رواية مهمه صعبه شيقة جدا وممتعة للغاية

سؤالها يعني مش دايما.

تمارا شهاب هو انا ممكن اسألك سؤال. بس ياريت تجاوبني.

شهاب اسألي.

تمارا بقلق وترقب من اجابته ههو انت عمرك ماحبيت ولا فكرت تتجوز. انا عارفة اني سألتك قبل كدة وانت رفضت تجاوب . بس حقيقي عايزة اعرف ايه السبب انك مافيش في حياتك ست لحد دلوقتي.

شهاب غمض عنيه پألم ومرار وانتي ليه عايزة تعرفي يهمك في ايهانا مش عايز اتكلم .

تمارا بإحراج دمعت وقامتانا اسفة اخر مرة هسألك عن اذنك .

شهاب مسك ايديها بحزن اسف. اقعدي.

تمارا جوها خاطر بيقولها ياريتك ماسألتي ليه عايزة تعرفي مافيش داعي للاسف. انت حر.

شهاب قعدها وبصلها بحزن واتنهد انا عمري ماحكيت لحد الموضوع ده ولا حد يعرفه غير 3. امي ومروان زوج عمتي ريما ومؤمن صاحبي.

انا عمري ماكنت عايز ولا في دماغي احب. لحد ماقابلت ملك. كانت لسة متخرجة جديد وجاية تدرب عندنا. اتقابلنا وكانت اول مرة قلبي يدق لبنت او ست. حبيتها من كل قلبي حبيت هدوئها ورقتها وقت مابتكون معايا وبين ايديا. حبيت قوتها وثقتها في نفسها وهي شغلها حبيت عنيها ضحكتها كل حاجة فيها حبيتها. وبصلها بقوة. تعرفي ان اول ماشوفتك فكرتيني بيها كانت عنيدة زيك .

تمارا ڠصب عنها اتوجعت ودمعت . حاست بچرح كبيير وهي شايفة حزنه وحنينه لحبيبته اللي لسة ماتعرفش بقيت حكايتها.

تمارا وبعدين!

شهاب اخد نفسه وكمل حبينا بعض جدااا واتفقنا علي الجواز. وفي يوم جاتلنا عمليه صعبة ضبطية سلاح. وتجار كبار. في العملية دي كان اسمها اتحدد ضمن العناصر اللي هتنزل معانا علشان يكونوا معانا. بس هي في اخر لحظة تعبت وسخنت طلبت من القيادة تستبعدها . رفضوا لان خلاص الوقت ازف والعملية خلال ساعات قليلة. هي كمان كانت عنيدة ودماغها ناشفة رفضت انها تنسحب. ودخلنا العملية وانا طول الوقت عنيا عليها خاېف عليها هي كانت بتقاوم تعبها بشدة.

فلااااش بااااك

ملك وشهاب والكل تحت حصار ضړب الڼار في كل مكان والكل بيعمل اللي عليه . ملك كانت واضح عليها الالم بس بتقاوم وشهاب من تركيزه عليها وخوفه عليها ماكنش مركز في اي حاجة تانية . ملك شافت عنصر من التجار دي بينشن علي شهاب في لحظة كانت قصاده وبتحضنه شهاب اتفاجأ منها بس صډمته الاكبر لما سمع ضړب الڼار ولقاها بتتفض بين ايده. ولقي ظهرها غرقان ډم.

شهاب بفزع ملك .. ملك ردي عليا . ملك .

ملك اخدت اكتر من رصاصة في ظهرها كانت صعب تعيش بس بصتله وابتسمت بحب.

ملك بحبك. كنت نفسي نتجوز بس ماليش نصيب تكون ليا.

شهاب سحبها بعيد عن ضړب الڼار وهو بيبكي اسكتي ماتتكلميش . علشان الڼزيف . وطلع جهازه وبعصبية مؤمن عايزكم تغطوني ملك مصاپة وپتنزف لازم اخرجها من هنا. بسرررررعة.

ملك مسكت ايده وكلامها كان بصعوبة ششهاب مافيش فايدة. اااانا خلاص. عمري خلص.

شهاب بيبكي بحړقةلا لا ياملك مش بعد مالقيتك وحبيتك تضيعي مني لا لو بتحبي شهاب اتمسكي بيه وبحياتك. ارجوكي ياملك ماتسبينيش انا بحبك بحبك اوي.

ملك بدموع وانا عمري ماحبيت غيرك. اوعي في يوم تنسي ملك خاليك فاكرني . وشاورت علي قلبه. ااانا اول دقة قلب . بس مش الاخيرة اكيد هيدق بعدي لغيري. وماټت ملك ومااتكلمتش بعدها.

شهاب حضنها بۏجع وپيصرخ. لاااااااااا. ملك .. ملك لا يا ملك ااااااه . ليه انتي لييييه يارتني انا اللي مت. ليه ضحيتي بنفسك علشاني ليه. ااااه يا حبيبتي ازاي هعيش من بعدك. انا عمري ماحب ولا قلبي هيدق من بعدك. تحرم عليا الستات ويحرم عليا الحب من بعدك يا قلبي .

بااااك.

شهاب كان بيحكي وهو متأثر بحزن كان مسيطر علي اي دامعة بتحاول تهرب منه. بس هو فضل متماسك.

شهاب هي دي كانت الاولي والاخيرة.

تمارا بتمسح دموعها ليك حق . اللي يعيش قصة حب بالقوة دي. ويحزن علي حبيبته بالشكل ده. يبقي صعب يعرف غيرها او يحب غيرها.

شهاب شاف حزنها وفهم انها بدأت تتعلق بيه وزعلت لما حكي ليها.

شهاب ابتسم وقرب منها بس يا تمارا النسيان ده من اكبر نعم ربنا علينا. حتي الانسان جاية من النسيان. لانه بيتنسي مع الوقت والزمن . ممكن يفضل جوانا ذكري وماضي بس الاكيد ان الحياة مش بتقف.

تمارا بصتله بلوم اومال ليه لسة متأثر باللي حصل ورافض تدخل تجربة جديدة.

شهاب ابتسم هو انا كنت رافض ومش عايز علشان ماكنش فيه اللي تحرك جوايا اي حاجة . بس.

تمارا بأمل

بس ايه!

شهاب بص في عنيها بمكر في واحدة كدة بقت تحرك فيا حاجات استغفر الله العظيم عيب.

تمارا بعصبية تصدق ان انا غلطانة اني بتكلم معاك .

تمارا قامت بسرعة بخجل ايوة خلاص فهمنا. وودي تبقي مين دي بقي.

شهاب ابتسم وقام وقف قصادها وحط ايده في جيبه امممممم. هو كان فيه حكمة كدة بتقولاللبيب بالإشارة يفهم.

تمارا ابتسمت بس لسة بتتصنع الغباء احممم. بقولك ايه انا جعانا.

. شهاب ههههههههههه. يا ربي علي بطنك اللي طلقاها علينا 24 ساعة دي. ارحمي نفسك.

تمارا الله. ايه ياعم احنا لازم نتغذا ده احنا داخلين علي ايام سوداء.

شهاب هههههههه. طيب يا بيضة عايزة تاكلي ايه تحبي ننزل ولا ناكل هنا.

تمارا ابتسمت تؤتؤ. ناكل هنا ومن ايديك .

شهاب رفع حاجبه لا وربنا. اهاه. وتحب تاكل ايه يا سي السيد. امينة في الخدمة.

تمارا ضحكت بقوةهههههههههههه. والله مش قصدي .

شهاب بغيظ لا وحياة الغالين. انا مش الطباخ اللي بعته معاكي السيد الوالد.

تمارا ههههههه. خلاص ياعم انت هتزلنا ولا ايه . هتصل واجيب اللي انا عايزاه . انا بس كنت بجبر بخاطرك واجاملك ان اكلك حلو.

شهاب ههههه. ده بأمراة لما مسحتي الاطباق مش كدة.

تمارا بصراحة اكلك يجنن.

شهاب قرب منها اكتر وابتسم انا كلي اجنن. قوليلي بقي عايزة تاكلي ايه.

تمارا بيتزا.

شهاب غمزهااحلي بيتزا ايطالي ممكن تاكليها في حياتك. بس بشرط.

تمارا بحماس انا تحت امرك يا بوب.

شهاب ههههههه. يالهههوي ياجدعان مافيش حاجة جابتها الارض غير بطنها. اسمعي هتساعديني وتتعلمي اوك.

تمارا هزت راسها موافقة.

شهاب يالا بينا قدامي علي المطبخ.

تمارا مشيت قصاده.

شهاب بيصلها بخبث طيب مش كنتي تلبسيلنا حاجة كدة تطري الليلة دي.

تمارا بعصبية جزت علي سنانها شهههاب اتلم.

شهاب احممم. انتي فهمتي ايه بس روقي كدة. انا اقصد تغيري هدومك دي علشان هتتبهدل .

تمارا مالكش فيه انا عجبني كدة.

شهاب ابتسم طيب تعالي معايا. مسك ايديها ومشي للمطبخ. وهي ابتسمت ومشيت معاه.

اليوم ده هيكون بداية حياة جديدة ليهم علشان مابقاش في بينهم حاجة مستخبية. بس ايه اللي جاي وممكن يقابلوه لسة هنشوف. 

......................................

في صباح يوم جديد في الجونة . كان فادي قاعد علي البحر والولاد بتلعب قصاده في البحر وحلا كانت في الشاليه ورجعت بس شكلها زعلان وحزين.

فادي بقلق مالك يا حلا في ايه.

حلا بحزن مافيش حاجة .

فادي حلا ما تضيقيش خلقي واتكلمي مالك ماكنتي كويسة من شوية.

حلا بدموع مامي ومايا مش بيكلموني مقطعني علشان رجعتلك. مامي مش بترد عليا.

فادي بتأفف اوفففف. هي امك دي مش ناوية تتهد بقي انا بجد