتجري و الكل كان مشغول لأن التحضير لثلاث جوازات مش سهل خصوصا لو في وقت قصير 
بعد أخر قعده ليهم بيومين سافر عبدالله وبكر ومها ودعاء السفريه اللي دره أهدتهم بيها عشان يفصلوا يومين من الضغوط ومن كل حاجه ويعمل ا رحلة استرخاء مدتها اسبوع 
في خلال الأسبوع ده بدأت تحصل احداث كتير وحرفيا كرم كلن مسحول جاب صنايعيه في شقته اللي في بيت أبوه وجاب صنايعيه لحسن عشان هو كمان يبدأ يجهز 
اما شقته الخاصه مكانتش محتاجه اي شغل هي كانت عباره عن تحفه فنيه لكن قرر كرم يضيف لمسات فنيه زياده و قرر يغير الفرش اللي فيها بفرش أجدد علي ذوق دره كله سواء في شقته الخاصه او شقتة في بيت العيله 
وبعد ما حسن خد رأي سماح في كل حاجه تخص الشقه في نظامها اشتغل الصنايعيه علي طول
وبدأوا ينزلوا كل يوم يختاروا مع بعض كل ركن في شقتهم وطبعا علي حساب دره الخاص زي ما قالت 
اما دره فا هي كمان كانت مسحوله بين اختيارها للعفش في الشقتين بتوعها وبين نزولها مع سونه وسماح بعد ما تخلص مشاويرها مع حسن الكل كان تعبان و البنات مكانوش بيسيبوا سماح بيختاروا معاها كل حاجه وبيشتروا لنفسهم معاها زي ما طلبت منهم دره 
واخيرا اختار عمرو وسونه الشقه كانت في نفس الشارع عجبتهم اوي كانت ثلاث اوض وريسيبشن ومطبخ واتنين حمام وعرض عمرو الشقه للبيع وبدأوا هما كمان يشطبوا الشقه مكانتش محتاجه شغل كتير كانت بس محتاجه دهان بألوانات مناسبه يختاروها
سونه كل ما كانت تختار حاجه تسأل دره والبنات واوقات تلجأ لنبيله و نجوي كانت فرحانه اوي بأختيارها لكل ركن في البيت كأنها اول مره تتجوز 
وفرحتها كانت مقسومه اتنين فرحه خاصه بسماح اللي هتبقي عروسه اخيرا وفرحتها بنفسها والحياه الجديده اللي داخله عليها 
والحقيقه ان الايام اللي كانت بتقضيها مع عمرو في كل المشاوير اللي بيعملوها قربتها منه اوي وبدأت تحس بمشاعر جميله جواها 
الاسبوع متوقفش علي تجهيزات الجواز وبس خاصتا عند دره وكرم
لكن في عز ما كانوا مشغولين كانوا بيحاولوا يخلصوا اي حاجه ليها علاقه بهدايا دره ليهم 
واول حاجه كانوا بيجهزوها عشان تتم بعد رجوع عبدالله وبكر ومها ودعاء هو سفر ابوها وامها وابوه وامه للعمره وبالفعل بدأوا يخلصوا كل الاوراق المطلوبه و اختيار معاد الرحله 
ومع كل ده بدأ كرم يتفق مع ناس تيجي تجهز الارض بتاعت بكر كان وقت مناسب وهو مسافر عشان يقدر يتحرك ويروح ويجي من غير ما يحس وميبوظش لدره المفجأه بتاعتها ليه 
اما هيما وسونه خلصوا كل الاوراق المطلوبه للعربيات الجديده 
ومقدرتش دره تنسي اهم حاجه عشان تكمل فرحه بناتها وقررت انها تتواصل مع چاك عشان يسلم