قصة هروب اضطرارى كامله ممتعة جدا جدا

وافتكر صريخها وعياطها وحركه جسمها.... فاغمض عينه لثوانى ورجع فتحها وهو بيبص لطريق پغضب وبيسأل نفسه انا ليه مدايق.... انا خلاص عطتهم اللى بيستحقوه..... ومغيش حد فيهم يفرق معايا..... وهى واحدة كدابه وفى الاول وفى الاخر هتطلب الطلاق..... بس ليه صورتها مش بتطلع من بالى.... ليه بدايق لما بشوفها خاېفه
او بټعيط.
حاول يتحكم فى غضبه ويطرد الافكار دى من دماغه وركز فى الطريق. 
..واخيرا اتجمعت العيله و بنات قاعدين حوالين والدهم وفى عيونهم دموع الفرحة عشانه ولكن فردوس كانت قاعدة بتبصلهم بشك وقلبها مش مطمن لدموعهم ولكن حاولت تتخطى قلقها.

وبعد فترة سألت فردوس بنتها منذر عملك حاجة يالمار
بصت لمار لأخواتها بحزن ورجعت بصت لوالدتها وقالت بهدوء لا ياماما.
سالتها فردوس بشك امال هو اخدك ليه فى نصاص اليالى.
اتوترت لمار ولكن ردت بهدوء ك... كان عايزنى ابات فى بيتى مش اكتر.
ردت فردوس پغضب مفيش حاجة اسمها بيتى...... انتى بيتك بيت ابوكى وبس وهو ملهوش الحق ياخدك من غير علمنا.
ردت صبا بعدوء اهدى ياماما...... دة جوزها على سنه الله ورسوله.... وبعدين ماهى قاعدة قدامك وزى الفل.... فامش مستهلة العصبية دى بقا.
بصتلها فردوس وقالت بغيظ اسكتى انتى ومتخلنيش اتكلم.
سكتت صبا بقله حيله وبصت لاخواتها لقتهم بيبصو لبعض بتوتر فاشكت فى امرهم ولكن ردت لمار بهدوء عكس الخۏف اللى جواها متقلقيش عليا ياماما.... انا كويسة والله.
نفخت فردوس وبصتلها بعدم تصديق وبعدين بصت لتارا اللى كانت قاعدة تهز رجليها بتوتر وبتفكر فى الورقه العرفى اللى مضت عليها وبتفتكر اللى حصلهم فى المخزن وان اختها وحبيبها كانو ھيموتو بسببها ولكن والدتها قطعت شرودها لما سالتها وانتى ياست تارا...... قولتيلى رايحة مشوار واختفيتى وجيالى اخر الليل..... كنتى فين بقا حضرتك
بصت تارا لوالدتها وقالت بهدوء روحت اعرف لمار ان بابا فاق من الغيبوبة.
سالت فردوس لشك ياسلااام..... طب واتأخرتو كدة ليه
اتعصبت تارا من اسئله والدتها المستمرة وانها مش عارفه تكدب وتقول ايه تانى فاقالت پغضب ماما كفايه أسئلة بقا ومضيعيش فرحتنا بقومه بابا بالسلامة...... وبعدين احنا قدامك اهو صاغ سليم........ فاليه الاسئله دى كلها.
ردت فردوس پغضب انتى هتتعصبى عليا ولا ايه..... بقا دى اخرتها انى عايزة اطمن عليكو.
ردت لمار بتوتر هى متقصدش ياماما..... واحنا كويسين والله فامتقلفيش علينا.
زعقت ولا فردوس وقالت انا اصلا مبقتش مستحمله حاجة تانى...... يلاا..... اطلعو من الاوضه وسيبونى مع ابوكو.... مش عايزة صوتنا يعلى اكتر من كدة ونقلقوه.
البنات بصو لبعض وبعدين طلعو من الاوضه بهدوء.
ونزلو قعدو فى الجنينه وبيبصو قدامهم فى الا شيئ لحد ماصبا قطعت سكوتهم بسؤالها لو عرفتو تكدبو على ماما..... فامش هتعرفو تكدبو عليا.... انا عايزة اعرف ايه اللى حصل.
بصتلها لمار وبدأت تحكى بعياط اللى حصل معاهم وكانت صبا مع كل كلمه بتبصلهم پصدمة لحد ماخلصو كلام فاقالت صبا بتفاجئ ايه الهبل دة..... انتو ازاى سكتو
ردت تارا بعياط كنا هنعمل ايه يعنى..... الاتنين كانو مربوطين والزفت منذر كان ماسكنى ومعرفتش اتحرك.
ردت لمار بعياط الكلاب كانت سعرانه والله العظيم انا كنت ھموت فيها.
ردت تارا بعياط المشكلة ان الورقه العرفى معاه ومتأكدة انو هيبتذنى بيها.
ردت لمار بعياط لا وكمان عايز يخلى العرفى رسمى بعد 40 يوم.
ردت صبا بتفاجى اهدو طيب.... اصلا دة اټجنن على الاخر.
ردت لمار اساسا هطلق منه.
ردت تارا وبرضه لازم نلاقى الورقه دى فى اسرع وقت.
فكرت صبا للحظة وبصت للمار وقالت بس عشان نلاقى الورقه يبقا لازم لمار تفضل على زمته ومتطلقش.
ردت لمار بتفاجى وايه علاقه دة بدة.
قالت صبا عشان انتى لازم ترجعى على بيته وتلاقى الورقه دى وتحرقيها وتخلصى اختك من المشكلة اللى اتحطت فيها وبعدين تطلقى منه.
زعقت لمار وقالت انتى بتهزرى ياصبا..... انتى عيزانى اروحله برجليا.... افرض موتنى ولا عمل فيا حاجة وبعدين هو كل مرة انا اللى اتحط فى وش المدفع ولا ايه.
ردت تارا بضعف خلاص يالمار اهدى وخلينا نفكر فى طريقه تانيه غير دى.
ردت صبا لا مفيش غير دى...... اصلا هو مش سهل عشان تاخدى منه حاجة من وراه لكن لمار مش هيشك فيها.
ردت لمار بعصبيه ياسلاااام وميشكش ليه بقا...... اذا كان انا اتجوزته عشان اختى فاطبيعى بذكائه هيعرف انى جايا عشان الورقه بتاعه اختى برضه.
ردت صبا بنفاذ صبر يالمار افهمى.
زعقت لمار وقالت لا انتى اللى اسكتى بأفكار السودة دى واساسا كل اللى احنا فيه دة بسبب فكرتك الغبيه.
زعقت صبا وقالت والله.... ليه كنت انا اللى قولت لتارا تهرب وتدبسنا فى المصېبة دى.
ردت لمار بعصبيه لا انتى فكرتى فى الاسوء من كدة وخلتينى اتجوز واحد معندهوش قلب.
وقبل ماترد صبا زعقت تارا وقالت بس بقاااااا.... بطلو خناق.... هو دة وقته.
ردت لمار انتى مش شايفه افكارها السودة ياتارا.
ردت صبا بعصبيه انتى اللى مخك مقفول.
زعقت تارا يارب تسكتوو بقاااااا هتفضحونا.
.......................................
نصيبى وقسمتى 
البارت 17
اتكلم منذر وقال دى ورقه جوازك العرفى من تارا.
اتفاجئ عدى وقالنعم!!!...... ايه التهريج دة!!
اتحرك منذر من قدامه وفتح دولابه وطلع تيشرت وبنطلون بيتى وحطهم على السرير وعدى كان بيبصله بتفاجئ وقرب منه وقال پصدمه ماتفهمنى ايه اللى حصل ... وازاى تعمل كدة اصلا
بصله منذر بهدوء وقاله بثبات وانت من امتى بتحاسبنى ياعدى
ضغط عدى بايده على شعره وقال لاخوه انا لحد الان مش
مصدق...... وحاسس انك بتهزر.
رد منذر بثباات لاصدق..... هى مراتك لمدة 40 يوم وبعد كدة لو حابب تخلى العرفى رسمى مفيش مشكلة او لو عايز تطلقها برضه مش مشكلة.
اتفاجئ عدى وقاله بسخريه يارااااجل..... امال فين بقا المشكله
بصله منذر ورد بتحذير المشكلة انك متتقبلش الواقع.
نفخ عدى بنفاذ صبر وقاله ازاى هتجوز واحدة كانت هتبقا مرات اخويا..... لا وكمان جواز عرفى..... وهى ازاى وافقت على حاجة زى كدة
رد منذر بثبات عدى... انا حكتلك اللى حصل دة حصل ازى........ فابطل تتكلم بتفاجئ زى المسلسلات الهندى.... وبعدين انا كل اللى طالبه منك تمضى على الورقه وتخليها معاك.
سكت عدى للحظة ورد پغضب بس انا لاول مرة هعترض على قرارك لانى مش هقدر احط نفسى فى مصېبة كبيرة زى دى.
سكت منذر وضيق عينه وبص لاخوه وسأله بثبات والسبب
رد عدى بانفعال عشان مش عارف انت غرضك ايه من كل دة او هتستفاد ايه
ابتسم وقال بأستهزاء ولما تعرف غرضى... هتمضى
حرك عدى ايده على وشه بعصبيه وقاله بأنفعال انا عارف انك عايز تاخد حقك وتلعب باعصابها وتبتذها..... بس مش على حسابى يامنذر.
قرب منه منذر وبصله پغضب وقال تمام ياعدى.... بس خليك فاكر وعدك ليا وانك هتفضل فى ضهرى...... ودلوقتى مطلعتش قد وعدك..... ومع ذالك مش هضغط عليك.... بس يكون فى علمك..... بيك او منغير الورقه دى مش هتتقطع وبرضه هعمل اللى انا عايزة.
رد عدى مش دة اللى اتفقنا عليه يامنذر و...
قاطعته منذر بزعيق خلااااااص.... خلص الكلام.
بصو لبعض للحظات وبعدين اخد منذر هدومه ودخل الحمام وفضل عدى واقف بيبص فى انحاء الاوضه بتوتر وبعدين طلع من الاوضه بعصبيه. 
وقف مروان قدام والدته وقالها بعصبيه انا مش فاهم انتى بتعملى معايا كدة ليه.
ردت ولدته بدافع