ابن ليل اميره اسامه

هنقولوا لاي حد خالص ووقت ما تحب تتكلم معايا هتلاقيني عايزني نقابلك ونقعدوا نتكلموا كأننا بنتعرفوا من جديد هجيلك متحرمنيش من الفرصه دي يا كرم وصدقني لو مقدرتش هنبعدوا عنك ومش هنضايقك تاني ابدا قولت ايه يا كرم
بصلها كرم وبعدين رفع راسه للسماء وهو بيخرج نفس طويل كله ۏجع وهم وخنقه وحزن
كرم مش عايز نوعدك بحاجه ممكن منقدرش عليها يا سونه ولا عايز نقل في نظرك

سونه أوعدني ولو مقدرتش صدقني مش هنزعلوا و هتفضل في عيني سيد الرجاله
ابتسم كرم بحزن
كرم طيب يلا عشان اوصلك الوقت اتأخر بنتك زمانها قلقانه عليكي
سونه بابتسامه من بين دموعها يعني وافقت يا كرم
كرم يلا يا سونه دمااااغنا
ضحكت سونه بحب لكرم وهو أبتسملها وراح معاها علي عربيته ورجعوا 
خبطت دره علي باب شقه نبيله فتحتلها دعاء 
دره مساء الخير يا دعاء
دعاء بإستغراب مساء الفل انتي كويسه
دره اه يا حييبتي بخير امال فين البنات
دعاء طلعوا من شويه وقالوا عايزين يرتاحوا تعالي ادخلي
دره لا خليني اطلع انا مش قادره
نبيله مين يا دعاء
دعاء دي دره يا بلبله
نبيله وبصت في عينها
نبيله انتي معيطه
دره حاولت تمسك نفسها وابتسمت لا يا امي انا بخير بس مرهقه شويه كان في شغل كتير
دعاء انتي مش قولتي هتتأخري
دره ما انا فعلا اتأخرت بس كنت فاكره اني هنتأخر اكتر من كده عشان كده اتصلت بيكي  
نبيله طيب ادخلي واقفه ليه علي الباب مش هتتعشي
دره بلعت ريقها بصعوبه كانت حابسه دموعها وحاسه ان في غصه في حلقها
لا يا حبيبتي انا شبعانه الحمد لله بس محتاجه انام وارتاح يلا تصبحوا علي خير
دعاء وانتي من اهله
قفلت دعاء الباب وراها وبصت لنبيله
نبيله البت دي معيطه
دعاء ولا معيطه ولا حاجه يا بلبله هي بس تعبانه من الشغل
نبيله وانا بنقولك بنتي معيطه مش هنتوه عن دره يا دعاء
دعاء هيكون فيها ايه بس عموما متشغليش روحك نسبوها ترتاح وانا بكره هعدي عليها قبل ما تنزل الشغل ونشوفها فيها ايه
نبيله ماشي يا دعاء
دخلت نبيله و سابت دهاء واقفه جنب الباب تكلم نفسها
دعاء فيكي ايه يا دره مين اللي معيطك بالشكل ده 
وصل كرم قبل ما يدخل علي أول الشارع ركن وبص لسونه
كرم سونه يلا انزلي وانا هنستني شويه لحد ما تدخلي الشارع عشان محدش يشوفك معايا
سونه وفيها ايه يعني لا هي اول مره حد يشوفني معاك
كرم اكيد لا بس محدش متعود يشوفك في عربيتي يا سونه وانا مش عايز حد يلسن عليكي ولا انا ليا دماغ لأي عاركه
ابتسمت سونه بحب 
سونه ماشي يا كرم هننزلوا مش عايز حاجه
كرم بابتسامه لا يا ستي شكرا
سونه طيب مش هتيجي نعزموك علي فنجان قهوه
كرم عدي ليليتك يا سونه 
ضحكت سونه وعينها لمعت من الفرحه
سونه عديتها يا سيد الرجاله تصبح علي خير
كرم وانتي من اهل الخير 
نزلت سونه وهي حاسه انها طايره من علي الارض والفرحه مش سيعاها يمكن كرم كالعاده لا طمن قلبها ولا قطع علي نفسه وعد يربطهم ببعض لكن لاول مره تحس انه بيسمعها بجد ومضايق عشانها بجد وكمان مرفضش طلبها
سند كرم راسه علي الكرسي وغمض عينه بحزن خرجت منه تنهيده كلها ۏجع
وثواني و دور العربيه ودخل علي الشارع بتاعه ركن عربيته وطلع علي شقته علي طول 
اما عند دره اول ما طلعت سابت شنطتها ودخلت تبص علي البنات 
كانت دارين نايمه ودانه كمان وديما بتروح خلاص في النوم
غطتهم دره بهدوء
ديما مامي حضرتك لسه جايه
دره ايوه يا روحي انتي واخواتك كويسين
ديما الحمد لله 
دره طيب يلا نامي عشان النوم ميروحش من عينك
ديما تصبحي علي خير يا مامي
دره وانتي من اهل الخير يا روحي باستها دره من راسها وخرجت وقفلت وراها الباب
دخلت دره خدت غيار من اوضتها وبعد كده دخلت تاخد دش عشان تفوق
وقفت دره تحت الدش غمضت عينها ودموعها كانت بتجري بۏجع
وفضل يمر قدام عينها شريط اسود 
كلام كرم ليها وكلام سونه مشاكلها مع نبيله وعبدالله والكل من وقت ما وصلت تهم وكلام يوجع بتحاول تعديها بضحك وهزار وسكوت لكن هي تعبانه بجد كل حاجه حصلت من يوسف ودينا بتمر قدامها قعدت
دره في البانيو وفضلت ټعيط بإنهيار وتحاول تكتم في صوتها عشان البنات ميسمعوهاش
ونفس الوضع كان عند كرم إحساسه بالخنقه كان بيكتم نفسه مش حاسس انه مرتاح كان عامل زي التايه اللي مش عارف يرسي علي بر كلام عبدالله ونبيله مش راضي يخرج من عقله مش عارف يسامح ولا يقسي مش عارف هو صح ولا غلط هو اتظلم من دره زي ما اتظلم من الكل ولا دره مكانش ليها ذنب غير انها مواجهتهوش مش عارف يزعل علي ۏجعها اللي حسه من كلامها مع سونه ولا يجي عليها اكتر مش قادر ينسي ليه رغم خۏفها منه مش قادر ينسي نبرة صوتها وهي بټعيط زي ما شافها في الحلم بنفس المنظر كان تعبان اوي وحاسس انه بيتخنق واللي زود خنقته ۏجع سونه اللي هو كمان ملهوش ذنب فيه بس مقدرش ينكر انه اتوجع عشانها هي كمان قام من مكانه وراح بص علي شباك دره كان النور مقفول والدنيا هاديه فضل كرم واقف اكتر من ساعه عينه علي بلكونتها ومش بيتحرك 
في صباح يوم جديد صحيت دره قبل البنات بأكتر من ساعه وقررت انها تحاول علي قد ما تقدر انها تنزل قبل معاد شغلها عشان كرم ما يكونش لسه فتح وترجع متأخر عشان يكون قفل وتحاول متحتكش بيه ولا بأي حد حتي لو بنظره عشان ترتاح وتريحهم كلهم
صحيت دارين من النوم هي والبنات
دارين صباح الخير يا بنات
دانه صباح النور هي مامي لسه مصحيتش
دارين لا مامي مش موجوده اصلا انا صحيت لقتها محضره الفطار علي السفره وكاتبه ورقه انها نزلت كلمتها قالت عندها شغل كتير
دانه هي لحقت دي جات متأخره
ديما مكانتش متأخره اوي انا شوفتها بليل لما وصلت اطمنت علينا ودخلت تنام
دارين انتوا معندكوش محاضرات انهارده صح
دانه لا مفيش انتي هتنزلي
دارين ايوه عندي محاضرتين مهمين
ديما هتروحي مع السواق ولا حسن رايح معاكي
دارين لا حسن مش رايح هروح مع السواق
ديما طيب يلا نفطر عشان متتأخريش
دارين اوك يلا 
نزلت دارين علي تحت وقبل ما تركب سلمت علي جدها وعبدالله وحسن
عبدالله هتعرفي تروحي لوحدك ولا نبعتوا حسن معاكي لحد ما تخلصي
دارين لا يا خالوا متقلقش هعرف اكيد
زكريا طيب خلي بالك من نفسك وانا هقول للسواق ميمشيش ويفضل مستني بره
دارين لا حرام انا هتأخر عندي محاضرتين طوال وفي ساعه وسطهم خليه يمشي ويجي قبل ما اخلص
عبدالله لو احتاجتي حاجه كلمينا
دارين بابتسامه حاضر يا خالو
حسن انا موجود هاا لو عوزتيني هنجيلك هوا
دارين شكرا يا ابو علي يلا باي
بصت دارين بطرف عينها علي هيما كان واقف مع الصنايعيه في المحل وعينه رايحه جايه عليها
دارين 
اما عند كرم فا عينه كانت علي المدخل مستني نزول دره لكن اول ما ركبت دارين
ومشيت عرف انها لسه منزلتش
اليوم كان بيمشي ببطئ فظيع علي كرم طول اليوم حاسس انه ڠصب عنه مهما يحاول يشغل نفسه عقله يرجعه للتفكير فيها كان عايز يعرف هي فين منزلتش ليه ولو نزلت ليه نزلت بدري كان مزاجه مش رايق رفع عينه علي بلكونه سونه لقاها واقفه وباصه عليه
اتنهد تنهيده طويله وبعد عينه وكمل شغله 
اليوم خلص ودره مرجعتش وهو مشفهاش فكر للحظه انها منزلتش اصلا قفل المحل وطلع 
رجعت دره بعد ما قفوا المحلات وطلعت علي فوق اتعشت معاهم كانت بتحاول تبان طبيعيه عشان محدش يلاحظ حاجه وبعدها طلعت علي شقتها
طلعت معاها دعاء عشان تعرف فيها ايه لكن مطلعتش منها بأي حاجه وقدرت دره تقنعها انها مرهقه من الشغل
ديما مامي في هدوم بتاعتي مش موجوده
دره ايوه يا ديما غسلتها بس لسه عايزه تتنشر الوقت اقوم انشرها حاضر
ديما طيب متنسيش عشان في حاجه محتاجاها من اللبس
دره حاضر يا ديما
دعاء خليكي مرتاحه انا هقوم انشر
دره متتعبيش نفسك با دودو انا هنشر الوقت
دعاء تعب ايه ما انا قاعده طول النهار خليكي قامت دعاء عشان تنشر
ومقدرتش دره تعترض هي في الاساس ارتاحت عشان متشوفش كرم خالص
خدت دعاء الغسيل وفتحت البلكونه كرم كان واقف قدام الشباك وهو مقفول وعينه علي البلكونه اول ما النور اتفتح ابتسم واول ما لمح دعاء رجعت ابتسامته اختفت عدي يومين ملمحهاش لا عارف هي كويسه ولا تعبانه ولا بتهرب ولا فيها ايه كان مضايق ومضايق اكتر لانه شاغل نفسه بيها بعد كرم عن الشباك وقرر انه ميفكرش فيها
كرم پغضب وانا
مالي تعبانه ولا مختفيه ولا بتهرب ولا زعلانه انا بفكر فيها ليه اصلا هي ولا تهمني في اي حاجه
خرج فتح التلفزيون وجاب فيلم حاول يركز فيه ويشغل نفسه لكن من غير ما يحس سرح وعقله رجع لنقطه الصفر
في صباح يوم جديد كالعاده نزلت دره بدري وطول اليوم الكل كان مشغول في تعليق الانوار عشان أفتتاح محل هيما 
البنات كانوا مبسوطين اول مره يشوفوا حاجه زي دي وكانت جديده عليهم تماما 
بصوا من البلكونه عند نبيله لمحوا احمد ومحمد واقفين بصولهم وضحكوا
دانه 
ديما حركت شفايفها هاي
احمد هاي
بصت دارين علي هيما 
هيما غمز لدارين 
دارين بصتله بقرف
هيما رفع حاجبه ورفع السکينه قدامها
طول اليوم كان الدي چي شغال والدنيا زحمه ورفاعي دبح عجل بايده في وسط الشارع
في المساء رجعت دره علي الساعه 12 ونص لما عرفت من بناتها ان افتتاح المخل بتاع هيما فضلت تشتغل عشان مترجعش بدري 
ولما رجعت كان قفلوا المحلات والدنيا هاديه كانت جايبه معاها حجات للبنات وحجات للبيت اتصلت عليهم
دره دارين انتوا تحت عند بلبله ولا فوق
دارين احنا تحت يا مامي في حاجه
دره جايبه حجات كتير وعيزاكم تاخدوا مني حسن عندكم
دارين لا حسن فوق نايم احنا هننزلك
دره اوك يلا انا هقفلكم اهو
قفلت معاهم دره ودخلت الشنط في المدخل وركنت العربيه البنات نزلوا بقوا يا خدوا الشنط ويطلعوها علي اول دور عند نبيله وينزلوا تاني
دخلت دره وقفت في المدخل مسكت موبايلها لحد ما البنات ينزلوا تاني ياخدوا اخر كام شنطه
وفجأه
وللحديث بقيه 
أبن ليل
صاحبة البطل الواحد
أميره اسامه
البارت الثامن عشر 
قبل كام ساعه من رجوع دره الأفتتاح كان مكسر الدنيا وبمناسبه الأفتتاح كانوا عاملين عروض علي كل أنواع اللحوم المحل عند زكريا كان شبه فاضي 
كرم و رفاعي والشباب مكانوش محتاجين توصيه عشان يغيظوا عبدالله وزكريا 
رفاعي ولا يا منكش
منكش أيووووه جاي عنيا يا سيد المعلمين يا مولعها
رفاعي نزل دور ساقع تاني مش عايز حد في بحري مياخدش واجبه
منكش اطمن يا حاج الكل شرب وبزياده
رفاعي وماله يا ولا يشربوا تاني
منكش بيتك هيتخرب يا معلم
رفاعي ياولا بطل طولت لسان وخليك في حالك 
منكش الحق عليا خاېف علي فلوسك هو الواحد كده ميعملش معاكم معروف ابدا
بكر انت يا ولا مسحوب من لسانك ليه اعمل اللي المعلم قالك عليه ولا اروح اقول للمعلم صبري انك بطفش الشغل 
منكش اعوذ بالله علي طول يا معلم بكر قارش ملحتي انا غلطان ان خاېف علي فلوسكم اصلك انت مش فاهم
بكر وهو بيضحك
بكر فهمني يا ابو العوريف
منكش الخلق هنا في الشارع معفنين ده الواحد فيهم بياخد بدل المره تلاته اسمع مني لمحت عبدو الحلاق ثلاث مرات بياخد ساقع ماهو ابو بلاش