رواية مهمه صعبه شيقة جدا وممتعة للغاية

متخيلة اني ممكن اسامحك علي اللي عملتيه لاي سبب. حتي لو حبك المچنون الغبي ده! انسي انتي تبعدي عن طريقي وتنسيني وانسي اسمي. واقسم بالله لو فكرتي تقربي مني ولا من تمارا تاني لھقتلك وماهيهمني حد لا ابوكي ولا حتي ابويا ده. هيرحمك مني. ابعدي عني.

شهاب زقها بقوة وخرج . وهي فضلت تصرخ پجنون.

هنا وعدي وصلوا وحاولوا يمنعوها .

مايا بهيستيريه وجنون شهاب ... شهاب مشي يا مامي ... ششهاب مشي يا طنط همس ..

همس بدموع حبيبتي اهدي مش كدة. ده نصيب ارض بيه بقي .

مايا بتتكلم بشئ من الاوعي والجنون ... ااانا جهزت كل حاجة ووووجبت الدبل . ببصي اهي دبلة شهاب عععليها اسمه. ببص يا اونكل رعد . ااانا جبت الدبلة . هههو قالي هيخطبني ... هههو قالي هنتجوز. لللييه مشي لليه.

هنا پقهرة وبكاء كفاية يا بنتي كفاية ارميه ورا ظهرك بقي انتي اټدمرتي بسببه.

مايا بدأت تصرخ بهستيرية وصدمة لا لا هو راجع شششهاب راجع .. هههو راجع وهنتجوز . لازم نتجوز. لبييييه يعمل فيا كدة بعد كل اللي عملته علشانه ليييه بس ... انا بحبه والله بحبه ... وجريت علي رعد تترجاه.

ارجوم يا اونكل خليه يرجع هو بيسمع كلامك. وحياتي لو بتحبني . مممش انا زي بنتك انت دايما تقولي كدة. رجعهولي علشان خاطري ...

رعد بحزن طبطب عليها حبيبتي اهدي . هو خلاص اتجوز. ان شاء الله هتتجوزي اللي احسن منه. بس اهدي.

مايا فضلت تصرخ وتصرخ . لا لا لا لا مش هتجوز غيره . مش هتجوز غيره.... ااانا عايزة شهاب رجعولي شههاب .... رجعولي شههاب حرام عليكم حراااام.

ووقعت مايا وفقدت وعيها والكل جري عاليها ورعد شالها .

عدي قرب منها وهو بيبكي ابنك قضي علي بنتي يارعد. بنتي ضاعت من ايدي خلاص.

هنا بدموع مايا ... ردي عليا مالك حبيبتي ردي.

همس حد يتصل بالمستشفي بسرعة البت بتروح مننا.

رعد بعصبية لعدي انت هتقعد تولول زي الحريم. ماتتصل بالمستشفي بسرعة . خليهم يبعتوا عربية بسرعة .....

يتبع 

شهاب خرج من القصر وهو زي المچنون مش عارف يعمل ايه يستوعب اللي حصل ازاي !

وتمارا ! هيواجها ازاي !

هو كل تفكيره انها عملت كدة فعلا . بس حبته واللي حصل كان غلطة. لكن دلوقتي اتأكد انها ما عملتش اي حاجة وهو عمل فيها كل ده.

وبالرغم من اللي عمله ده الا ان حبها وضعفها غلبها وخلاها تضعف معاه وتسمحله يقرب منها.

شهاب واقف في المكان المعتاد بتاعه بيفكر هيرجع يقولها ايه! وهل يقول ولا يسكت ويقربها منه ويفضل ماشي علي نفس الطريق بهدوء لحد ما تنسي ويعترفلها انه حبها بجد وكل شئ يتنسي. فضل يفكر لحد ما جاله فون من مؤمن. شهاب بضيق اصلا فونه بيرن كتيير وهو مش عايز يرد ومؤمن اتصل كتيير كمان رد بتعب.

شهاب ايوة يا مؤمن.

مؤمن ازيك يا بوب وحشني والله . ايه اخبار الجواز معاك واخبار مراسي ايه الجو حلو وبحر جنان انا عارف .

شهاب اتنهد وابتسم بسخرية اه يا خويا الجو جنان والبحر كمان. بالله عليك اتلهي وسبني في حالي وخاليك في العسل اللي انت غرقان فيه.

مؤمن عقد حاجبة مالك يا بوب صوتك مش عاجبني في ايه!

شهاب مؤمن لو بتتصل تطمن عليا انا كويس غير كدة الله يكرمك اقفل انا مش طايق اكلم حد.

مؤمن امممممم. علشان كدة مش بترد علي فونك. والناس مش عارفة توصلك.

شهاب بإستغراب ناس مين

مؤمن عارف محمد زميلنا.

شهاب محمد مين ماهم كتيير.

مؤمن محمد حمدي يا شهاب صاحب خالد الله يرحمه.

شهاب افتكره وبضيق الله يرحمه ماله محمد طيب !

مؤمن انصاب في عملية وحاليا في المستشفي وطالب يشوفك ضروري وكل زمايلنا والمستشفي بتتصل بيك وانت مش بترد العيال كلموني فاكرينك معايا بتقضي شهر العسل. قولتلهم انك في مراسي .

شهاب بتفكير وهو عايزني ليه وبيلح بالشكل ده.

مؤمن يا ابني الواد بېموت يمكن عايز يوصيك علي اهله ولا حاجة روحله يا شهاب والله لو كنت في مصر كنت روحتله انا . انا هبعتلك عنوان المستشفي وماتتاخرش عليه. اصله كمان راح مستشفي خاص مش تبع الداخلية حالته كانت صعب يمكن محتاج فلوس.

شهاب اتنهد بتفهم حاضر هاروح دلوقتي سلام.

مؤمن استني بس . مش ناوي تغير رئيك وتيجي انت وتمارا تقضوا معانا كام يوم. تركيا مع المدام ليها طعم مختلف. سبحان الله يا اخي الحلال طعمه حلو . ههههههههههه

شهاب ضحك ڠصب عنه اتكلم عن نفسك يا شمال انا طول عمري حلال هو انا زيك. قول يارب يمكن اجبها واجيلكم. يالا سلام بقي.

شهاب قفل مع مؤمن وراح المستشفي وسأل عن محمد و ډخله اوضته ومعاه الدكتور بتاعه.

محمد نايم ووضعه صعب وحالته حرجة .

الدكتور بصراحة هو حالته ما تسمحش بأي كلام ولا اي مجهود. بس هو من وقت ما وصل وبيسأل عنك ومصمم يشوفك. وبصراحة هو ممكن ربنا مايكتبلوش الشفاء. فعلشان كدة سمحتلك تدخله .

شهاب بص لمحمد بشفقة كلنا اخرتنا كدة يا دكتور . ده نصيبنا وواجبنا مافيش مفر منه.

الدكتور ربنا يقويكم انتم ابطال. احممم معلش بس محمد ماحدش من اهله جاله وحساب المستشفي ماحدش دفعه.

شهاب هز راسه بتفهم حاضر وانا خارج هعدي علي الحسابات ماتقلقش.

الدكتور ابتسم وبدا يصحي محمد بهدوء محمد..... محمد.... شهاب زميلك اهو جالك .

محمد بيفتح عنيه ببطئ وتعب وبص لشهاب . شهاب ابتسم وقرب منه وقعد جنبه ومسك ايده.

شهاب ايه يا بطل سلامتك. شد حيلك كدة وقوم بسرعة احنا محتاجينلك.

محمد ابتسم بإرهاق انا خلاص شكلي بموووت ياشهاب.

شهاب بلع ريقه بحزن بيدايره لا يا بطل ماتقولش كدة. ان شاء الله هتبقي زي الفل ماتقلقش.

محمد سيبك مني دلوقتي انا عايز اقولك حاجة مهمة اخلص بيها ضميري قبل ما اموت. مع اني كنت حالف ما اتكلمش. بس لما شوفت المۏت بيقرب مني قولت لازم اقولك.

شهاب بترقب تقولي ايه مش فاهم

الدكتور براحة يا محمد انت تعبان ماتجهدش نفسك.

محمد هز راسه .

الدكتور طيب انا هسيبكم لوحدكم ولو حصل حاجة بلغني من فضلك .

شهاب حاضر اتفضل.

شهاب في ايه يا محمد فهمني.

محمد بتعب فاكر يوم العملية اللي ماټ فيها خالد وملك.

شهاب غمض عنيه پألم هو يوم مجبر يتألم فيه ايوة ماله اليوم ده!

محمد خالد وهو بېموت قالك ان اللواء مهاب هو اللي طلب منه ېقتل ملك. بس ده مش حقيقي.

شهاب عقد حاجبة ازاي وضح.

محمد خالد اصلا ماكنش عايز ېقتل ملك. كان عايز يقتلك انت.

شهاب بعصبية صدمتي ماقلتش كتير. انا او ملك ليه يعمل كدة.

محمد خالد من زمان بيكرهك حاسي انك محظوظ عيلتك وابوك وفلوسك . كمان كل الجهاز بيحبك. بتاخد العمليات الصعبة واللي طبعا فيها فلوس كتيير. وهو شايف انك مش محتاج كفاية ابوك وفلوسه. كمان قربك من اللواء مهاب وحبه ليك ودايما معاه ومقربك منه. محمد تعب من الكلام ونهج .

شهاب براحة لو مش قادر تتكلم كفاية .

محمد بتصميم اخد نفسه وكمل كل ده كان جواه ليه