رواية مهمه صعبه شيقة جدا وممتعة للغاية

قرب اكتر من عنيها وبحب وانا مش عايز كل دول . انا عايز واحدة بس هي دي اللي بتمناها.

چنا قلبها بيدق بحزن وفرح مش قادرة تحدد هو يقصد مين هي ولا ريما وياتري هي مين دي!

مروان غمزها تؤتؤ مش دلوقتي هقولك بعدين . يالا بينا . ومدلها ايده.

چنا ابتسمت يالا بينا . ومسكت ايده وهو ص

ضمھا لإيده بحنان ونزلوا تحت.

لما نزلوا علي البحر كانت المزيكا شغالة والناس كلها بترقص وتغني.

مروان غمزها تحبي ترقصي!

چنا بخجل لا انكسف بصراحة من الناس دي كلها.

مروان شدها لحضنه علشان ترقص معاه تؤتؤ. وانتي معايا ما تفكريش في حد. خاليكي معايا انا وبس .

چنا ابتسمت وبصتله براحة وبدأت تسيب نفسها ليه وللمزيكا وترقص معاه.

المزيكا كانت صاخبة وقوية والاغنية جميلة خلت چنا تندمج معاها وترقص بحرية وتغنيها كمان وهي بتبص لمروان واكنها اتعملت ليها هي علشان تقوله اللي في قلبها ومخبياه. وفعلا كانت اكنها بتكلمه هو مش بتغني مع الاغنيه.

لو اقولك اليسا

لو اوقولك في واحدة معاك رهن اشارتك مستانياك تقولها علي اللي بيك تلاقي روحها في ايديك. تبقي انت الوحيد اللي خد قلبها .

مروان كان بيسمع الاغنيه منها هي وهي بتتحرك معاه وفي حضنه. وابتسم بسعادته .

لو اقولك عشان حبها مايهمهاش الناس كلها. بتحبك انت بضمير. مع ان غيرك كتيير. يتمنوا نظرة يادوب منها.

چنا كانت بتغني وهي باصة في عنيه واكنها بتقوله انت ايوة انت اللي حبيتك من وسط كل الدنيا دي. وياريت تفهم ان انا ايوة انا .

مييين بقي اللي انا عنها حكيييت . ماتقولي يالا يارييت. انا هموووت انا . ناقص اقولك انااااا.

مروان بصلها بحنان وابتسم ولفلها وهي بترقص . تضحك بس افتكرت كل اللي ممكن يعرف حبها ليه واللوم والعتاب اللي هتتلامه. بس هي مش هاممها كل ده. هي عايزاه هو وبس عايزه تسعده هو ويكون مبسوط في حضنها.

لو اقولك لاموها عليك. وبردوا ليه معاك عايشة لييك. مش راضي تفهمني ليه اقولك انا تاني ايه. يعني اسيبك علشان الاقيك .

لو اقولك مابتدوقش نوووم. تتمني فيك يوم بعد يوم. في حد يرضي بكدة يحبك الحب ده وانت ولا حاجة بانت عليك .

چنا غمضت عنيها بحيرة وهي بتغني مع الاغنيه واتنهدت .

مين بقي اللي انا عنها حكييت ماتقولي يالا ياريييت . ده انا همووت انا ناقص اقولك اناااا انا.

مروان ضمھا لحضنه بحب وحنان. وهمس في ودنها. عارف . عارف ان انتي وحاسس بيكي.

چنا رفعت راسها بدهشة وبصتله پصدمة مش مصدقة ااااانت بتقول ايه!

مروان ابتسم وهو بيلعب في خصلات شعرها الاسود الحريري ايوة عارف انك بتحبيني . وانا كمان بحبك يا چنا بحبك .

چنا دموعها نزلت بفرحة ممروان ااانت بتقول ايه. اااانت ببتتكلم جد.

مروان ضم ايديها لحضنه وباسها اه يا حوريتي الجميلة بتكلم جد. انا حاولت كتيير اكدب نفسي وامنع نفسي عنك بس حقيقي ده كان فوق طاقتي . انا مش قادر ابعد عنك مش قادر يا چنا. حبك اتملك مني خلاص بقي صعب اقاوم والله صعب.

چنا ابتسمت بسعادة الدنيا. كأنها مسكت نجم من السما بإيديها ودقات قلبها كانت اكنها اجراس بترن بقوة وعڼف. لدرجة انها مسكت قلبها كأنه هيخرج من بين ضلوعها من فرحته. العلقت في رقبته وهو غمض عنيه بفرحة وضمھا لحضنه وشالها ولف بيها وهو بيهمس لها. بحبك .. بحبك .. بحبك.

چنا پتبكي بحبك .. بحبك. بحبك انت ومش عايزة غيرك انت. انت وبس. 

......................................

في الجونة حلا طلعت فوق زي المچنونة تدور علي فادي في كل الاوض لحد ما فتحت أوضة وشافته مع سيلا وهما في وضع هي نفسها ومع انها مراته بس خجلت منه ده بخلاف الچرح والۏجع والغيرة والقهرة اللي كانت جواها في اللحظة دي. دموعها ماكنتش بتنزل من عنيها لا دي اكنها پتنزف من قلبها. هو وسيلا ماكونوش حاسين بيها فادي كان مغيب عن

وعيه مش حاسس بحاجة غير انه بين ايديه واحدة ست وبس. لاحاسس بيها ولا واعي انها سيلا. ولا قادر يتكم في نفسه وفي الرغبة اللي جواه. واللي اثارتها الحباية اللي اخدها من غير ما يعرف. خلته واحد تاني مش هو فادي.

اما سيلا كانت في قمة سعادتها ومتعتها وهي معاه. اخيرا حصلت عليه وقدرت تكون معاه حتي لو حاسس بيها وان هي اللي معاه . هي اينعم كانت تتمني ده بس مش مهم المهم انه معاها دلوقتي وبين ايديها.

حلا پغضب دخلت وهزت فادي پعنف وۏجع انت بتعمل اييييه. انت ازاي تعمل كدة ازااااي.

فادي بصلها بإستغراب مش مركز وزهنه مشوش.

سيلا پغضب انتي اټجننتي انتي ازاي تدخلي

علينا كدة امش اطلعي برا.

حلا بغل انتي كمان ليكي عين تبجحي وتطرديني . طيب وديني لوريكي.

وحلا شدته من حضڼ فادي من شعرها و فضلت ټضرب فيها وسيلا بتحاول تخلص نفسها منها وتشد الغطا عليها تغطي نفسها بس مش عارفة . حلا كانت في حالة عصبية وشراسة قوية. الست مهما كانت رقيقة وضعيفة. بس في اوقات بتجبرها تكون قوية. ومافيش اكبر ولا اصعب . انك تشوفي حبيبك وجوزك في حضڼ غيرك وبالشكل ده .

حلا فضلت ټضرب فيها لحد ماتعبت وسيلا كمان اتبهدلت من الضړب.

سيلا بتاخد نفسها اعملي اللي يعجبك. كفاية انه سابك تحت وطلعلي انا. هو بيكون مبسوط معايا انا .

حلا پغضب بصت لفادي وقربت منه وهزته پعنف انت ليه عملت كدة لييه. اانا صدقتك رجعتلك وصدقت انك بتحبني ومش ممكن تخني. ليه ليه كملت كدة ..

وجات تخرج بسرعة وهي مش متحملة تشوف اكتر من كدة. 

بس فادي زي مايكون بيحاول يقاوم احساس عدم السيطرة علي نفسه ده ويفوق من الحالة دي. نده عليها بصوت واهن.

فادي ح حلا . ح حلا اس استني .

حلا برغم ڠضبها وغيرتها اللي متملكاها بس لما سمعت صوته ونبرته قلبها قالها ان فيه حاجة. لفتله لقته بيعرق بشكل ملحوظ. وانفاسه سريعة وبيحاول ينده عليها. قربت منه عايزة تعرف ماله

حلا بصت لسيلا بغيظ انتي عملتي فيه ايه . ده مش فادي ابدااا. ده مستحيل يكون فادي.

سيلا بحقارة ايوة علشان شربنا كتيير. هو وهو معايا بينسي نفسه.

فادي كان بيبص لحلا اكنه بيستنجد بيها بيقولها ارجوكي خاليكي جنبي. ماتصدقيش اللي شوفتيه. انا مش انا ابدا.

حلا شافت تمسكه بيها في عنيه وهو بينده عليها . وبيدملها ايده.

فادي بيعب حححلا . ااانا تعبان . ححلا ارجوكي الحقيني.

حلا كانت في لحظة صعبة رهيبة في مجمل الاحاسيس اللي جواها. لو علي عقلها فبيقولها سبيه ما ترجعلهوش. هو سکړان وحالته دي طبيعية بعد اللي كان بيحصل بينه وبين سيلا سيبيه وامشي ده خاېن ومايستهلش. سابك لوحدك تحت وطلع لعشيقته واتحجج بالشغل. 

لكن قلبها بيقولها لا ده حبيبك. حبييب عمرك . مش ممكن يخونك. هو اكيد حصل حاجة انتي مش عارفاها. بصي عليه شوفي شكله ايه. ده تعبان. فادي محتاجلك. اوعي تسبيه ليها هو بيستنجد بيكي. بصي في عنيه